استفسار عن صنى 1999

**adel1212** · 24-01-2010 07:25 PM

السلام عليكم و رحمة الله و بركاته،
لقد اشتريت نيسان صني موديل 1999 Ex Saloon
أريد أن أحصل عل كتالوج السيارة الأصلي و لم أستطع الحصول عليه من التوكيل
هل هناك رابط على الإنترنت ممكن تنزيله منه مجاناً أم هناك وسيلة أخرى للحصول عليه؟
حيث إني لا أعرف ما هو الهورس بور لهذا الموديل و مقاس الإطارات جعلني مشوش الفكر
بمعني
المقاس الموجود على الإطار المركب في السيارة هو R13، في حين أن المقاس المدون على باب السيارة هو R14
هل معنى هذا أن السيارة قد غيرت جنوط قبل الآن، أم أن الإطارين السبق ذكرهما من الممكن أن يعملا على جنط R14 بلا مشاكل
ما هو مقاس الإطار الأصلي لهذه السيارة حتى أستطيع تجديد الإطارات القديمة. أرجو الإفادة.
شكرا مقدما

**adel1212** · 26-01-2010 04:00 PM

يا مسهل

**aymenseef** · 27-01-2010 06:08 AM

ممكن تسأل اي حد معاه العربيه دي فى الشارع
انا عملت كده قبل ما اعرف المنتدى الشيق ده والناس مش هتتاخر عليك ان شاء الله
وهحاول اشوفلك كتالوجها او اي معلومات عنها على النت وابلغك باذن الله

**adel1212** · 27-01-2010 03:10 PM

المشاركة الأصلية كتبت بواسطة aymenseef

ممكن تسأل اي حد معاه العربيه دي فى الشارع
انا عملت كده قبل ما اعرف المنتدى الشيق ده والناس مش هتتاخر عليك ان شاء الله
وهحاول اشوفلك كتالوجها او اي معلومات عنها على النت وابلغك باذن الله

انا شاكر ليك جدا
وفعلا بعمل كده بس مش لاقى حاجة مفيدة لا على النت ولا فى الشارع
ويا مسهل لان فعلا العربية ما شاء الله ممتازة واحسن من حاجات كتير جديدة
فكنت عايزة احافظ عليها وعلى صيانتها (زى ما بيقول الكتاب)
شكرا لتعبك معايا

**aboezz44** · 29-01-2010 12:54 AM

الف مبروك عليك العربيه ومبروك علينا انضمامك لينا
ربنا يباركلك فى العربيه
اعتقد ان زياره للتوكيل ستجيب على كثير من تساؤلاتك انا كنت فى توكيل السبع فى زهراء المعادى وكان فيه اخ شارى عربيه مو 97 وكان بيشوف حالة العربيه عامله ايه ومحتاج ايه الى يتغير فيه وهما ماغيروش ليه حاجه فى العربيه الا بعد ما استئذنوه واشاروا عليه فحضرتك ممكن تزورهم فى اى وقت وياريت تقولنا تقييمك للزياره دى ايه
وانا بصفه خاصه منتظر تقييمك للسياره لأنى من اشد المعجبين بهذا الموديل لكن ليس لى اى معلومات عنها ولا عن قطع غيارها ياريت تفيدنى من خلال تجربتك مع السياره
على فكره رقم الحجز والأستفسار لتوكيل السبع هو 0100050700
وممكن تكلم المهندس كريم مهندس الصيانه بالتوكيل وهوا شخصيه محترمه جدا وهايفيدك ورقم موبايله 0109122225
وياريت تطمنا عليك

**KIAwi** · 29-01-2010 03:59 PM

العربية جنوطها الأصلية 13 وفيا قابلية انك تركبلها 14 و أي خدمة

**adel1212** · 30-01-2010 01:01 AM

المشاركة الأصلية كتبت بواسطة aboezz44

الف مبروك عليك العربيه ومبروك علينا انضمامك لينا
ربنا يباركلك فى العربيه
اعتقد ان زياره للتوكيل ستجيب على كثير من تساؤلاتك انا كنت فى توكيل السبع فى زهراء المعادى وكان فيه اخ شارى عربيه مو 97 وكان بيشوف حالة العربيه عامله ايه ومحتاج ايه الى يتغير فيه وهما ماغيروش ليه حاجه فى العربيه الا بعد ما استئذنوه واشاروا عليه فحضرتك ممكن تزورهم فى اى وقت وياريت تقولنا تقييمك للزياره دى ايه
وانا بصفه خاصه منتظر تقييمك للسياره لأنى من اشد المعجبين بهذا الموديل لكن ليس لى اى معلومات عنها ولا عن قطع غيارها ياريت تفيدنى من خلال تجربتك مع السياره
على فكره رقم الحجز والأستفسار لتوكيل السبع هو 0100050700
وممكن تكلم المهندس كريم مهندس الصيانه بالتوكيل وهوا شخصيه محترمه جدا وهايفيدك ورقم موبايله 0109122225
وياريت تطمنا عليك

اخى الفاضل احمد
تحية طيبة
1-العربية معايا من 30/5/2008 وكنت جايبها امشى بيها احوالي
2-ماشاء الله العربية ممتازة ممتازة ممتازة
3-كنت فى خططى اغير اليومين دول الى حاجة زيرو وبدات البحث من شهرين تقريبا فى هذا المنتدى العظيم المس اراء الاعضاء
النيسان 2010 سوبر صالون كذا والتويوتا كذا واللانسر كذا
فبدات اغير نظريتى للسيارةفى بعض النقاط اهمها
*انا طبعى احب السرعة بدون تسارع مشاء الله 130/140/150/160
ثبااااااااااااااااااااااا ت رااااااااااااااااائع
*استهلاك البنزين حوالى240ك/20 لتر داخل القاهرة
*قطع غيار_ متوفرة_اسعار مناسبة_معمرة
*واسعة من الداخل امتياز
*الحب فالانسان لا يعرف قيمة مايملك الى ان يجرب ملا غيرة
اخيرا فانا الان انظراليها نظرة عاشق لها ولهذا ابحث عن الكاتالوج الاصلى
اعتذار بسيط منى لها لاننى لم اقدرها حق قدرها من البداية
واشكرك بقوة على فكرة الوكيل بجد فكرة رائعة