أنا عملت الأوردر و جالى على مكتب البريد عادى
مكتب البريد بيبعتولك زى أيصال أستلام تروح بيه المكتب تسأل على حاجتك و تدفع لهم الجمارك و الأرضية.....فى حالتى أنا كانت الشحنة وزنها أقل من نصف كيلو و دفعت عليها 80 جم.
عرض للطباعة
متشكر جدا يا استاذ احمد
بس معلش سؤال اخير..
في خانة العنوان address..(في بيانات الشراء)
اكتب عنواني ولا عنوان مكتب البريد
ومتشكر مرة تانية
العفو
بتكتب عنوانك عادى يا باشا
الشحن العادى اللى بييجى عن طريق مكتب البريد بياخد من أسبوعين الى شهر
و المصاريف اللى دفعتها زيادة هى 80 جم فى مكتب البريد و مش فاكر بتوع أيه بالظبط......جايز جمارك و أرضية أو أرضية بس......علماً بأن السلعة كانت بحوالى 250 جم
باشا
انا باشتري من امازون بالكريدت كارد العادي جدا مش بتاع انترنت و لا بتاع
و باشحن يا اما على عنوان اصحابي في امريكا و يجيبوا معاهم الحاجة
أو على عنوان ارامكس بتاعي
و عمري ما رحت قرية البضائع
و ساعات لما باجيب الحاجة دايركت بتيجي عالبريد و بيجيبوا لي اخطار عالبيت اروح استلم بيه من المكتب و ادفع الجمرك و اللذي منه
انا مشترك من سنة 2000 و شغال بيه زي الفل
لا لازم تكتب كامل عنوانك
و ايوة فيه رسوم
طب لما اجي اشتري .. هل ممكن ادخل رقم credit card مختلف ولا لازم بتاع الشخص العمل الaccount ؟؟
و لما اعمل اوردر .. هل لازم ابلغ ارامكس الاول و اقولهم اني باعتلهم اوردر ولا هما بيشوفوا الاسم الجاي على الطرد ؟؟
و هل الحاجات المستخدمة من امازون بتبقى مضمونة ؟؟
مش لازم طبعا ....... الشراء حاجة و الشحن حاجة تانية
بيشوفوا الاسم و الرقم بتاع الميلبوكس
هما بيبيعوا الخدمة في كذا بلد عشان كده المشتركين في مصر بيبقى البوكس قبل رقمه CAI
يعني هيبقى مكتوب مثلا
Ahmad Kamal - CAI 12345
و بعدها عنوانهم
و ما بتبلغش و لا حاجة اللي بيوصل بيوصلوه
و فيه اونلاين اكونت تتابع بيه بوكسك فيه ايه و اتشحن امتى و بتاع
حسب التاجر اللي بيبيع
انا ما جبتش مستعمل غير كتب
و كانت موفرة لوووووووووووووووووووز
الكتاب بدولارين مثلا و هو جديد ب 30
و تلاقيه كبيره فيه شوية نوتس بالهايلايتر او بالرصاص
تحس انهم بيلبسوا جوانتي و يقلبوا الصفح بملقاط