ما الفرق بين السيارة الدوجان و السيارة الشاهين ؟
و ايهما افضل ؟
:satelite:
ما الفرق بين السيارة الدوجان و السيارة الشاهين ؟
و ايهما افضل ؟
:satelite:
انااعتقد فى تقفيل السيارة
الدوجان تقفيل تركي
الشاهين تقفيل مصرى
بص انا اعرف واحد عندة دوجان و اعرف واحد تاني عندة شاهين هسألهملك و اجي ارد عليك
مع ان الشكل تقريبا واحد
الا انك لو ركبت الاثنين هتحس بفرق كبير
لصالح الدوجان طبعا
ده غير انها كلها كامله
كل المعلومات الي إتقالت صح والدوجان أحسن في كل حاجة
هيا الدوجن كالمه من نحيت ايه وهل لسه بيتصنع منها لغايه لدوقتى
تحياتى
شكر جدا يا شباب :B4_388::satelite:
انا بشترى اليومين دول و امامى العربيتين و بصراحة محتارجدا جدا فى الاختيار:_Alshmokh08[1]::36_1_31:
الله يكرمكم انتم اللى حتحسمو معايا فى الاختيار بأذن الله :shine[1]:
الشاهين احدث بالمقارنة بالدوجان ,
يا جماعة فية فرق كبير بين العربيتين
الدوجان موديل 95 و 96 كانت بموتور تمبر 1600
وعموما مواتير الدوجان 1600 مش 1400 زي الشاهين
باقي مواتير الدوجان 1600 بس توفاس
باقي العربية لا اختلاف جوهري بخلاف التبلوة وتجليد الابواب والاكسدمات ورشاش مياة للفوانيس الامامية والفانوس الخلفي
اما الاختلاف الاساسي الموتور والكورونا
بس المقارنة لصالح الدوجان طبعا
بس لو لقيت واحدة نظيفة
خلص فيها و بسرعة لو حالتها زي ما بتقول
و فعلا بعد ما سألت لقيت الدوجان افضل من الشاهين بكتير
كماليات و 1600 و انعم من الشاهين
بس إتأكد إن التكييف سليم قبل ما تخلص فيها ولو مش سليم إخصم تمنه
السعر ممتاز لو حالتها زى مابتقول
توكل على الله
بالنسبة لاي حد عاوز يشتري شاهين او دوجان
اهم حاجة طبعا الدواخل
يليها في الاهمية صوت الفتيس والكورونة
لانهم اهم حاجتين بيبوظو وسعرهم غالي
طبعا نتيجة عدم الكشف علي منسوب الزيت فيهم فبيقل الزيت ويبدا التأكل في التروس وتعمل صوت ونة لا تطاق
وتبدي تدور تشتري بتوع 131 وطبعا غالين علشان كمية التاكسي
من فئة 131 والدوجان والشاهين
ولان نادر جدا مستوردين استعمال بيجيبو العربيات التركي
ومش مهم التكييف اطلاقا لانة لو بايظ اخصم تمنة واشتري واحد جديد او استيراد ولانة متوفر واسعارة عادية
وعموما ربنا يباركلك فبها ان شاء الله
وياريت توافينا بأخبارك بعد الشراء
الف شكر لحضرتك mezo73 للمعلومات
مبروك يا باشا على البيع وان شاء الله تشترى احسن منها
بس ممكن اعرف بعت ال 131 بكام او رينج اسعارها كام دلوقت
اللى يوقع امامة عربية دوجا يبلغنى
و جزاكم الله كل خير
الدوجان أفضل فى الإمكانيات و التقفيل
و ربنا يعينك و تلاقى دوجان نضيفة زى اللى بتتمناها
لازم تعرفنا الموديل سنة كام لكل عربية عشان نقارن صح
الدوجان أفضل
بس لو الشاهين مثلا موديل 2002 و الدوجان 1993 يبقى الشاهين أحسن لك
تامر
بسم الله الرحمن الرحيم
الحمد لله * الحمد لله * الحمد لله
ربنا كرمنى اخر كرم
و اشتريت :-
دوجان
موديل 1993
نبيتى
تكييف
زجاج كهرباء
فاربكة من الداخل و بعض اجزارء من الخارج
طبعا موتور 1600
حالة جيدة جدا ( بس طبعا للازم تكون فى شوية مصاريف - بس بأذن الله حاجات كلها بسيطة [ مثلا فى فرش الابواب / اكر الزجاج الخلفى / ريش مساحات ) مصاريف كلها بسيطة .
الحمد لله * الحمد لله * الحمد لله *مرة تانية
انا اشتريت دوجان 94 من اسبوعين كان مطلوب فيها 26 بس خلصتها على 25 الحمد لله كاملة بس عاوزة شوية مصاريف كهربا وعايزة رش خارجى نظافة عايز اعرف السعر دة كويس ولا اية وكمان عايز اروشنها شوية يعنى عايز اخليها حاجة تانية انشاء الله يا ريت الى يعرف يقول والف مبروك يا زيزو على العربية وربنا يبارك ليك فيها ويكفيك شرها
الله يبارك فيك يا ريس بس انا امبارح لاحظت حاجة كنت ماشى بيها على 60وفجاة لقيت العربية بتتمرجح بيا بتحد فمنى جامد وبعدين لقيتها بتكركب بتننتش منى يعنى وبعدين لقيت السحب صعب اوى وبتجيب ال 60 بالعافية والله مش عارف اية الى حصل يا ريت لو تعرف تقولى او اى حد عارف يقولى يا رجالة وجزاكم الله خيرا
انا لسة حاطط لها فلتر بنزين اول ما جبتها بس انا سالت واحد صحبى قالى الكهربا عايزة تتظبط موش عارف كلامو صح ولا غلط
الف الف شكر للاجمال شباب فى اجمل منتدى موجود على النت كله
عندى سؤال : هل الدوجان فيها مفتاح هواء فى الكبرتير لسخين السيارة ؟
شكرا يا ريس طلع المشكلة البوجيهات عايزة تتغير وفعلا جبتلها بوجيهات تانية والحمد لله رجعت احسن من الاول
ألف مبروك و ربنا يباركلكم فيها