+10000000000000000
عرض للطباعة
انا لما كنت بدور على عربيه لانسر 1300 مانيوال ايام ما كنت بشترى كنت واخد معارض و توكيلات المتسوبيشى كعب داير و بالصدفه باكلم وكيل متسوبيشى فى المهندسين (لايف موتورز ) قلتله انا بدور على 1300 مانيوال قالى والله دا خلصانه من السوق و ممكن تقعد شهر ولا شهريين على بال الشحنه الجديده ما تيجى و سكت فجأه شويه وقالى بس انا عندى واحده كحلى شايلها للمعارف انا ماصدقت و قلتله خلاص احجزهالى و ان شاء الله اجيلك بكره اخلص فيها و بعدين كلمت صديق ليا عنده معرض فى مدينه نصر قلتله على الموضوع قالى طيب استنى وانا هاسالك و بعد 5 دقايق لقيته بيكلمنى و بيقولى العربيه اللى انتا عاوزها كانت عامله حادثه و مغيره ربع قدمانى فى التوكيل و كانت مع واحد شغال فى المعرض .... شوفتوا بقى الامانه و الاخلاق اللى عندنا !!!!
انا لما اشتريت سيارتي السنة الي فاتت كانت عاملة 45 كم :) و الله اعلم عملتهم فين او ازاي ..
الكلام ده بيحصل كتير جدا ومش حتفرق تشتري من معرض او من التوكيل لان في التوكيل العربيات برضه معرضه للخبطات حتي وهي واقفه ولو اي حد عمل جوله في كام معرض في يوم واحد لازم حيلاقي عينات كتير
اما بالنسبه للتريله ( ام دورين ) فواحد صاحبي حلف 100 يمين انه شاف بعينه عربيه وقعت وهما بينزلوها من التريله
واحد صحبي كان شغال في شركه ادويه والشركه اديتهم عربيات ( شاهين ) من معرض شهير وعربيته اتخبطت وراح يصلحها السمكري قاله العربيه دي واخده معجون قبل كده !!