الموضوع: رينو فلوانس ولا كروز ؟؟؟؟؟

الرينو الميجان السيدان كانت عربيه محترمه جدااااااااااااااا و فخمه جدااااااا و توكيل رينو مفيش خلاف عليه

اكيد الفلونس هتبقي علي نفس الكاتيجوري غير انها في رايي شكلا افخم شوية من الميجان

الكروز شكلها برضة شيك بس في رايي لا تقارن بفخامه شكل الفلونس

المشكله الاساسيه هتبقي سعر اعادة البيع و اسعار قطع الغيار

بس في رايي بالنسبة لاعادة البيع منقدرشي نقول ان الكروز سعر اعادة بيعاها حلو لانها جديدة و في نفس الوقت الفلونس لو هتبقي زي الميجان هيبقي اللي بيجيبها المفروض انه يقدرها و يقدر انه راكب عربيه ذواتي عربيه باشوات يعني مينفعشي يهينها عند ميكانيكي او يصلحها عند اي حد او يهمل صيانتها لو هتجيبها و تحرص علي الصيانه في مواعيدها و قطع غيار اصليه العربيه هتقعد معاك زي ماهي بحالتها و اعتقد دي ميزة الميجان ان موديل 2005 مثلا لما بنشوفه مع حد محافظ عليه بنلاقيه زي ماهو بحالته اكن العربيه جديدة لكن هنطنش الصيانه و نروح عند ميكانيكيه بيفتوا في العربيه اكيد هتفتح بقها و اي عربيه بتعمل كدة

يعني اللي يجيب فلونس و يحاول يوفر في الصيانه هتتعبه و يبقي بلاش منها و يخليه في حاجة تكنولوجيا قليله و علي قدها و خلاص

بالنسبة لقطع الغيار

يا جماعه ياريت محدش يقول غالي و رخيص من غير مايكون عارف امثله للاسعار يعني بلاش نطلع سمعه علي عربيات الا لما نكون متاكدين من الاسعار بتاعتها و كمان عمرها اد ايه لكن الحكم المطلق دة ان دة قطع غيارها غاليه دي امانه هنتسال عليها
يعني انا ليا واحد صاحبي مصمم تماما و ماشي في الدنيا كلها يقول ان الديهاتسو تيريوس قطع غيارها غاليه لان واحد زميله قاله ان واحد صاحبه معاه ديهاتسوا تيريوس الشكل القديم موديل 2000 فيها قطعه ورا تمنها 35000 جنيه اساله طب ايه القطعه دي مش عارف يعني كلام و خلاص من غير دليل

اتمني اللي بيقول اسعار غاليه يقول امثله علشان نعرف

انا اخترت الفلونس لانه مينفعش نقارن عربيه فرنساوي ب كوري

أنا بشكر كل الناس اللي شاركت بالكلام أو في الاستطلاع ... وانا يا جماعة لسة بدري شوية عبال مااجيب عربية انما أنا حبيت أشوف الناس رأيها انهي أحسن الفلوانس ولا الكروز وخصوصا إن الكروز كانت في فئة سعرية مفيهاش منافسين قوي انما الفلوانس دلوقتي نزلتلهـا... وانا مع الناس اللي شايفة الفلوانس أحسن ... كفاية إنها رينو ومش كوري ... آه الكروز حلوة وكل حاجة وانا من ال ناس اللي معجبين بيها بس كنت شايف إن سعرها غالي بس ماكانش فيه حد قدامها في الفئة دي انما أما الفلوانس نزلت غيرت الحسابات وخصوصا إن دي عربية فرنساوي ودي كوري حتى لو متجمعة في تركيا ... وكمان توكيل رينو من أحسن التوكيلات انما منصور كل الناس بتشتم فيه
ده غير إن الكروز متورها ضعيف إنما الفلوانس اجمد وك شكل أنا شايف إن الفلوانس شكلها افخم وخاماتها وتقفلها أكيد أنضف من الكروز
يعني دلوقتي متهيألي الفلونس هتقضي عالكروز اللي أساسا مانتشرتش قوي وده نتيجة إن سعرها غالي وعلى أساس إن شكلكها حلو بس إنما لا بتديك أوبشنز ولا موتور جامد ولا حاجة
ويا ريت كل الناس تشرق في الاستطلاع عشان نشوف الناس رأيها انهي أحسن