سحب الرخص

**dr_3eshoo** · 23-12-2007 03:03 AM

يعني العيد و يلمو الغله كل سنه و انت طيب

**Ahmed Hassan** · 23-12-2007 03:31 AM

و فى كل مره 20 جنيه ياخدها و يقوللى مع ألف سلامه يا باشا ماعادا بتاع كمين المنيب الأمين خد ال 20 جنيه و قاللى آه منكوا يا شباب اليومين دول

امين شرطه "حمش" صحيح... هيه دي الرجاله و لا بلاش.

انا باتبع اسلوب انا شايف انه الوحيد اللي ينفع (على الأقل بالنسبه ليه)... لو اي ضابط او امين شرطه وقفني و طلب الرخص اديلو الرخص... يا اما يشوفهم و يرجعهم.. او جنابه يختار اي مخالفه ظريفه و يسحب الرخصه.. باستنى في العربيه لغايه ما يكتب الوصل و يجبهولي العربيه واخده و امشي من غير ولا كلمه. انا شايف ان دي احسن طريقه لأن مفيش اي مجال لحوار او مناقشه منطقيه.. يبقى اريح اعصابي و ابعد عن الاشكال دي احسن.

**Jato.33** · 23-12-2007 09:53 AM

بما إن كل واحد حكى حكايته مع سحب الرخص
أحكي أنا كمان
أصلي بحب الحكاوي دية
أنا إتسحبت رخصتي مرة واحدة على كمين على الدائري قبل المريوطية بسبب السرعة ودية معرفتش أعمل فيها حاجة ولا كنت ناوي ولا أعرف أعمل حاجة (أصل أنا غلبان)
المرة التانية كنت رايح مول الكومبيوتر بتاع السخاوي ودخلت من شارع غلط المفروض إنه خارج بس فلاقيت 3 أمناء شرطة واحد منهم وقفني وقالي الرخص وإنتا كده ماشي عكسي وهنسحب الرخص يا إما تدفع المخالفة وكانت كبيرة أوي مش فاكر تقريباً أكتر من 100 جنية وسابني أفكر المهم
قعدت أفكر وإستشرت واحد صديقي كان جنبي وقررت أديله 20 جنية وأنا بطلع الفلوس لاقيته رجع وقالي حاجة غريبة أوي : إتفضل رخصتك وألف سلامة
الحمد لله

المرة الأخيرة كنت رايح المهندسين ودخلت ميدان لبنان لاقيت أمين برده أخد الرخص وقالي مش رابط الحزام ليه
ده بأه قالي تدفع دلوقتي أو نسحب الرخص قولتله هدفع كام قال 20 جنية
إدتهوملوا وأخدت وصل كبير ومختوم ومذكروة فيه بياناتي وبيانات العربية والمبلغ كمان
والحمد لله

والتعليق
اللهم إنا نعوذ بك من شر كل ذي شر من خلقك
اللهم أغننا عن شرار خلقك

**Nile Heart** · 23-12-2007 10:18 AM

معلش انا لى ملاحظتين

1- عدد كبير منكم بيدى الرخص لأميناء الشرطه اوحتى للعساكر.. وده غلط كبير جدآ لأن القانون بيعطى الظابط فقط حق سحب الرخص. الأمين ده اخرته يكتبلك مخالفه فقط.. اما ياخد الرخص لا والف لا

2- معظمكم بيخاف من رجال الشرطه حتى وهو مش عامل حاجه! انت لو عربيتك سليمه حط صباعك فى عينه ولو زودها هدده انك حاتشكى لمساعد وزير الداخليه لشؤون التفتيش, والله بيخافوا على مكافأتهم وترقياتهم وخصوصآ ان كلنا متعلمين ولسنا جهله أو سوابق.

**m_aash** · 23-12-2007 11:00 AM

المشاركة الأصلية كتبت بواسطة Nile Heart

معلش انا لى ملاحظتين

1- عدد كبير منكم بيدى الرخص لأميناء الشرطه اوحتى للعساكر.. وده غلط كبير جدآ لأن القانون بيعطى الظابط فقط حق سحب الرخص. الأمين ده اخرته يكتبلك مخالفه فقط.. اما ياخد الرخص لا والف لا

2- معظمكم بيخاف من رجال الشرطه حتى وهو مش عامل حاجه! انت لو عربيتك سليمه حط صباعك فى عينه ولو زودها هدده انك حاتشكى لمساعد وزير الداخليه لشؤون التفتيش, والله بيخافوا على مكافأتهم وترقياتهم وخصوصآ ان كلنا متعلمين ولسنا جهله أو سوابق.

هو معظمنا و أنا واحد منهم ما عندوش خلفية بالقانون و محترم زيادة شوية و مابيعرفش يتعامل مع الأشكال النصابة دى

**eng_mkhalaf** · 23-12-2007 02:33 PM

ياعم دة لو عايز يطلع أية فى العربية هيطلعة - مينفعشى معاهم اللون دة - اشترى دماغك يا أما بالفلوس أو تسيبة يعمل غللى عايزة

**Ahmed Hassan** · 23-12-2007 06:58 PM

1- عدد كبير منكم بيدى الرخص لأميناء الشرطه اوحتى للعساكر.. وده غلط كبير جدآ لأن القانون بيعطى الظابط فقط حق سحب الرخص. الأمين ده اخرته يكتبلك مخالفه فقط.. اما ياخد الرخص لا والف لا

انا مش اول مره اسمع الكلام ده.. بس بصراحه مش متأكد انه صح.. ممكن حد يأكد او ينفي المعلومه دي مع توضيح الدليل؟!!

**modux** · 23-12-2007 07:13 PM

المشاركة الأصلية كتبت بواسطة eng_mkhalaf

ياعم دة لو عايز يطلع أية فى العربية هيطلعة - مينفعشى معاهم اللون دة - اشترى دماغك يا أما بالفلوس أو تسيبة يعمل غللى عايزة

+10000000000

**د.أحمد سمير** · 23-12-2007 10:32 PM

بالفعل ليس من حق أمين الشرطة سحب الرخص .. لكن المشكلة إن القانون يعطي له الحق في الاطلاع عليها .. فكدة أو كدة هتسلمه الرخص في إيده .
لكن نصيحة على السريع كدة .. لو قابلك أمين شرطة لوحده وكانت غزالتك رايقة شوية بخ فيه ، لما يقولك وريني الرخص قوله وريني الكارنيه ، ولو قاوح هزأه .. بيخاف وبيتهت .
تقبلوا خالص مودتي

SS · 23-12-2007 11:07 PM

هو فعلا حق سحب الرخص مقتصر على الظباط بس ، و الامناء و المندوبين و بالتأكيد العساكر ليس لهم هذا الحق و اخر صلاحياته هو تحرير مخالفة زى ما الدكتور احمد ذكر ...لكن فى اللجان و الاكمنة مفروض انه بيطلع عايها للتأكد من صحتها او لعرضها ع الظباط لكن ليس له الحق ف سحبها. بالنسبة لموضوع البخ ف الامناء او الظباط الصغيرين فده مافيش مشكلة منه الا ف حاجة واحدة انه ممكن يستلم عربيتك مخالفات للصبح لما تروح تدفع المخالفات تلاقيها من النوعية الغريبة اللى كلنا عارفينها و تلاقيها كلها ف حتت لعمرك رحتها ولا سمعت عنها.

الموضوع: سحب الرخص

LinkBack

أدوات الموضوع

عرض

-

-

-

-

-

-

المواضيع المتشابهه

الرخص

الرخص اتسحبت؟

الرخص!!

الرخص ضاعت

الرخص على الانترنت

الكلمات الدلالية لهذا الموضوع

المفضلات

المفضلات

ضوابط المشاركة