المشاركة الأصلية كتبت بواسطة afrtow
شكرا يا حج حسام علي تقديرك لعامل الخبره
بص العربيه ديه جميله و حماله قاسيه بالبلدي كده بس ذيها ذي اي عربيه عايزه مراعيه عشان تشيلك وموش تتهان معاك
انا الحمد لله عامل لغايه النهارده حوالي 70000 كم العربيه معايا بقالها 3 سنين بالضبط انا ححاول انقلكم انطباعي عنها بالترتيب كده :
1- الموتور
من راييي من احسن الحاجات اللي في العربيه تقدر تعتمد عليه في اي وقت موش بتحس ان العربيه موش تحت رجليك خالص واستهلاك البنزين ممتاز جدا بس عشان توصل لكده رجاء اتباع الاتي من واقع التجربه تغيير البوجيهات ومتابعه حالتها علي فترلت قريبه , تنظيف فلتر الهواء وتغييره اذا دعت الحاجه , اهم حاجه وديه الناس بتنساها في الصيانه وبتغفل عنها تنظيف البوابات او مجمع الحقن كل 20 او 30 الف واتفرجوا علي السحب واستهلاك البنزين عامل ايه .
2- الثبات
العربيه ديه ثباتها عالي قوي وانا مبجبش بيها اكتر من 150 او 160 وده مرات نادره لاكن العربيه الحمدلله موش حسيت ان العربيه موش راكبه الطريق خالص .
3- العفشه :
العفشه موش حقول وحشه لاكن كنت اتوقع تكون احسن من كده انا غيرت المساعدين الخلفي علي 50 الف والامامي علي 65 الف ب مساعدين ماندو كوري والله جمال وحسنوا من اداء العفشه كتير خالص , وغيرت الكوتش وبرده فرق في الثبات والصوت بتاع الكوتش علي الطريق قل كتير خالص خليته 14\55\195 جميل جدا .
4- التكييف :
جميل جدا وقوي وبيبرد العربيه في زمن قليل وموش بياثر كتير في اداء العربيه قوي لاكن برضه مراعاه تغيير الفلتر بتاع التكييف اللي تحت درج التابلوه لانه بياثر والله علي سرعه التبريد وكفاته هوه مكانه غلس بس برجاء المواظبه علي تنظيفه .
5- التصميم الداخلي :
العربيه واسعه وجميله من ورا ومن قدام لاكن انا ليه ملاحظه علي قعده السواق هيه يمكن بالنسبه ليه وانا من طوال القامه موش بتخليك شايف الطريق كويس بس بعدج التعود عليها بتقضيها علي فكره النقطه ديه اكتر حاجه مضايقاني فيها .
الخلاصه العربيه ديه تعتبر احسن صفقه للاداء مقابل القيمه في السوق المصري لمحبي السيارات اللي من غير مشاكل واقتصاديه في مصروفات التشغيل وده من وجهت نظري وبالتوفيق ليكم