استشارة فى رش العربية

**zocor742** · 24-01-2010 04:04 AM

المشاركة الأصلية كتبت بواسطة sherif khalifa

لو هترش العربية كلها هتجيب زى الكود بظبط
لو هترش اجزاء منها هتجيب اللون بالكود و الرجل يظبط اللون على لون العربية الحالى
الى هوا اختلف عن لون الكود بسبب عوامل التشغيل

شكرا على مرورك ياشريف بية وربنا يبعد عنك شر الطريق انت وجميع الاخوة .. ان شاء الله
ان شاء الله ناوى ارشها فى الكامل ماعدا السقف
الكود بيبقى فى حوض المتور مش كدة
فى قطعة الحديدة اللى متبرشمة ومكتوب عليها البيانات فى الوش جنب الهورن بتاع الانزار

**waleedrahmy** · 24-01-2010 07:17 AM

متشكر على الرد ياباشا بس انا عايز ارش العربية فى الكامل ماعدا السقف ... يعنى وش نظااافة
لو رشيت اماكن المعجون بس العربية هتكون مرقعة لآن التلقيط اللى فيها كتير هو صحيح كلها حكات مش خبطات بس بعد الرش مش هتفرق حتى لو البوهيجى جاب نفس اللون بالظبط اللون الجديد هيبقى افتح من القديم عشان اتعرض للشمس كتييير ....... فا النتيجة هتكون مش قد كدة كمان فى الشمس هتبقى كل حتة لون بالزات اللون فض ميتاليك .
هو كنت ممكن اعمل كدة لو كنت هرد الخبطة وهمعجنها وهرش مكان الخبطة وخلصت على كدة
حضرتك فاهم وجهة نظرى ولا لأ.

انا كنت عايز اوفر عليك عشان الموضوع ما يفتحش مصاريف جامد

**Shiref_mohamed** · 24-01-2010 09:45 AM

المشاركة الأصلية كتبت بواسطة zocor742

الله يسلمك ياباشا
تمنها كام وصناعتها المانى ولا اية انا اسمع ان انظف الانواع المانى .
وفية مادة بتترش بعد المعجون وقبل الدوكو حضرتك متعرفش دى فيدتها اية او اسمها على الاقل
هو السادة الخبراء مش هيفيدونا فى الموضوع دة

مش عارف بالظبط هيا اما الماني او اسباني تقريبا ومن حوالى سنتين كان سعر الكيلو الواحد منها 500 جندي مش عارف دلوقت بكام
وبالنسبة للي بيترش بعد المعجون ديه ماده اسمها Filler وديه عشان تغطية المسام الدقيقة للمعجون ولازم يستخدم وفيه منه نوعين واحد سريع وواحد بطيئ بس مش عارف ايه الفرق بينهم

**hemeds82** · 24-01-2010 10:52 AM

[OVERLINE][/OVERLINE]

المشاركة الأصلية كتبت بواسطة Shiref_mohamed

مش عارف بالظبط هيا اما الماني او اسباني تقريبا ومن حوالى سنتين كان سعر الكيلو الواحد منها 500 جندي مش عارف دلوقت بكام
وبالنسبة للي بيترش بعد المعجون ديه ماده اسمها Filler وديه عشان تغطية المسام الدقيقة للمعجون ولازم يستخدم وفيه منه نوعين واحد سريع وواحد بطيئ بس مش عارف ايه الفرق بينهم

الف حمد لله علي سلامتك ويارب يديم عليك نعمة الصحة

بص يا باشا بوية سيكنس دي الماني وتعتبر من احسن الانواع في السوق بس المشكلة انك تلاقيها لان

الصنايعي بيقولك انة راشش sickens لكن بيكون راشش كابسي وعلي فكرة كابسي ممتازة بس

عايزة صنايعي شاطر علشان يصب اللون صح

اما اللي بيترش هو زي ما شريف باشا قال filler ودي علشان تهيئة السطح اما تغطية المسام

الدقيقة دي اللي بيعملها المعجون وفية نوعين بطيئ ودة بيتحط علية مصلب وبيدخل الفرن ودة اللي

المفروض تستخدمة وهو اغلي من الفلر السريع لانة بيتحط تنر دوكو بس وبينشف في الهوا علشان كدة

حضرتك لازم تكون مع الصنايعي علشان متكلفش كل دة وفي الاخر يحطلك فلر رخيص لان من اهم

الحاجات اللي تبينلك العربية هي الدهان واهم حاجة في الدهان هي البطانة يارب اكون قدرت افيدك

والف حمد لله علي السلامة

[/OVERLINE]

**yaserbasha2000** · 24-01-2010 11:39 AM

متابع باهتمام

**freewill** · 24-01-2010 12:34 PM

المشاركة الأصلية كتبت بواسطة sherif khalifa

لو هترش اجزاء منها هتجيب اللون بالكود و الرجل يظبط اللون على لون العربية الحالى
الى هوا اختلف عن لون الكود بسبب عوامل التشغيل

هوا ازاى هايظبط اللون عالعربية وانا جايبله اللون بالكود؟ يعنى حايضيف حاجة عاللون عشان يقربة من اللون القديم ولا ايه بالظبط؟
وهل فعلا اللون بيتظبط مع اللون القديم ولا بيقرب منه بس وبنسبة قد ايه؟
وهل فى الوان معينه الموضوع دا ماينفعش يتعمل فيها؟
شكرا للأفادة

**hemeds82** · 24-01-2010 01:56 PM

المشاركة الأصلية كتبت بواسطة freewill

هوا ازاى هايظبط اللون عالعربية وانا جايبله اللون بالكود؟ يعنى حايضيف حاجة عاللون عشان يقربة من اللون القديم ولا ايه بالظبط؟
وهل فعلا اللون بيتظبط مع اللون القديم ولا بيقرب منه بس وبنسبة قد ايه؟
وهل فى الوان معينه الموضوع دا ماينفعش يتعمل فيها؟
شكرا للأفادة

بص يا باشا كل عربية في الدنيا ليها كود وكل شركة بويات ليها حاجة اسمها كارتة الكارتة دي فيها الوان كتييييير وكل لون يمثل الاكواد دي (حاجة عاملة زي الطبخة كدة ؟) الصنايعي بيشوف الكود وبيجيب اللون من الكارتة بس دايما اللون دة بيكون مش مظبوط اوي دي شطارة الصنايعي انة يقرب اللون لحد مايقدر والتظبيط دة يبقي في الشمس بيصب اللون الاول علي صاجة ويقربة للعربية ويشوف ناقص اية يارب اكون قدرت افيدك

**hosamdaewoo** · 24-01-2010 04:04 PM

بص يا اخويا سامح
خطوات الدهان كالتالى
1-صنفرة العربية بالكامل عدا السقف (هتحتاج 2 فرخ صنفرة 80)
2-معجون الاسطح الغير مستوية (معجون استك بضم التاء)والعلبه فى حدود 16 جند والعربية فى المتوسط بتاخدعلبة و نص
3-صنفرة المعجون بصنفرة فى حدود ال 120
4-اذا العربية احتاجت معجون تانى الراجل هيكرر العملية اللى فاتت
5-العربيه بتتغسل بالميه والصابون كويس
6-الراجل هيحط معجون تانى بس ناعم جدا اما بالسكينة او هيرشة ودة اللى اسمه الفيللر
7-صنفرة المعجون الناعم (اسمه معجون دوكو)بصنفرة 320 على الاقل ويمكن يصنفر بصنفرة ناعمة خالص يمكن توصل ل 1000
اذا كانت العربية داخلة الفرن
8-غسيل العربية وتغطية الزجاج والفوانيس بالجرايد وبكر اللصق
9-تدخل الفرن تترش حاجتين :
اللون الاساسى +الورنيش بعد كده
ومش هطول عليك ولو عندك اسئلة انا جاهز

**zocor742** · 24-01-2010 06:57 PM

المشاركة الأصلية كتبت بواسطة waleedrahmy

انا كنت عايز اوفر عليك عشان الموضوع ما يفتحش مصاريف جامد

ياباشا انا فاهم انك بسيط لمصلحتى وحاولت تخلينى الم الموضوع
ودة شعور نبيل من حضرتك وطبعا دة المتوقع من شخص محترم مثلك
هو الموضوع ان التلقيط هيكون كتير فى العربية وحتت مختلفة وانا عايز اديها وش من زمان بس الصراحة كنت ناويها على دخلة الصيف.
بس لو كانت العربية مفهاش حاجة غير الخبطة دى وبالكتير مثلا حتة كمان هتتعمل مكنتش هتبقى مشكلة وكنت اكيد هتصرفزى ماقولت وكنت هكتفى بالمعجنة ورش مكان المعجون
بس ياريت تكون وصلتك وجهة نظرى
وعلى العموم لما العربية تخلص سمكرة هبقى اصورها وارفعلكم الصور ان شاء الله

**zocor742** · 24-01-2010 07:01 PM

المشاركة الأصلية كتبت بواسطة hemeds82

[overline][/overline]
الف حمد لله علي سلامتك ويارب يديم عليك نعمة الصحة

بص يا باشا بوية سيكنس دي الماني وتعتبر من احسن الانواع في السوق بس المشكلة انك تلاقيها لان

الصنايعي بيقولك انة راشش sickens لكن بيكون راشش كابسي وعلي فكرة كابسي ممتازة بس

عايزة صنايعي شاطر علشان يصب اللون صح

اما اللي بيترش هو زي ما شريف باشا قال filler ودي علشان تهيئة السطح اما تغطية المسام

الدقيقة دي اللي بيعملها المعجون وفية نوعين بطيئ ودة بيتحط علية مصلب وبيدخل الفرن ودة اللي

المفروض تستخدمة وهو اغلي من الفلر السريع لانة بيتحط تنر دوكو بس وبينشف في الهوا علشان كدة

حضرتك لازم تكون مع الصنايعي علشان متكلفش كل دة وفي الاخر يحطلك فلر رخيص لان من اهم

الحاجات اللي تبينلك العربية هي الدهان واهم حاجة في الدهان هي البطانة يارب اكون قدرت افيدك

والف حمد لله علي السلامة

[/overline]

الله يسلمك يا برنس
شكرا على المعلومات اللى بجد مكنتش اعرف عنها حاجة عشان كدة كنت عايز حد يفهمنى اليلة وحضرتك قومت بالواجب وزيادة

الموضوع: استشارة فى رش العربية

LinkBack

أدوات الموضوع

عرض

-

-

-

-

المواضيع المتشابهه

استشارة ضرورية في سيرفيس العربية

استشارة بخصوص صيانة العربية

استشارة فى تسجيل العربية

استشارة في فوانيس الاشارة ! : العربية شاهين

استشارة: العربية أحيانا مش بترضي تبطّل!!!

الكلمات الدلالية لهذا الموضوع

المفضلات

المفضلات

ضوابط المشاركة