الموضوع: استفسار بخصوص لمبة فى الجيتا

اسف يا شباب مسمعتش منه كويس اللمبة مكتوب عليها epc

المبة يا اخي epc طالعة عندي كمان بس في قولف 4 والله امطلعة روحي ومعرفتش يا ريت الاخوان يساعدونا وانا علي نفسي اول ما اعرف حخبرك ان شاء الله خير

بص يا سيدى، أنا بقالى 4 سنين بعانى مع الepc ده

قول لصاحبك يراجع على الحاجات ده:

1- لو فى اى لمبة محروقة فى العربية، لمبة فرامل، لمبة اشارة ، لمبة صالون أو لمبة الشنطة.
2- لو الحاجات ده سليمة يبقى يكشف على البطارية ( العربية لسه جديدية بس ميين عارف )

الحاجتين دول فى الأول عشان دول ممكن يعملهم بكل بساطة بدون مشاكل مه الضمان لو عنده.

لو الحاجات اللى فوق ده مفيهاش مشكلة، يبقى العربية لازم تتحط على الجهاز و عادة المشكلة بتكون فيوز مغرقع او حساس المنافول ( حساس صغير ورا الموتور من ناحية قربة المبه ) بيكون بايظ أو عايظ يتنضف.
المشكلة عندى ان اللمبة بتروح و تييجى يعنى لما تنور اطفر العربية 5 دقائق و أدور تانى تروح و العربية ترجع سليمة و طبعاً مينفعش تودى عربية لأى مركز خدمة و تقولوهم اللمبة ساعات بتنور عشان على الأغلب حيبتدوا يفتوا جامد

فى المنتدى مله اتنين لقزا حل جذرى للموضوع
واحد معاه بولو او سيات مش فاكر طلعت المشكلة فى حساس المنافول
و التانى معاه اوكتافيا وداها مركز نور الدين ( مش فاكر الأسم بالضبط) فى الأسكندرية و قعدت 3 أيام عندهم و رجعت سليمة و من ساعتها منورتش خالص

على المنتديات الأوروبية كل النا سبتتكلم على نفس المشاكل و الحلول تقريباً هى هى و المشكلة ده فى اسكودا فولكس سيات أودى يعنى الأسرة كلها

أنا شخصياً تعايشت مع المشكلة و لما تنور بطفى العربية شوية لو فضلت منورة يبقى فعلاً فى حاجة محروقة لو راحت يبقى العربية بتهيس

و الله الواحد مش عارف يشكركم ازاى على الاستجابة السريعة دى ، هو كلمنى من شوية و فعلا المشكلة فى البنزين ، التانك كان فاضى و تقريبا الشوائب كانت فى اخر التانك و فعلا انا دورت فى مواقع تانية لقيت اللمبة دى بتنور كتير فى الفولكس ، هو راح حط مون من بنزينة كويسة و لما نشوف هتنور تانى و لآ خلاص ، الف شكر يا شباب .