الموضوع: الي عشاق اللاب توب

المشاركة الأصلية كتبت بواسطة MTAK

طيب يا اخ يوسف ما تكمل الفايدة و تقولنا مواصفاته ايه و كان بكام

هو اللى معايا ستوديو 1537
فى فئة اعلى تقريبا 1550
المواصفات فى جهازى كالاتى :
بروسيسور انتل كور تو ديو 2.26 كاش 2 ميجا
رامات 2 جيجا
هارد 250
فتح الجهاز بالبصمة وتقدر تفتح الياهو والهوت ميل ماسنجر وجميع المنتديات بالبصمة يعنى حماااااااااية شديدة
كارت شاشة : ATi 3400 HD 1080 MB up to 1750 Mb
كاميرا 2 ميجا بكسل ونازل معاها تأثيرات جميلة ومضحكة جدا
بلوتوث
ويرلس
واى فاى
ريموت كنترول
كارد ريدر (لكروت الموبيل والكاميرات)
4 يو اس بى
فتحت HD
فتحت HDMI
بطارية 9 خلايا
طبعا ما بحبش صناعة الصين فى الالكترونيات لكن ده تجميع اوروبى تقفيل بولندى
السعر انا كنت جايبه فى شهر 4\ 2009 كنت جايبه بالظبط 5600 ملطوش (جنيه سابقا) بس هو حاليا سعره نزل
واى استفسار انا فى خدمة حضارتكم
اخوكم يوسف

المشاركة الأصلية كتبت بواسطة amrbakly

نصيحة لو عايز لاب توب حمار شغل يبقي هات لينوفو

المشاركة الأصلية كتبت بواسطة amrbakly

انا مجربة 4 سنين، واحد قديم طلعت روحة 3 سنين و بعدين اخويا اخدة مني يطلع روحة هو كمان و لسة عايش زي القرد، و عايز اقولك لحد دلوقتي بطاريتة قوية و مفيش زرار باظ من الكيبورد رغم انة وقع تلت اربع مرات

كمان التوشيبا مع أختي مبهدلاة و شغال زي العفريت

ثالثا الفوجتسو سيمنس
--------------

لا انصحك مطلقا بالديل جهازة عمرة الإفتراضي قصير مفيش حد من صحابي جابة و مشتكاش منة
و دة مش واحد ولا إتنين و لا تلاتة ........ تقريبا 8 من صحابي إشتكوا نفس الشكوي منة و هي تبدأ البطارية تخرف، و بعدها يبدأ يهنج و يبقي بطئ جدااااااااا و من هنا تبدأ رحلة المعاناة معاه

الإتش بي معقول و رغم أنة أغلي من الكومباك إنما الكومباك احسن منة من ناحية الأداء


انا رشحتلك تجاربي و تجاربي المحيطين بيا، و المسألة و الله فيها نسبة من الحظ و التوفيق كبير موووووووت لأنك ممكن تجيب ماك إيير و بعدها بأسبوع يقع ولا يتشرق، هي مسألة نصيب يعني

حبيب قلبى انا معاك طب حضرتك تعرف ان الينوفو هو الـ IBM دى حاجة
انا مقدرش اشكك ولو لـ 1% ان الاتش بى والكومباك والسونى والماركات العريقة زى الفل
لكن تعالى نبص على دلوقتى الغزو الصينى ما سابش اى حاجة وانت عارف ان الصينى اللى بينزل مصر غير اللى بينزل مش هقولك السعودية ولا الامارات لا هقولك اللى بينزل الصومال طبعا بنشترى زبالة المصانع
التوشيبا جهاز كويس وحلو لكن غلطو غلطة غبية شوية لما نزلو بروسيسور intel centrino البروسيسور ده ممتاز لكن سفاح قاتل فى شحن البطارية ده غير ان الجهاز تقفيل صينى ولا الله اعلم تقفيل مصرى كمان
الفوجتسو سيمنس جهاز يابانى كويس لكن 4 مهندسين صحاب اخويا كانو جايبينو واحد منهم شغال فى امان الله على الاوتوكاد الجهاز فصل راح كشف عليه لاقاه جاب مذربورد
التانى جاب كارت صوت
التالت الشاشة بتجيب الوان غريبة شوية
الرابع وده اللى خلانى ابعد عنه ان البطارية مستواها قل بعد 6 شهور من الاستخدام لدرجة انه كان بيقعد ساعة واحدة بس وبالعافية
معنى كده انا مش بقول ان الديل رقم واحد ولا هو احسن واحد لكن الواحد يستفييد من تجارب الناس
وبردو كل الاسباب دى ما تخلنيش اخاف منه عارف ليه لان غصب عنى وعنك ده نصيب يعنى من الاخر كده وبالبلدى زى البطيخة يا تطلع حمرا يا تطلع قرعة وبمناسبة الكلام ده
اقسم بالله ان واحد صاحبى جايب نفس نوع جهاز ونفس الموديل ونفس المواصفات بردو ظهرت عندو مشاكل وانا لا
فا من الاخر توكل على ربنا واللى فيه الخير ربنا يقدمو
اخوكم يوسف

هو انا بس عايز اقول حاجة ولاحظوها معايا

اللينوفو مش نسخة رخيصة من الأي بي أم ولا حاجة

اللي يركز فيكم حيلاقي اللينوفو فية نوعين تقريبا الثينك باد و دة الأي بي إم بتاع زمان
و الأيديا باد

انا جربت الأتنين، بالتأكيد الثينك باد إبن ناس اكتر من أي حاجة تانية في الدنيا و حماااااااار شغل بجد وبلا جدال

---------

بس حقول ملاحظة للجميع، إدخل علي أمازون و إتفرج علي أغلي لاب توب في أمريكا حتلاقي الأبل و السوني طبعا نمرة واحد، وراهم علي طول اللينوفو بكل فئاتة

اكيد لو هو جهاز واقع مكانش مسك سعر للدرجة دية

مش حختلف برضة مع الناس إن اللينوفو شكلة رزل و عامل زي التلاجة الإيديال بتاعت زمان

بس بصراحة عن تجربة ماكينة شغل فعلا الله ينور

و برضة أنا مصر أنها مسألة حظوظ و أرزاق