شراء فوانيس شبورة للفيرنا

**bassemf** · 16-12-2007 02:05 PM

السلام عليكم وكل عام وانتم بخير،

الحمد اللة انا عندى فيرنا 1600 مانيوال 2007، وكنت بفكر اشترى فوانيس شبورة بعد ما قرأت عن مخاطر الشبورة فى موقعكم، فسألت فى التوكيل قالوا حوالى 500ج ولازم تشترى وتتركب عندنا والا الضمان هيروح.

فكنت بسأل هل لو جبت الفوانيس فعلا هتفرق معايا وستوضح الرؤية ولنقول بشكل جيد ويا حبذا لو عرفنا لغاية كام متر مقارنة بعدم وجودة وبالتالى الحد الاقصى للرؤية كبوت السيارة.

مع الشكر الجزيل،

باسم فهمى

**Hesham A.Megid** · 16-12-2007 04:30 PM

المشاركة الأصلية كتبت بواسطة bassemf

قالوا حوالى 500ج ولازم تشترى وتتركب عندنا والا الضمان هيروح.

انا كنت جايب الاصلين من بره التوكيل ارخص من كده بكتير بس مش فاكر بكام بضبط. و ركبتهم بره برضه و مافيش حد من التوكيل اتكلم ولا العربيه خرجت من الضمان ولا حاجه!!

**bassemf** · 17-12-2007 09:56 AM

حظك حلو، يمكن ماخدوش بالهم ..

يا ترى بتشوف بيها لغاية كام متر فى الشبورة وفعلا بتفرق معاك اذا كنت مركب او لا ..

مع الشكر،

باسم

**Hesham A.Megid** · 17-12-2007 12:39 PM

المره الوحيده اللي سقت فيها في شبوره كنت في مارينا و كانت الشبوره جامده جدا لدرجه اني يادوباك كنت شايف اول الكبوت، فمحستش بفرق طبعا.

بس غير كده انا دايما بستخدمهم لانهم نورهم قوي و في نفس الوقت وطيين علي الارض فمش بتتعب اللي ماشي امامك.

**Hossam.Hamdy** · 18-12-2007 03:54 AM

أنا مركب الاصلي خارج التوكيل وحدش قال حاجه وملهاش اي علاقه بالضمان لان الفيشه بتعتها جاهزه انا علي طول مشغل الفوجات زى ما هشام قال مش بتتعب اللي قدامك

**mohaismail** · 18-12-2007 02:16 PM

ملهاش علاقة بالضمان

**bassemf** · 19-12-2007 08:27 AM

لسة راجع من صلاة العيد .. كل سنة وانتم طيبين وبخير .

طيب اشتريتوها بحوالى كام وركبتوها فين وهل محتاجة واحد عادى ولا مدقدق.

معلهش علشان افهم اكتر، لو انت مركب فوانيس الشبورة وفية شبورة جامدة برضة هيكون آخر ما تراة الكابوت ولا هتفتح شوية امامك الرؤية لمسافة معقولة.

مع الشكر الجزيل،

باسم

**Hossam.Hamdy** · 19-12-2007 11:03 AM

بص يل رايس انت تشترى الفوجات من المكان اللى يعجبك و روح ركبهم في ارابكوم اللى في م.نصر عمارات رامو .هما احسن ناس هيركبوه بس مش بيبيعوه.انا كنت جايبهم الاصلى بتوعها كورى والزرار الاصلى ب 450 بس ده من سنتين .حاليا مفيش غير الصينى عشان انا لسه سأل عليهم

**IAbdou** · 21-12-2007 12:51 AM

خلى بالك المفتاح ألى بتباع عند كل الناس لونة سلفر والمفتيح بتاعة الفيرنا ألى بتنزل مصر لونها أسود
ولو لفيت مش حتلاقى خالص
بتباع فالتوكيل بس ب75 أو 90

**Hossam.Hamdy** · 21-12-2007 01:11 AM

ممكن تجيب الاصلى من الحرفيين اسود استيراد انا جبته من بره مصر كنت مسافر وجبته

الموضوع: شراء فوانيس شبورة للفيرنا

LinkBack

أدوات الموضوع

عرض

-

-

المواضيع المتشابهه

التعلية المثلى للعفشه الخلفيه للفيرنا - فوانيس شبورة ؟

فوانيس شبورة للفيرنا

فوانيس شبورة

سعر فوانيس شبورة a5

فوانيس شبورة (فوجات ) للفيرنا .... يا ريت الإفادة .. الأسعار و الأنواع

الكلمات الدلالية لهذا الموضوع

المفضلات

المفضلات

ضوابط المشاركة