المشاركة الأصلية كتبت بواسطة nahasswael
مش عارف ابدأ الموضوع منين بس الظاهر ان كل حاجه اتغيرت فى الزمن دة للاسوأ الذوق العام والتفكير والهمجيه وكل حاجه وطبعا الفساد والذى منه وطبعا ثقافه السواقه اتدمرت ومن اسوأ لاسوأ الايام دى واحد يعمل موضوع كبير فى المنتدى علشان ان العربيه دى ممكن تشد مع مين والتانى يعمل موضوع انا عربيته عدت من عربيه تانيه ويكتب فى الاخر طظ فى العربيه التانيه والتانى بيقولك ان العربيه بتعوم على 180 والتالت يقول ان العربيه صوتها عالى على ال 120
معلش ياجماعه مش عارف الناس بتفكر ازاى على الكلام فى السرعات الجنونيه دى
اولا الطرق فى مصر 90% منها رايحه فى نصيبه تلاقى نقرة تلاقى مطب انت وحظك وتلاقى برضه لناس بتجرى فى الشوارع دى وبيحصل اللى بيحصل
ثانيا طيب ماهو اقصى سرعه فى خارج المدن بيبقى 100 انت عاوز ايه اكتر من كدة والناس بتبقى حريصه جدا على انها تتابع الردار وترعش لبعض من الجنب التانى علشان تتفادى الرادار (طيب ماتمشى بالسرعه المحددة وريح دماغك) وطبعا الكلام حينفخ الاغلبيه هنا طبعا ويقولك ايه ياعم هو انا حمشى زى السلحفاة
ثالثا : انتو مش بتشوفوا الحوادث فى البلد ولا ايه انا من راى المتواضع ان بعد سرعه 80 تبقى سرعه جنونيه طبعا علشان لايمكن تثق ب3 حاجات هما الطريق الضايع والناس اللى بتعدى والسواقين اللى بيسوقوا جنبك ومش عارف الناس مابتحبش تستخدم عوامل اللامان زى الحزام مثلا
رابعا حاجه غايظانى قوى : تلاقى واحد قاعد فى العربيه وهمه كل همه انه يشد مع اللى جنبه وهو ولا يعرفه ولا حاجه ولما يخلص شد بيبقى مبسوط جدا مع انه ميعرفوش حاجه غريبه جدا والادهى من كدة ان الاتنين دول لو نزلوا وجروا على رجليهم هيهنجوا من اول 10 متر وكل واحد يقعد على جنب يكحكح.
رابعا :المنتدى اليومين دول تحول الى ساحه غريبه من النقاش الغير مفيد زى مثلا ان واحد عامل موضوع علشان يقول ان العربيه الفلانيه عملت حادثه فى المكان الفلانى طيب ايه مدى الاستفادة من الموضوع دة ماكل عربيه فى الدنيا بتعمل حوادث والتانى يقولك مافيش غير الاوروبى والاخر يقول اليابانى والتالت يقول الكورى ولو الموضوع كدة حنلاقى نوع واحد بس فى الشارع ماشى لو كان اوروبى او يابانى او انجولى احنا هنا المفروض بنناقش بهدوء الحاجات دى علشان حتفيدنا وحتفيد ناس تانيه كتير سواء اشترت او لسه حاتشترى علشان المفروض لما انا باجى اشترى العربيه بشوف فيها مواصافات معينه واكيد مش بهتم بموضوع انها حتشد مع العربيه الفلانيه او لا
اسف للاطاله و مش عارف كلامى وصلكوا ولا لأ بس
المهم اتقوا الله فى كل حاجه وامشوا بما يرضى الله وانا اعتقد انا الحاجات دى بتاعه الشد حرام وماترضيش الله وكلها تؤدى الى حوادث ومصايب والعياذ بالله ولاتلقوا بأيديكم إلى التهلكة