الموضوع: رئيس أيران أحمدى نجاد!!!

يا إخوتي وأحبائي .. والله أنا ألمح نبرة عالية الصوت سواء في الإشادة بالرجل أو في إهانته . ولكن دعونا نحاول أن نحلل الأمر بهدوء وروية :
1. لو كان هذا الموضوع عن شافيز مثلاً لكان المدح وصل إلى مداه بناء على مواقفه المعادية لأمريكا والمناصرة لقضايانا العربية .. رغم أن شافيز ديكتاتور لا يحبه نصف شعبه ويرونه همجياً مندفعاً . وخلاصة هذا المثال أن حكمنا نسبي ولا يوجد حكم مطلق .

2. الموضوع في الأصل عن بساطة الرجل وإخلاصه لعمله ، وهذا أمر حقيقي بغض النظر أصلاً عن مواقفه السياسية أو الدينية ، وهو في هذا المجال رجل محترم بالفعل ، وكان حري بنا أن نقدر فيه هذا دون إفراط بتشبيهه بالخلفاء ولا تفريط بسبه والهجوم عليه .

3. لا أعلم وموقفنا من إيران يزداد ابتعاداً يوماً بعد يوم ، وقد كنا أقرب الأنظمة لها حين كانت في عهد الشاه ، ولم نسمع وقتها عن هذه الحرب الشعواء على الشيعة ومذاهبهم .

4. هناك تناقض واضح في جميع الطروحات للأسف ففي الوقت الذي يرى فيه البعض القرب من الشيعة خطأ دينيا ، لماذا لا يرى هذا الخطأ في القرب مع أمريكا وإسرائيل ، أو على الأقل في القرب مع أوربا أو دول العالم النامي لو كانت مرجعية القرب هي الدين وليست المصلحة ، وإن كانت مرجعية القرب هي المصلحة فلماذا هذا العداء .

5. أجد بعض التناقضات المتمثلة في أن إيران ساعدت أمريكا وغير هذا ..الخ ، وماذا فعلتم أنتم يا أمة السنة غير هذا وما هو أفدح ، فإيران وإن تآمرت على العراق فقد كان عدوها ، أما تآمر العرب والسنة عليه فبأي سبب .

6. نحن نقع بخطورة في فخ منصوب لنا يستهدف تقطيع أوصال أمتنا الإسلامية ، وهذا الفخ مرده أمرين : أنك إما أن تعجب بكل ما يقال عن الشيعة وإيران ومناصرتها للحق ضد الباطل والظلم فتكره في المقابل ذاتك ومذهبك السني ، ويزداد احتقارك لكل ما يمت لهما بصلة حيث يصير انتماءك إلى السنة كما هو شكل الانتماء الحالي للعروبة شعور بالمهانة والعار والذل والخزي ولكن على خلفية دينية أكثر عمقاً وخطورة .
وإما أن تلعنهم وتخرجهم عن الدين الذي يشاركونك فيه ، وتراهم أصحاب مخططات هيمنة وسيطرة ، ترى فيهم العدو ، تتمثل فيهم الخيانة والنفاق ، وهو ما يقسم أمة الإسلام الواحدة إلى شيع وفرق وأحزاب ويشرذمها أكثر مما هي الآن .
وفي كلتا الحالتين الآخر هو الكاسب الوحيد وأنت الخاسر .

7. خلاصة القول : أن الشيعة إخوة مسلمون ، وأن مدار الخلاف بيننا وبينهم شكلي وليس جوهري ، وأن منهم طوائف خارجة عن الدين يكفرونهم الشيعة أنفسهم ، كما خرج من عباءة أهل السنة طوائف خرجت عن الدين ونحن نكفرهم قبل غيرنا كالقاديانية والبهائية وغيرها . وأن علينا أن نكون محايدين على الأقل في التعامل معهم ، فليس من مصلحتنا ولا مصلحتهم العداء ونحن ضحايا لقوى أكبر وأخطر .

تقبلوا جميعاً خالص مودتي وتقديري

نموذج محترم
أحترمه بشده

وليس الوحيد
فلو نظرنا إلى رئيس وزراء تركيا رجب طيب اردوغان فسنجد أن له مثل هذه العادات الإسلامية
لدرجة أنه يذهب ليفطر في رمضان مع الأسر الفقيرة في بيوتهم

هذان نموذجان نحترمهم

ربنا يكرمنا يارب يارب

المشاركة الأصلية كتبت بواسطة أبو عبدالله

يا اخواني لنا في الرسول والصحابة اسوة حسنه
مش محتاجين ان احنا ننبهر بمثل هذا واحنا لدينا اكبر من مقاما


ويا جماعه احنا كده بنمجده بكلامنا دلوقتي


انا هسأل سؤال واحد يجاوبني

لو واحد قتل ابوك وسبه كمان
تقدر بعد فتره تشعر فيه وتقولي ده مالهوش دعوه باللي عمله في ابويا
والله ما يأتي لأحد قلبان يفعل هذا

طيب هما في ايران بيحتفلوا بمولد لؤلؤه المجوسي كل سنه وبيمجدوه قاتل سيدنا عمر بن الخطاب رضي الله عنه

تيجي تقولي ماليش دعوه بمعنقده

اللي مثل هذا واللي فيه الصفات اللي احنا بنتكلم عليها لم تأتي الا من معتقدتاته
يعني الراجل شغال بمعتقده وبيعلن بذلك نيجي احنا بقه نقول مالنا دعوه بالكلام ده

وعلى فكره عدائه لأمريكا والغرب ليس دين وانما ده من العداء القديم الدائم بين الفرس والروم والمعروف في كل انواع والوان التاريخ

احنا بقه دايما نعمل فيها بنفهم ويقولونا كلمتين نحفظهم ونقول هو ده التقدم ونمشي وراهم وهما ممشينا وراهم
قول كذا نقول كذا

يا اخواني الأيرانيين هما اللي قتلوا اخوانا في العراق وهما اللي خانوا صدام حسين وهما اللي ساعدوا الامريكان داخل العراق
الم تسمعوا عن فرق الموت للشيعه
الم تروا الفيديوهات التي فيها العراقيون السنه وهم يحكون عن هذه الفرق وهيا تدخل بيوتهم ومساجد السنه وتغتصب نساء السنه

===============
يا اخواني اذكركم بكلام طيب لسيدنا علي رضي الله عنه


عن كميل بن زياد النخعي قال أخذ علي بن أبي طالب رضى الله عنه بيدي فأخرجني ناحية الجبانة (المقابر) فلما أصحر جعل يتنفس ثم قال يا كميل بن زياد :


القلوب أوعية فخيرها أوعاها احفظ عني ما أقول لك الناس ثلاثة فعالم رباني ومتعلم على سبيل نجاة وهمج رعاع أتباع كل ناعق يميلون مع كل ريح لم يستضيؤوا بنور العلم ولم يلجئوا إلى ركن وثيق

============

واعوذ بالله ان نكون من هؤلاء الهمج الرعاع

ا

]

أبو عبداللة أنت حطيت أبو قرش على أبو قرشين - أية إللى دخل الدين فى الموضوع دة - أنتم ختوا الموضوع شروة - طب هو راجل وحشن وأبن ستين فى سبعين بس خلى بلادة دولة عظمى محدش عارف يرفع صوتة عليها - نقوم احنا سيبنا دة وقولنا دة شيعى ومينفعشى نخدة مثل ودة راجل إى كلام - طول ما أحنا كدة ثق تماما أننا هنفضل كدة بتوع معارضة وشعارات وبس وهيفضل حالنا كدة والناس مش عمالة لينا قيمة
لازم نكون موضوعين وننظر غلى الجوانب المفيدة فى إى حاجة مش نتلكك علشان نبوظ كل حاجة بأقاويل وشعارات ل تسمن ولا تغنى عن جوع
طب ما الأسكندرية بناها الأسكندر الأكبر - فبكدة هية حرام نخوشها لأن إللى بناها مش مسلم - وكمان طب العربيات إللى بنركبها والكتب التعلمية إللى بنقراها كتبها ناس ملهمشى ديانة أصلا فبكدة الكتب دية حرام وممنوع قرايتها - لو كلة فكر بالمنطق دة يبقى علية العوض فينا

المشاركة الأصلية كتبت بواسطة أبو عبدالله

يا اخواني لنا في الرسول والصحابة اسوة حسنه
مش محتاجين ان احنا ننبهر بمثل هذا واحنا لدينا اكبر من مقاما
ويا جماعه احنا كده بنمجده بكلامنا دلوقتي
انا هسأل سؤال واحد يجاوبني
لو واحد قتل ابوك وسبه كمان
تقدر بعد فتره تشعر فيه وتقولي ده مالهوش دعوه باللي عمله في ابويا
والله ما يأتي لأحد قلبان يفعل هذا
طيب هما في ايران بيحتفلوا بمولد لؤلؤه المجوسي كل سنه وبيمجدوه قاتل سيدنا عمر بن الخطاب رضي الله عنه

عشان الأمور متختلطش

الواحد بيتعلم من كل حاجة والغراب علم الإنسان كيف يدفن موتاه (مش عيب)

مش معنى إننا بنقول الراجل له تصرفات محمودة إننا خليناه أسوة
لكن الأخلاق الجيدة التي يتبعها نتمنى نلاقيها في أولياء أمورنا

ويظل هو شيعي على إعتقاد فاسد

(أحمدي نجاد رجل محترم ) دي نقطة الكل تقريبا متفق عليها
(أحمدي نجاد حبيبي و للا عدوي وللا عادي أي حاجة) دي نقطة تانية ليا فيها رأي بس ساحتفظ به لنفسي و كفاية اللي اتقال
موضوع الشيعة مش هايخلص أبدا!!!!!!

المشاركة الأصلية كتبت بواسطة eng_mkhalaf

]

أبو عبداللة أنت حطيت أبو قرش على أبو قرشين - أية إللى دخل الدين فى الموضوع دة - أنتم ختوا الموضوع شروة - طب هو راجل وحشن وأبن ستين فى سبعين بس خلى بلادة دولة عظمى محدش عارف يرفع صوتة عليها - نقوم احنا سيبنا دة وقولنا دة شيعى ومينفعشى نخدة مثل ودة راجل إى كلام - طول ما أحنا كدة ثق تماما أننا هنفضل كدة بتوع معارضة وشعارات وبس وهيفضل حالنا كدة والناس مش عمالة لينا قيمة
لازم نكون موضوعين وننظر غلى الجوانب المفيدة فى إى حاجة مش نتلكك علشان نبوظ كل حاجة بأقاويل وشعارات ل تسمن ولا تغنى عن جوع
طب ما الأسكندرية بناها الأسكندر الأكبر - فبكدة هية حرام نخوشها لأن إللى بناها مش مسلم - وكمان طب العربيات إللى بنركبها والكتب التعلمية إللى بنقراها كتبها ناس ملهمشى ديانة أصلا فبكدة الكتب دية حرام وممنوع قرايتها - لو كلة فكر بالمنطق دة يبقى علية العوض فينا

بص يا بشمهندس خلف
اولا انت تعلم مدى احترامي لك
ولكن ان حضرتك تقولي ابو قرش وقرشين فده غير مقبول
لأن حضرتك اللي عملت كده في ردك الأن

مين اللي قال انك تحرم دخول الاسكندرية علشان اللي بناها الأسكندر الأكبر

بلاش نحول الموضوع لمثل هذا الكلام

انا لم اقل مثل هذا وحضرتك لما تذكر مثل هذا الكلام لي فده معناه اني قلته او قلت شبيه له وهذا لم ولن يحدث

ياريت يكون الكام في نفس السياق اللي انا رديت عليه الا وهو

ان احنا لنا اسوة في الصحابة والتابعين وقصصهم ليس لها اول من اخر واللي عاوز يستفاد يقرأ سير اعلامنا وليس يتمسك في شخص ويقوم الحرب على كل من يقول عليه كلمه

الموضوع ليس كده
نحن كمسلمين لنا افضل منه مليون مره
ايه اللي يخلينا امسك في شخص مثله واترك اللي افضل منه منهجا وكل شئ

هيا دي الفكره انا لم اكل انه كذا وكذا و
ولكن المسألة تتلخص في ان في احسن منه

والشيطان لما يأتي لواحد بيصلي مش بيقولوا روح ازني ده الراجل بيصلي وانما يشغله بعبادة اقل من العبادة القائمة علشان ياخذ اجر اقل

وهيا دي فكرتي
اني لو احنا منبهرين بمثله فأنا اقسملكم بالله انه يوجد لدينا في سير اعلامنا من الصحابة والتابعين وعلى رأسم رسولنا محمد صلى الله عليه وسلم قصص وعظات اكبر من مثل هذا بكثير

فبدل ما اذكر لأحد من الصحابه او التابعين موقف
اروح اجيب قصص لما هم اقل شأنا وهحارب على اللي هيتكلم عليه الاولى بنا ان نتذاكر سير اعلامنا من العلماء والصحابة والتابعين ونعلو من شأنهم

واحب ان اذكر اخواني ان الرسول صلى الله عليه وسلم قال او كما قال ((( خير القرون قرني ثم الذين يلونهم ثم الذين يلونهم )))


وشكرا لكم جميعا

مع أحترامى ليك التام - وانت فهمت كلامى غلط خالص - انا قصدى أنة علشان اعطى مثال للناس لازم يكون محسوس ومادى - يعنى مينفعشى أنزل الشارع دلوقتى وأقول كان زمان فى وفى وفى لأن كل زمن ولية ظروفة وأحكامة وكمان علشان أقنع الناس لازم يشوف حلجة مادية قدام عينية وهو دة مربط الفرس - عندك عمرو خالد قدر يقرب ناس كتير للدين بطريقة مبسطة ومادية وهو دى إللى الشباب محتاجة - نبداء نعرض علية أمثلة حية ناجحة لغاية ما يشرب الجانب الحلو فيها وساعتها بقى اخش علية بعمرو أبن الخطاب وغيرة من أبطال الأسلام ونبواغة - مينفعشى اخش عالطول على عمرو بن الخطاب وأبداء أوصل المعلومة ناس كتير هتمل من الحديث وكأنك يا أبو زيد ما غزيت
علشان كدة أنا زعلت لما أحنا سيبنا كل حاجة حلوة فى الراجل دة ومسكنا فى كلمة شيعى - مع انة مسلم زينا ونطق الشهادتين- وعاوزين نهمل أنجازاتة ونمجد بأنجازات ناس الشباب بعيد قوى عنهم ومفيش حاجة مادية يحسوة بيها

والله يا بشمهندس المسالة مسألة معرفة بالرجل وبدينه
وللأسف كتير منا لا يعلم ماذا يقولوا هؤلاء عنا او عن عقيدتهم

وعلى راي المثل اللي ما يعرفك يجهلك

وانا ادعوك للدخول على اليوتيوب وانت تسمع بنفسك ماذا يقولوا عنا او ما هيا معتقداتهم لأن من الواضح ان احنا لا نعلم شئ عنهم
وللأسف ايضا المثل الذي طرحته ليس في محله لأنه ليس كعمر خالد

وصدقني انا اعلم ما تقوله ولكن ما اعلمه عن الرجل ومنهجه ليس كما تتخيله وانا لست افتري عليه وليس بيني وبينه اي شئ لذلك وانما كل ما احرص عليه هو عدم الخلط بين الصح والغلط