جديدة فى السواقة

**DR/WAFEK** · 24-01-2010 11:56 PM

انا رائى ان المشكله مش فى الرخصه المشكله انك جايبه عربيه غاليه تتعلمى عليها انصحك اتعلمى على اى عربيه تعبانه ومتطلعيش بالاوبترا الى فى اوقات مش زحمه لحد ما تتقنى السواقه تمام وتعرفى ابعاد العربيه كويس وانصحك تركبى حساس ركن للعربيه لانك لسه جديده دا اولا ثم لانك بنت والبنات مشهولرين بمشاكلهم مع الركن اما مشكله الرخصه دى مش مشكله رائى خشى مدرسه وبعد شهر هتنجحى اوتوماتيك لا مفيش حد بيدخل المدرسه ويسقطوه وان اقصد طبعا مدرسه المرور مش بره

**ramy2005** · 26-01-2010 12:48 AM

المشاركة الأصلية كتبت بواسطة nadeen

ألف شكر لكل اللى اهتم ورد عليا ومعلش يا ريت تستحملوا أسئلتى اليومين دول لغاية لما الموضوع ده يخلص على خير..

مع أحترامى واعتذارى لرأى الاعضاء الا ان الروتين فى مصر يخليخى تكرهى السواقة والعربية
انا طلعت الرخصة ب 700 جنيه من غير معرف اسوق ولا امتحان ولا..............
ولو طلعتها قانونى هاخذ من 3 الى 6 شهور مرة يسقطك سواقة ومرة اخرى اشارات
ولو بتفكرى تتعلمى على عربيتك انصحك اولا تتعلمى على عربية مانيوال ولما تتاكدى انيك متمكنة من السواقة سوقى عريتك لان انا اتعلمت على عربيتى بهدلتها وخبطتها كتير بس الحمد لله انا دلوقتى بقالى سنة ونصف بسوق
واسف للاطالة

**M.Zaher** · 26-01-2010 12:16 PM

يا جماعه الموضوع اسهل من كده ان شاء الله
كل الحكايه حفظ و بس
لان امتحان السواقه زي جميع الامتحانات بتاعتنا احفظ هاتنجح

ازاي
اقولك
وانت داخل طبعا سلانسيه
اول ما القمع اللى على الشمال يجي على اول بوز العربيه الشمال ويبقى قصاده بالظبط اكسر كل الدركسيون شمال و خليك باصص على بوز العربيه اليمين اول ماتلاقيه قصاد القمع اللى في النص اكسر كل الدركسيون يمين طبعا سرعه الكسره حسب سرعه ما العربيه ماشيه

و بعدين لقيت بوز العربيه دخل في القمعين اللى في النص والعربيه عدت خلاص اظبط على القمع الاخير على الشمال هاتلاقي نفسك عديت الاقماع رايح

وانت جاي بقى
بص في المرايه اليمين على القمع اللى في النص و ارجع اول مايجي عند مؤخرة العربيه اليمين اكسر كل الدركسيون يمين هاتلاقي العربيه عدت القمعين اللى في النص اول ماتعدي لف وشك الناحية التانيه على المرايه الشمال و بص على اول قمع خالص و اظبط عليه
وبس كده هاتلاقي نفسك عديت وانت راجع

والله العمليه حفظ و خلاص واعمل الاختبار حوالي عشر مرات هاتلاقي العمليه ميه ميه

**juba8** · 26-01-2010 09:29 PM

اتعلمى فى مدرسه خاصه ..عشان التعلم
وبعدين
قدمى فى مدرسه المرور ...عشان سهوله الحصول على الرخصه

اللى بيقدم مدرسه فرصته احسن فى النجاح

**A.Saad** · 27-01-2010 09:05 AM

[COLOR="Indigo"]صباح الخير
فيه حاجة اسمها رخصة تعليم
اعرف ان اللى بيطلعها المدرسة بتاعت المرور قبل ما تاخدى رخصتك
فشوفى هل ممكن تطلعيها وانتى فى المدرسة الخاصة ولا لا

يعنى تروحى المرور وتسالى او المدرسة بتاعت المرور وتسالى
تانى حاجة
المدرب بتاعك خواف شوية هوا ممكن يكون خايف

انا اتعلمت الاول على عربية المدرب
واما شديت حيلى جبت عربيتى وكملت تعليم عليها
وده افضل علشان اكون عرفت حساسية الدواسات
عرفت الدوران والملفات

عربية المدرب فيها فرامل زيادة يقدر يدخل لو حصل حاجة لا قدر الله [
وعلى فكرة المدقب بتاعك شكله خواف شوية

/COLOR]

**waf** · 06-02-2010 12:58 AM

بصى يا نادين انا كنت زيك خايفه كده وكنت اتعلمت اخدت كام حصه كده 10 تقريبا ورحت وقعت قمع واخدت شهر ورجعت تنى عديت حلو ماشى بس من كتر الرعب وانا برجع لتاخرت شويه بس مش وقعت حاجه راح مدينى شهر تانى المرة التالته بقى العربيه وانا راحه الصبح الساعه 9 سخنت منى طبعا مش انا اللى سايقه وقفنا لحد ما بردت واتظبطت رحت الامتحان الاول خلص واستنيت الامتحان التانى الساعه11 وده السر اللى اكتشتفته انك لما اتروحى متاخره الظابط بيكون مش واقف لانه هو اللى بيرهب المكان يعنى بيشخط ويزعق فتحسى انك فى امتحان بجد فترتبكى حاول تنزلى بالعربيه كتير عشان تبقى واثقه من نفسك لان الخوف هو اللى اخرنى وخلانى وانا خلاص عديت من الصعب يسقطنى

**reamoz** · 07-02-2010 12:14 PM

انا شايف إن المشكلة مش في الرخصة ياجماعة لازم اللي يفكر يسوق عربية قبل مايفكر هيطلع رخصة بواسطة ولا بفلوس يتعلم سواقة كويس جداَ ومفيش حاجة إسمها انا بخاف علشان إسمة إمتحان
اللي بيعرف يسوق ومتمكن مش هيخاف لو رئيس الجمهورية هو اللي بيمتحنة مش ظابط مرور!
اللي بيسوق عربية في الشارع بيكون مسؤول عن ارواح وممتلكات ناس تانية
الناس بتقول بلاش تتعلمي بعربيتك علشان متتبهدلش!!!!!
طب وعربيات الناس اللي في الشارع زنبها إيه ؟
المفروض اللي يتعلم ده يتعلم في مكان فاضي ويكون مدرب هو القائم على عملية التدريب بعربية مجهزة إن المدرب يتحكم فيها في حالة أي خطأ من اللي بيتعلم ممكن يهدد حياه حد من اللي ماشيين في الشارع أو يخبط عربية حد تاني.
وبعد كدة يروح يمتحن بعد ميكون خد على السواقة وعمره ماهيخاف لا هيسقط!

**agwaa** · 08-02-2010 12:10 PM

أفضل وأحسن طريقة على الإطلاق لتعليم القيادة وإستخراج الرخصة هي عن طريق مدرسة المرور التابعة للمرور وهى موجودة بكل محافظة والكلام دة عن تجربة شخصية 0
أنا كنت بأتحرك بعربيتي السابقة داخل منطقتي بدون رخصة _ طبعاً بعد ما إتعلمت عليها ( كانت فيات 132 ) بعد كدة كانت المشكلة الحصول على الرخصة وأولاد الحلال دلوني على مدرسة المرور وبالرغم من أني كنت متقن السواقة لكني إستفدت كتير جداً من هذه المدرسة 0
لو إنتي من سكان القاهرة بيكون مكتب مدرسة المرور بمجمع التحرير ممكن تعدي عليه وتعرفي الأوراق المطلوبة ( هتلاحظي إنها نفس الأوراق المطلوبة لإستخراج رخصة القيادة 000 )

**mmmm1977eg** · 08-02-2010 12:26 PM

بصى يا ستى اقول ليكى على المفيد .
أهم حاجة تكونى تبع محافظة القاهره .
انتى تنزلى مجمع التحرير فى الدور الارضى و تسئلى على مدرسة السواقة بس مواعيدها من الساعة 2 الى الساعه 5 و يوم الجمعه اجازه
هتقدمى الورق هناك و تدفعى حوالى 250 جنيه و تتعليمى حوالى 15 ساعه و تطلعى الرخصه بامتحان عبيط جدا من غير قراطيس او زقزاقز.