شكراً علي الموضوع
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
السلام عليكم ,
كثير منا سمعوا كلام كتير جدا عن موضوع ال SHARING او الرسيفر الي في وصلة LAN و بيتوصل بالنت و يفتحلك القنوات او الباقات المشفرة كلها .
و الكثير من الاخوة الافاضل هنا قامو بشرح الرسيفرات و اسعارها و اماكن تواجدها .
بصراحة انا مليش في التلفزيون اوي ( كمشاهدة يعني ) بس المدام بقالها فترة بتزن على ال SHOWTIME ده .. و انا بصراحة كنت مستغليه جدا .
المهم قلت انزل باب اللوق زي ماللاخوة هنا قالوا .. و اشوف ايه الموضوع .
--
nilemotors.net
الرسيفر بتاع الشارنج ده هو رسيفر عادي زي الي عندك . و لكن يختلف انه فيه مدخل LAN او NETWORK زي مابيسموه و ده عن طريق الجهاز بتاعك او الSWITCH او الROUTER بتوصله وصلة منه .. و بيكون هو مبرمج جاهز للدخول على الانترنت و فك شفرات القنوات المشفرة عن طريق الاتصال بسيرفر معين متحددله في برمجته و دي بيكون مجاني او باشتراك رمزي في راي .
-
nilemotors.net
اولا المكان , المكان سهل جدا .. من ميدان التحرير في طلعة تطلعك علي طلعت حرب و في واحدة جنبها صغيرة كدة .. عمري ماكنت باخش فيها ..
تدخل في الشارع ده .. امشي في بضعة امتار حتلافي " فرح " من محلات الرسيفرات و الدش .. و في جراج عام على الشمال .
nilemotors.net
خش و اركن فيه احسنلك علشان المرور هناك ماشاء الله عليه .. يحسد !
nilemotors.net
المهم
نزلت لفيت محل محل محل تقريبا .. و النتيجة واحدة المحلات دي كلها بنسبة 90% موحدة مع بعضها جميع الاسعار و ان اختلفت من 10 الي 20 جنيه في كل واحد .
--
nilemotors.net
الرسيفرات نفسها ,
nilemotors.net
الانواع الموجودة كتييييييييير جدا من دول اشهرهم او اكثرهم مبيعا :
Dreambox - Qmax - Truman
الQmax كان اشهرهم لسبب واحد ان في موديل منه كان ب 350 - 400 جنيه من 3-4 شهور
و لكن للاسف موجة الاستغلال الماشية .. و الناس الكتييييييير الي راحت تشتري علشان موضوع الجزيرة الرياضية .. خلا التجار يغلوا اسعار الرسيفرات دي .. و وصل ال Qmax الجولد من 400 جنيه الي 650 جنيه !!! في شهرين فقط .
حنتناول واحد واحد
nilemotors.net
ال QMAX 999 جولد :
بضمان عبد العال ( مكتوب عليه كدة )
سعره الحالي : 650 جنيه - بدون فصال ( سعره زمان : 350 جنيه )
مزايا :
- اشتراك سنة مجانا ( مع تحفظ بعد الناس ان المجاني بيبقى ابطئ )
- فيه شاشة عرض لرقم القناة و زراير للتحكم في الرسيفر نفسه
- امكانية تسجيل البرامج عن طريق مخرج USB
- في لغة عربية
عيوب :
- سعره استهبال رسمي .. و تبقى شاري حاجة عارف ان تمنها النصف علشان الجشع !
- مفيهوش كامة .. يعني لو عايز تشترك رسمي في القنوات دي حتضطر تشتري رسيفر تاني
- جودة تصنيع اي كلام مقارنة مع الرسيفرات العادية و طبعا صيني
nilemotors.net
--------
nilemotors.net
الQMAX SENATOR
سعره الحالي : 750 جنيه بدون فصال ( معرفش كان بكام زمان )
مزايا :
- اشتراك سنة مجانا ( مع تحفظ بعد الناس ان المجاني بيبقى ابطئ )
- فيه شاشة عرض لرقم القناة و زراير للتحكم في الرسيفر نفسه
- امكانية تسجيل البرامج عن طريق مخرج USB
- كامة واحدة يتيح الاشتراك الرسمي في القنوات
- من كلام البياعين انه صناعة كورية او مكونات كورية بعكس الكيوماكس العادي لو اني شاكك
- في لغة عربية
عيوب :
- جودة تصنيع اي كلام مقارنة مع الرسيفرات العادية
-------------------
nilemotors.net
الDREAMBOX D500
nilemotors.net
و ده تقريبا كان اول جهاز من هذا النوع ينزل .. و بيقولوا انه كان صناع المانية زمان و تمنه فوق ال 800 جنيه , و لكنه الان يصنع في الصين الحبيـبة و تمنه نزل شوية .
nilemotors.net
و في ناس بتقول مضروب .. الي مهم انه بيادي نفس الغرض , قالي يعني كيوماكس دي ماركة اصلا :)
nilemotors.net
سعره الحالي :
* في نسختين منه نسخة باشتراك 6 شهور مجاني = 650 جنيه مصري بدون فصال
.... و نسخة بدون اشتراك و يتوجب عليك انت الاشتراك = 500 جنيه مصري بدون فصال
مزايا :
- اشتراك 6 شهور مجاني ( يعمل جيدا , ده انا شتريته :) )
- كامة واحدة يتيح الاشتراك الرسمي في القنوات
- حجم صغييييير جدا ... كنته حاسه لعبة
- السوفتوير بتاعه يعمل بنظام LINUX و هو سهل جدا جدا و متطور بشكل رهيب ! انا نزلت عليه برامج بتشغل Mp3 و Torrents ! وSkins و Screensavers .
- اشهر جهاز في الشارنج و صيناته معروقة للباعة و اشهر جهاز حتى في الخارج
- في لغة عربية
- بيقولوا انه بيفتح باقات اكثر من الكيوماكس على الاوروبي و خلافه يعني لكني لم اجرب ذلك
عيوب :
- جودة تصنيع اي كلام مقارنة مع الرسيفرات العادية
- حجمه الصغير سلاح زو حدين , زي منتوا شافين في الصورة مفيش شاشة معلومات , غير لمبة بتنور لما يشتغل و زرار باور
- لا توجد امكانية تسجيل مباشرة
nilemotors.net
----
nilemotors.net
انا شخصيا اشتريت الدريم بوكس . ده كونه مضروب او مش مضروب مش فارقة معايا لكني استحرمت ادفع اكثر من 650 جنيه في رسيفر صيني ... لانه اكثر من كدة اروح اشترك احسا رسمي في القنوات :) .
nilemotors.net
اخيرا
ال Truman 9000
ده سمعت عنه كتير و لكن نظرا لسعره .. قررت ابتعد عنه بصراحة .
سعره الحالي :من 850 الي 950 جنيه مصري بدون فصال .
مزايا :
- فيه شاشة عرض لرقم القناة و زراير للتحكم في الرسيفر نفسه
- امكانية تسجيل البرامج عن طريق مخرج USB
- كامة واحدة يتيح الاشتراك الرسمي في القنوات
- من كلام البياعين انه صناعة كورية او مكونات كورية بس هو بصراحة شكله انضف !
- دي مش متاكد منها بس بيقولوا انه فيه مخرج HDMI للشاشات ال HD , بس السؤال بقى هل بيخرج الصورة HD و بيستقبل القنوات HD ? ولا مخرج فقط ! حسال في دي و حبقى اقولكم .
عيوب :
- مفيهوش اشتراك مجاني ( على الاقل الي سالت عندهم )
- سعره عالي نسبيا
- معلهوش اقبال زي الاتنين التانيين
nilemotors.net
-------
في ماركات اخرى ولكنها قليلة جدا و محدش بيشتريها زي ال E.max مثلا
--
nilemotors.net
الاشتراكات ..
الاشتراكات دي بقى بتختلف من محل لمحل و كل محل حيقولك انه عنده احسن سيرفر في العالم !
انا لسة مجربتش حد فيهم بس الاسعار من
90جنيه لكل 3 شهور
120جنيه لكل 3 شهور
150جنيه لكل 3 شهور
و برده ده بدون فصال .
nilemotors.net
---
nilemotors.net
الاستخدام او الاستعمال .
حاليا انا اشتريت ال Dreambox الي معاه 6 شهور اشتراك يوم الجمعة الماضية
روحت البيت .. انا معنديش DSL لسة للاسف علشان خط التلفون جديد و هوائي .. بس عندي Etisalat 3G USB MODEM
شغلت الكومبيوتر و دخلت على النت من اتصلات كالعادة .. و جبت وصلة LAN وصلتها من الكومبيوتر الى الDREAMBOX , عيب الموضوع ده ان الكومبيوتر لازم يفضل شغال .
nilemotors.net
المهم .. وصلت .
فتحت الجهاز .. عرفت انه متبرمح في مصر طبعا او في فلسطين لظهور لوجو شركة تسمي نفسها DREAM GHAZA :)
المهم .. اعد 10 ثواني كدة ... و بعدين قالي STARTING CCam 2.13
الريموت عادي زيه زي اي رسيفر .. بعد 10 دقائق حتتعود عليه و تستخدمه عادي جدا .
المهم القنوات بتتربت بمليون حاجة لو عايز .. طبقا للاسم او النوع او القمر الصناعي او الباقة .
nilemotors.net
انا جبت بتاعة الباقة و دخلت عليى ORBIT-SHOWTIME
جبت كذا قناه فيهم .. بيعد 3-4 ثواني كدة و بعدين بتلاقي القناة ادامش شغالة تمام جدا و بدون اي تقطيع او مشاكل .
nilemotors.net
و على فكرة لا يحتاج لDSL 1 ميجا و لا اي كلام من ده .. هو يحتاج لDSL بتاعك لوحدك يعني ان شاء الله 256 .. لانه انا راقبته من الاتصلاات و هو مش بيDOWNLOAD الي 500 كيلوبايت كل شوية .. باكتير اوي .
المهم الجهاز شغال 100% و الدريمبوكس بالذات امكانياته كتيييييييييرة اوي اوي و ممكن تحدثه و تنزله برامج و PLUGINS ..كتيييييير !
nilemotors.net
ده انا لفيت برنامج TORRENTS ليه يعني :) و من المينو بتاعت الجهاز نفسه .
الجهاز لما بتجيب اي قناة بيعرض معلومات كتير اويييييييييي
nilemotors.net
منها :
- اسم القناة طبعا
-اسم البرنامج الي شغال
- اسم البرنامج الي حيشتغل بعد ده
- مدة عرض البرنامج و فاضل وفات منها اد ايه
- دقة الصورة الي بتذيع بيها القناة ( ال RESOLUTION ) و الFramerate
- توضيح اذا القناة شغالة 16:9 ولا لآ ( Widescreen )
- توضيح لبعض الخواص و الاضافات الاخرى
- توضيح درجة نقاء الاتصال و نوعيته
و دي صورة لقيتها على النت لشكل الجهاز و هو شغال علي التلفزيون ( انا موصله بLCD 32 بوصة و الصورة جيدة جدا ).
nilemotors.net
nilemotors.net
طبعا الجهاز في لغة عربية
و الحمد الله شغال تمام الي الان .
ارجو اني اكون افدتكم .
الموضوع من مجهودي الشخصي و غير منقول , وغير مسموح بنقله بدون اذن .
رقم العضوية : 18531
تاريخ التسجيل : 10Sep2008
المشاركات : 98
النوع : ذكر
الاقامة : Cairo
السيارة: Nissan Sunny 2009
السيارة[2]: Fiat 128
الحالة :
شكراً علي الموضوع
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
ألف شكر يا كريم
معلومات هايلة بصراحة :)
رقم العضوية : 14726
تاريخ التسجيل : 14Jul2008
المشاركات : 2,489
النوع : ذكر
الاقامة : الشرقية
السيارة: A113 2011
السيارة[2]: Civic Si 92
دراجة بخارية: none
الحالة :
مع اني مليش في الريسيفرات واول مادخلت عالم الفضائيات كان من كارت ستالايت علطول هههههه وطبعا من خمس ست سنين كدة
بس الدريم بوكس اقدم وافضل فعلا علي حسب ما بسمع دايما وبشوف
اما اسعار الاشتراكات دي بتتفاوت دة في اشتراكات ب10 جنيه وفي ب50 جنيه شهريا وفي نصابين كتير وياريت الاخوة ياخدو بالهم في الموضوع دة كويس عشان حصلت معايا كذه مرة دة بغض النظر عن الخدمة وجودتها
وحاليا انا اشتركت بعد تجربة علي اشتراك ب60 جنيه في ال3 شهور واهو الحمدلله كويس وسريع
شكرا علي الموضوع والافادة دي انا كنت فاكر ان في ريسفرات طلعت بتحط وصلة الشبكة من الراوتر ليها فقط لا غير بدون استخدام كمبيوتر لاني مبحبش ولا مقتنع بالموضوع الرخم دة .. كارت الستالايت ارحم
سبحان الله وبحمده سبحان الله العظيم
-:: ياسلام لما كــان منتـدى سيـارات ::-
. . . . A l o n e . . . .
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
رقم العضوية : 17999
تاريخ التسجيل : 05Sep2008
المشاركات : 4,235
النوع : ذكر
الاقامة : El-Haram, Giza
السيارة: Mercedes C200 K 09
السيارة[2]: Kia Cerato High Line 09
الحالة :
ألف شكر يا باشا على الموضوع الهايل و المفيد جداااااا...
Eng. Mohammed Ghazy
The New Mercedes-Benz C 300
رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
انا دايس فيه الشهر الجاى
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
رقم العضوية : 26712
تاريخ التسجيل : 02Dec2008
المشاركات : 864
النوع : ذكر
الاقامة : Cairo - Egypt
السيارة: Toyota Corolla 2009 Advanced
السيارة[2]: Hyundai Accent 2010 manual
دراجة بخارية: ------
الحالة :
شكرا على المعلومات المفيدة
امبارح جه واحد صاحب والدى ركبلنا ريسيفر نوعه sky X-press
نوع غريب بس بصراحة شغال تمام و كان تمنه 650 , و اشتراك سنة 150
رقم العضوية : 3851
تاريخ التسجيل : 25Dec2007
المشاركات : 3,010
النوع : ذكر
الاقامة : محافظة حلوان المستقلة
السيارة: اوبل فيكترا 2008
السيارة[2]: اوبل فكترا 97 1600CC
دراجة بخارية: N/A
الحالة :
الف شكر على المعلومات الهايلة يا كريم
انا فعلا شغال بالموضوع ده بقالي حوالي 6 شهور
وكنت شاري الكيوماكس الجولد ب 400 جنيه من باب اللوق بعد رحلة من البحث
هو بصراحة موضوع جميل جدا وزي ما بتقول بسعر رمزي
بس علشان توصل لسيرفر كويس بتتعذب والمشكلة الاكبر ان مع الوقت المشتركين على السيرفر بيزيدو ويتسببوا ان القنوات تبدأ تقطع خاصة لو فيه حاجة مهمة شغالة زي مباراة كرة قدم مثلا
طبعا ده بيبقى بسبب طمع صاحب السيرفر في زيادة عدد المشتركين بدون ما يكلف نفسه ويجيب كارت تاني ويقسم المشتركين على كذا بورت
بس خلي بالك من الشوتايم علشان بتجيب الافلام زي ما هي من غير ما تشيل اي حاجة
انا مشترك ب 100 جنيه في ال 3 شهور
ART-Jazira-Orbi-ShowTime (NileSat)
------------------------------------
وليد عبد العزيزOpel, 1 Team, 1 Goal, 1 Familyلو لم اكن اوبلاويا لوددت ان اكون اوبلاويا
رقم العضوية : 3040
تاريخ التسجيل : 06Nov2007
المشاركات : 772
النوع : انثى
الاقامة : cairo
السيارة: toyota corolla 2009
السيارة[2]: Nissan Sunny 2008
دراجة بخارية: لا يوجد
الحالة :
يا جماعة نصيحة لوجه الله الشيرينج ده يعتبر سرقة و لا أعتقد أبدا انه حلال.
" تعاونوا علي البر و التقوى و لا تعاونوا على الاثم و العدوان"
اللهم ارزقنا الحلال الطيب و بارك لنا فيه
المفضلات