الموضوع: تقييم اولى للاوبترا

نبدأ اول حاجة بعيوب العربية :-
صجها خفيف شويه - استهلاك البنزين عالى شويه يمكن علشان انا لسه بلين - نشفة شويه فى المطبات من ورا
نيجى بقى للمميزات :-
صوت الموتور غير مسموع بالمرة - سحب العربية اكثر اكثر من ممتاز جدا !!!! الاوتوماتك رائع على عكس ما متوقع البعض ان الاوتوماتيك بتاعها مش حلو او هو هو بتاع النوبيرا-تكييف قوى جدا و فعال - عزل الكابينه الداخليه اكثر من ممتاز ممكن تنام جوه العربية و انت قافل الزجاج - التقفيل ممتاز - ثبات العربية رائع تحس انك راكب دبابة فى الثبات بس :D العربية عاليه من ورا و المساعدين اقويه جدا و ده اللى بيفسر انها ناشفة شويه فى المطبات من ورا - تقفيل الموتور ممتاز ز مش ببالغ لما تفتح الكبوت تحس بنظافه التقفيل على عكس الصنى مع الاححترام الكامل لاصحاب الصنى - العربية واسعة جدا من جوه
فى حاجة كنت عاوز اقولها بالنسبة للاوتوماتك بتاع الاوبترا : تسارع العربية من 0 الى 100 فى 11.5 ثانية و ده رقم ممتاز بالنسبة لعربية اوتوماتك فى نفس الفئة اللترية
مثال تسارع الجين 2 من 0 الى 100 للاوتوماتيك فى 13.5 ثانية
اه نسيت اقول حاجة ان الكاسيت بتاعها حاجبنى اوى هو الكاسيت الاصلى للعربية مش متركب فى مصر

الف مبروك يا باشا
والله انا كده اتشجعت وربنا يسهل ونبقى من اصحاب الاوبترا . انا الاسبوع اللى فات جربت المانيوال
منها وكانت تحفة بصراحة وفعلا عربية فى منتهى الجمال . بس المانيوال اوفر شوية فى البنزين
من الاوتوماتيك .
وربنا يديك خيرها ويكفيك شرها ان شاء الله

مبروك يا باشا
أن م.هشام عثمان معايا الأوبترا الأوتوماتيك من أكثر من سنه لو عندك أى أستفسار قولى
هيه فعلا العربيه ناشفه على المطبات خصوصا المساعين اللى ورا بس الحقيقه الميزه هنا انك جرب ركب 3 ورا حتلاقى العربيه ما بتهبطش خالص زى العربيات التانيه
الأوتوماتيك فعلا ثلث جدا ما بتحسش بالنقلات بتاعته و الموتور مالوش صوت خصوصا على السرعات العاليه يعنى حتلاقى أنك على 100 كم ال rpm يعمل 2و2 و على 120 يعمل 2.5 و على 140 يعمل 3
التقفيل أكتر من ممتاز و تبان فى صوت قفل الباب و التابلوه
عيبها الوحيد صاج الكابوت ضعيف و ما يستحملش حتى القطط .

على فكره شغل التكييف عادى جدا و أجرى عادى برضه لأن العربيه متلينه أساسا و الدليل أن الصيانه و تغيير الزيت و الفلتر على 5000 كم
جربت تقرص و لا لسه ؟ الطريقه أنك تدوس البنزين لغاية الأرض حتلاقىالRPM بينقل على سرعات عاليه و العربيه تتسارع بشكل جامد جدا

سوق عادى جدا كأنها معاك من سنه و الله ما تقلقش
العربيه متلينه
النصيحه جرب كل حاجه فيها العربيه كلها أمكانيات
جرب زرار الهولد (بلضبط زى أوفر دريف) يعنى العربيه تنقل لغاية التالت بس و الباقى قرص على التالت
جرب التكييف ممتع جدا و التكييف داخل التابلوه علشان لو معاك حاجه عايزه تسقع (التلاجه)
لاحظت الدرج أسفل الكرسى اللى جانبك؟
جرب كل شىء!!!!!