المشاركة الأصلية كتبت بواسطة terrible_darsh
اللى حصل النهارده بيؤكد ان حالنا لن ينصلح و لو ل 100 سنة قدام .
الناس مخها بقي :t_thum1[1]: شــمال و كل واحد واخدها بلطجة و غباء و فاكر نفسه الصح ..
هكحى موقفين بس , كنت مع صاحبي فى جسر السويس عندنا كورس و ركنا العربية قدام العمارة ركنة مظبوطة و طلعنا , بعد اما خلصنا نزلنا لاقينا المنظر بالوضع دا ..
عربية راكنة جمبنا صف تانى و متعشقة و صاحبها مش موجود و عربية نص نقل ورانا بالمنظر ده ..
المهم بصينا حولينا مفيش حد عبرنا , نزلت علشان اوجه صاحبي علشان نطلع و هو بيرجع قلت له براحتك لان لو العربية اتخبطت احنا ملناش ذنب , رجع مرة و عدل و المرة التانية خبط العربية و طبق لها النمر , قلت له مش مهم احنا مش هنهاتى على صاحبها و احنا جايين نطل على الطريق خلاص .
لاقينا واحد كان بيتفرج علينا بيقولنا ليه كدا !!!!!!
قلت له هو انت صاحب العربية ؟ قالى اه , قلت له و بتتفرج علينا و مبسوط ؟؟ قالى اه و العربية اتخبطت و كان رجل سُنى و بيتكلم بهدوء فمردتش اتعصب عليه .
قلت له يعنى انت بالعقل كدا ركن عربيتك غلط و زانقنا و بتتفرج علينا و بعد كده بتقول انتوا خبطوا العربية ؟؟ ده عقل يعنى !!
فضلت اكلمه نصف ساعة و هو برده مش عايز يفهم انه غلطان , فى الاخر قالى انا غلطان تقوموا تطبقوا لى النمرة ! قلت له مادام انت غلطان تتحمل نتيجة خطاك و تستاهل و مشينا و سبناه و طبعا علامات الاستفهام فى دماغى ازاى الرجل مش عايز يفهم انه الغلطان !!!!
دخلنا على لطفى السيد و داخلين يو تيرن علشان ندخل امتداد رمسيس و نروح , لاقينا واحد عبقري هيخبط فينا بالمنظر دا !
داخل فى وشنا غلط و هيخبطنا و متدايق و فضل جوه العربية مش عايز يتحرك لمدة 5 دقايق !
طلعت من الشباك و قلت له يا باشا انت ماشي عكس انت مش واخد بالك ولا ايه ؟؟
رد عليا بقلة ادب و قالى انا حر امشي زى ما انا عايز :_alshmokh08[1]: ( عنده حوالى حاجة و 40 سنة ) صاحبي قفل العربية و نزل و قاله احنا مش هنمشي , طبعا انا متاخر و مش راضي بالمنظر ده و قلت ده رجل كبير زى والدى مش مشكلة ..
نزلت قلت له يا سيدى انت ماشي غلط و كمان بتكابر و بتتكلم بعصبية ؟؟ ينفع ؟
لاقيته بيقل ادبه تانى برده و صاحبي جاب الشومة علشان يضربه , انا قلت مش هينفع صاحبي يضرب رجل كبير مهما كان مسكته و حوشته عنه و الرجل برده قليل الذوق بيتصل بناس علشان يتخانق ..
رحت قلت له انت بتتكلم بقلة ذوق و عايزنا نحترمك يعنى اخلص امشي بدل ما منظرك يكون وحش , و هو برده دماغة جزززززززمة و صاحبي عايز يضربه ..
المهم اخدت العربية ركنتها قدام وشلت الشومة و راجع اخد صاحبي , لاقيت 2 جايين فى عربية سويفت و بيقولوا ان احنا الغلطانين , فقلت للرجل يا عم انت رجل كبير ليه الكذب ! احنا ماشيين صح و بناخد اليو تيرن صح صاحبك اللى ماشي غلط و مفيش حد بياخد ملف كده ابدا , برده مصممين اننا الغلطانين .
الرجل ابتدى يشتم و صاحبي هزقه و مش عايز يهمد غير لما يروح متعور مثلا !
اخدت صاحبي و قلت للرجل اتكل على الله انتوا عالم كبيرة و ناقصة و انا لو قليل الادب كنت ضربت حد فيكم و مشينا احنا و انا لحد الان مستغرب من الوضع اللى الناس وصلت له ..
و الله ما عارف اقول ايه , غير لا حول ولا قوة الا بالله , احكموا انتوا يا جماعة يمكن احنا عالم قليلة الادب و منعرفش .