الموضوع: سؤال عن الاكسبلوجن 2 باب

بغض النظر عن كل اللى اتقال قبل كده
العربية دى بديل التيريوس( دايهاتسو - يابانى ) و ثباتها كان وحش جدا بعد ال 100
انا شايف انها مخاطرة ارمى 85000 الف فى عربية و انا عارف ان ثباتها مش كويس

+1 في كذا عربية في فئة 85 وعربيات انضف مليون مرة من اكسبلوجين دي عنك جين 2 و واجا وسيتي ويارس و اوبترا .......والخ أكيد هيبقوا اضمن من اكس بلوجين

علشان عنده بولونيز و نفسه في جراند اكسبلوجن

البلونيز اضف 100 مرة من اكس بلوجين على فكرة قبل ما اركب بلونيز دي والدي كان معاه A4 اوكتافيا موديل 2005 وبيجو 405 موديل 2002 وتوجن موديل 98 ,128 معرفش موديل كام وبلونيز موديل 91 وحالياً اللي موجود البيجو وبلونيز

البلونيز معايا علشان انا كنت بتعلم عليها السواقة وحالياً بدور على عربية جديدة ولسه مش هاخد القرار دلوقتي

ومش هتخرج عن فيرنا او الانوس وفي احتمال اني اوصل المبلغ لاعلى من كده واجيب حاجة في الفئة 85

واكيد مش هجيب اكس بلوجين لو هيدفعولي عليها فلوس ولا اي عربية صيني....

انت عصبي ليه؟

انا مش عصبي عايزني اشوف واحد بيتنصب علية واسكت :):):)

يا powert انا مش متحيز للعربيه والصينى تقريبا أخر حاجه ممكن أفكر فيها وكمان العربيه مش رخيصه 80000 أو 85000 مش لعبه يعنى....أنا معاك إن الفيرنا أو اللانوس فعلا أثبتوا شخصيتهم فى السوق المصريه بس فى حاجه أنا بتكلم من ناحيه مبدأ التغير للعربيه يعنى تكون راكب حاجه شبه ال 4*4 بسعر ها يعنى تغيير ليس إلا ولكن بعد ماتثبت العربيه نفسها شويه من جميع النواحى طبعا وده للأسف محدش شافه فى شوارعنا ولإنى طبعا مش هقارن التيوتا راف4 أو الجراند فيتارا بيها لا وجه مقارنه غير الشبه شكلا فقط لكن متهيألى إنها كموتور ميتسوبيشى كويسه ويبقى فاضل فيها الأمان وده اللى إحنا عايزين نعرفه للمنفعه والعنصر ده لو إتحقق يبقى متهيألى كده مش ناقصها حاجه تانى غير اللى هقول عليه وهو المسلمى...انا عارف إن المسلمى مش توكيل ولا بتنجان حتى بس بعد كده لو العربيه ثبتت نفسها ومتهيألى إنها لسه شويه عقبال ماتعمل كده هيبقى ليك إنك تدور على الاسم اللى هو المسلمى وإستمراريته فى السوق المصرى كتوكيل معتمد للإكسبلوجين عامة

انسب عربية لشوارعنا هي بجدارة الادا وشاهين وبلونيز وعن تجربة مع البلونيز عمرها ما حكت في حاجة ولا اي مطب عكس الشاهين خبطت كذا مرة قدامي

بنسبة انك تركب عربية 4*4 فانت جاوب على نفسك عربية "شبة" يعني مش عربية هو انا بشتري حاجة شبة حاجة طاب ما انا ممكن اروح اشتري من شركة BYD وعربياتها شبة البي ام ومرسيدس

بنسبة لانك مضمن لعربية دي علشان خاطر الماتور سؤال......... هي العربية ماتور بس؟؟؟؟؟

في مليون حاجة تانية ممكن العفشة تفك او المساعدين تقع علشان نوع المسامير مش حلو مثلاً

في عضو باعت ايميل لشركة بروتون بيسألهم هل هما حاسنوا من العربية بتاعتهم ولا لأ قالولوا احنا بنحاول

بس حالياً العربية بتجمع من 10 الالف قطعة بتيجي من برة وانهم بيحاولوا يجمعوا عندهم كاملة <<<< يعني العربية مش ماتور وبس >>>>

المسلمي ده ممكن يقفل زي الفرسان ما هما كان رأس مالهم كبير واللي جابهم الارض العربية الشيري