صوت الموتور والقرص على الغيار؟

**moudy2002** · 16-12-2007 06:42 PM

الاخوة الكرام
عندى لما اقرص شوية على اى غيار من الاول الى الرابع ( يعنى بوصل الى 3 rpm ) صوت الموتور بيعلى قوى وبحس بصوت خشن طالع من العربية .بس انا بحسة بالصوت دة بس اول ماسيب رجلى من البنزين انما طول منا دايس بنزين مش بيظهر قوى .
جربت امور الفتيس وانا قارص على الغيار مش بيظهر الصوت خالص .
هل دة رومان بلى الفتيس ولا اعراض الدبرياج ؟ لانى لما بمور الفتيس او اسند بالدبرياج الصوت بيروح .ولا فى حاجة فى شداد الكاتينة
مرة اخر الصوت بيختفى وانا على 3rpm لما امور او اسند بالدبرياج
وشكراااااااا
العربية اكسنت 1500 انجيكشن
وكل عام وانتم بخير

**TAMER KHASHABA** · 16-12-2007 09:41 PM

انا زيك بيحصل معاي نفس الموضوع في الاوبترا ده ممكن يكون من الزيت لزوجنه قلت ومحتاج يتغير ولا شداد الكاتينة ارجو الافاده

**أبو ياسين** · 17-12-2007 08:35 AM

انا زيك بيحصل معايا الموضوع ده فى الانوس و نفسى اعرف من ايه؟؟؟؟؟؟؟؟؟؟؟؟؟

**mohsen** · 17-12-2007 09:13 AM

1-الصوت ده بيخدع الى سايق لانه بيوجه تفكيره ناحية الموتور او الفتيس.
2-الصوت بيظهر بسيط مع التزويد ويظهر بوضوح لما تشيل رجلك من على دواسة البنزين وبيختفى لما تمور (يعنى الصوت مرتبط بتغير كمية الهواء الداخلة للموتور).
3-احد اكثر الاحتمالات ان الصوت ده بيكون ناتج من (تغير) تدفق العادم فى الشكمان وبيكون بسبب وجود رواسب فى علبة النص بتاعة الشكمان بتضرب فى جدار العلبة تحت تأثير تغير خروج العادم او ممكن تكون علبة النص بايظة و محتاجة تتغير.
4-حضرتك ممكن تروح لواحد بتاع شكمانات بس يكون كويس يكشف على الشكمان وعلبة النص.

**moudy2002** · 17-12-2007 01:12 PM

شكرا للاخ محسن على الاهتمام
مش عارف لية عندى احساس ان موضوع الشكمان دة صحيح . لانى بحس فعلا بالصوت الخشن دة مصدرة اسفل الكرسى . يعنى منتصف العربية . بس فى حاجة برضو بتخلينى استبعد الموضوع دة .. انى لسة مغير العلبة الى ورا من 4 ايام علشان كانت مخرومة والراجل كشف على العلبة الى فى نص وعلى الجونات بتاعت الشكمان وكانت تمام .بس طبعا مفكش العلبة الى فى النص دة بص على الكبس بتاعها بس.
فى دة احتمال يكون انه مش من الشكمان .. بس ممكن اعرف الرواسب دة ممكن احلها ازاى يعنى الراجل يفك العلبة وينضفها ولا اية

انا فعلا بقالى 3 اشهور بحاول ادور ورا الصوت دة وغيرت حاجات كتير بسببة وبرضه مش عارف
وواضح كدة ان دية مشكلة موجودة عند اخوة كتير ..
وشكرا

**Eng.Ahmed** · 17-12-2007 01:42 PM

انا بحس بنفس الموضوع ، ياريت يا جماعه الى عنده فكره تانيه عن الموضوع ده يقول علشان واضح ان فيه ناس كتير عندها نفس المشكله

**moudy2002** · 17-12-2007 05:59 PM

ايه يا رجاله محدش عندة حل للموضوع دة ولا اية
فى ناس كتير بتشتكى منه ؟؟

**eng_mkhalaf** · 18-12-2007 09:48 AM

الموضع غريب - أنا معنديشى الموضوع دة خالص
بس موضوع الشكمان دة مش داخل دماغى وتفكيرى رايح لأسطوانة الدبرياج

**dr_3eshoo** · 23-12-2007 01:24 AM

هقلكم على حاجه عندي نفس الموضوع و مش عارف السبب
بس و الله اعلم ممكن يكون جلده قاعده الفتيس لانه بيسرب زيت طبعا
اكشف على الزيت و بعدها اكشف على قواعد الفتيس و بعدها ممكن يكون الفتيس باشا و ساعتها ابقى قولي عملت ايه علشان اعمل زيك طبعا اخوة

**magna427** · 23-12-2007 03:04 AM

شوف ياغالي انت لم بتدعس على البنزين وانت واقف بتسمع الصوت ولا لأ
اذا كنت بتسمع الصوت فده معناه انه الكنداسه بتعاتة الرصاص فيها كسر
والحل بسيط
روح عند بتاع الشكمانات وخليه يضرب الكنداسه الى تحت عصى الجير اذا طلع صوت فمعناه انه في كسر في الرصاص خليه يفكها ويفضيها احسن حل ومش حتسمع الصوت ده بعدين ابداً
ومتخفش الرصاص الى ح يكسره ويطلعه بره ده ملهوش اي عازه
والشركه حطاه عشان تحافظ على حرارة العربيه بعد متبطلها

والسلام ختام
وارجو اني اكون افدت الجميع

الموضوع: صوت الموتور والقرص على الغيار؟

LinkBack

أدوات الموضوع

عرض

صوت الموتور والقرص على الغيار؟ - انشر الموضوع فى :

-

-

-

-

-

المواضيع المتشابهه

صوت الموتور عالي في اول الغيار

الموتور بيتحرك مع الغيار

مفاجاءة من العيار الثقيل بالنسبة للقطع الغيار, تم الحصول على اقل سعر لقطع الغيار للعر

احرق الغيار ولا اريح الموتور؟

تجربتى...أجابات عن أسعار قطع الغيار والعفشة وأماكن أفضل الورش وأحسن أمكان قطع الغيار

الكلمات الدلالية لهذا الموضوع

المفضلات

المفضلات

ضوابط المشاركة