هل الجيتا الخليجى صناعه المانى ولا لقه

**omar91119** · 28-01-2010 12:15 AM

تسلم يابشا رمتشكر لزوقق

تحياتى

**omar91119** · 29-01-2010 01:28 PM

طيب سوال كده هل خامات الجيتا احسن ولا
الفانتزيا
ويريت حد يكون عندوا خلفيهالف شكر مع تاكيد ان التغيرات فى موديلات 2010 هتبقى موجوده

طبعا بتكلم على الخيلجى

تحياتى

ويبقى

**islamaboelnaga** · 29-01-2010 05:51 PM

بص ياباشا من الاخر فى حاجات كتير فى الجيتا احسن من الاوكتافيا بس فى عيب خطير فى الجيتا انها واطيه جدا بس غير كدا هيا كاخامات مفيش فرق كبير او الجيتا احسن شويه بس كراسى الجيتا و عفشتها اريح كتيير و عزلها اعلى و امانها اعلى (10 ايرباج ) سحبها احسن ( خصوصا بالفتيس الجديد )
على فكره انا كنت هاجيب اوكتافيا لاخر لحظه علشان واحد قريبى كان معاه اوكتافيا من 2007 و باركبها على طوول و سوقتها كتيير و لسه بايعها ماشاء الله عامله 100000 كم وماشاء الله معملش فيها اى حاجه غير انه غير بوجيهات مره و ربط عفشه مره فقط و كانت زى الفل بس هيا الاوكتافيا عموما فيها عيب خطير ميعرفوش الا اللى ركبها فتره كبيره و هو ان الابواب و الشنطه لاااااازم بيعملو صووت بعد فتره (تحس ان هيا سايبه او بتلوق كدا ) و دا اكبر سبب خلانى اسيبها و اجيب الجيتا و انا كنت قبل ما اجيب خدت الجيتا فتره و الاوكتافيا فتره و حسيت بالفروق دى ( حتى صاحب الاوكتافيا قالى على مشكله الابواب و الشنطه دى ) هو صوت بيظهر بعد فتره و بسيط بس لو قافل الازاز هاتسمعه و هيستفزك جدا

**omar91119** · 29-01-2010 09:44 PM

يعنى من الاخر اتوكل على الله واجيب الجيتا وموضوع انها مكسيكى عادى ومن خلال ارائكم وانطباعتك كمان تجربتكومشاركتكم معايا فى الموضوع ده الى اكيد رعيتوا فيها الامانه وعدم التعصب لاى مركه
وبصراحه هيا عجبانى بس كنت مقلق من موضوع انها مكسيكى وده وكنت مفضل الفانتزيا عليها عشان هيا تقفيل تشيكى

بس ان شاء الله ربنا يوفقنى ليها واول ما العروسه تشرف بيت العز همل موضوع عنها وتجربتى ورائى فيها

وربنا يوفقنا جميعا للى فيه الخير ومتشكر ليكوا ولكل الى افدنى وبصراحه قسم فولكس رجلته مقصروش نهائى

تحياتى

**islamaboelnaga** · 29-01-2010 10:18 PM

الف مبروك ياباشا ان شاء الله ...بس حضرتك هتجيبها فى قطر و لا فى مصر ؟

**omar91119** · 30-01-2010 07:20 PM

انا عايش فى قطر وهجبها منها عندى ان شاء الله فى القريب العاجل عقبال ما اخلص شويه مواضيع مع بتوع البنك وكده وللمعلومه العربيه هنا تقدر تستلمها فى اقل من تلت ايام وكمان مترخصه
وبيتعملها صيانه كل 15000 وعليها ضمان انترنشونال لمده 3 سنين
الى عجبنى غير انها عربيه شكلها حلو الابشن الى فيها كتيره ومفيده

انا حولت الاقى عربيه يابانى بنفس الابشن والسعر الى طبعا فى صالح الجيتا والهى ما لقيت

هنا تويوتا سيد الموقف بس عشان اسمها تويوتا بس كا عربيات بقت مش كويسه غير ان التوكيل هنا مش معترف بالعربيات الصغيره كل مبيعتهم الاندكروزر

ربنا يوفقنا للى فيه الخير وان شاء اول ما جبها هعمل موضوع عنها
وامتب كل الى اقدر عليه ومتشكر لهمتامكوا ومتشكر تانى

تحياتى