الموضوع: تنك البنزين - جين2

المشاركة الأصلية كتبت بواسطة eslam_wega

فعلا هو 40 فقط
بس ليا ملحوظة حضرتك اخر سرعة مشيت بيها 190 ولا 200 كليو

200 يا اسلام


بس وانا رايح الساعه 5 الفجر الهوا كان معايا فعديت الـ200 و انا راجع جبت 200 الا حته صغيره و قلبي مطاوعنيش اوزد لان الساعه كانت 6 مساء و الطريق فيه ناس

المشاركة الأصلية كتبت بواسطة DR_EMAD

لما العداد يصفر .. يبقى كده فاضل 50 كيلو ممكن العربية تمشيهم
وخلى بالك دى نسبة .. كمبيوتر العربية بيعملها .. على أساس نظام القيادة اللى حضرتك ماشى عليه
يعنى لو بتجرى ومشغل تكييف .. النسبة هتقل
والعكس صحيح

أما بالنسبة للتنك فأعتقد أنه 40 لتر



وأنا كمان .. بقالى أسبوعين بطلع أصطاد .. ومش برجع بحاجة !! هو السمك راح فين ؟

لا يا عم انا اصطادت بس مش كتير و اغلب الي طلعلي كان قراض :( بس الكميه مكانتش الي تبسطني

المشاركة الأصلية كتبت بواسطة werewolf

ايه ده ....مين بيصطاد هنا ؟؟؟

انا لسه مبتدئ دي تاني مره بس
ماتيجو يا رجاله نعمل رحله صيد بس تجيبولنا حد بيفهم

المشاركة الأصلية كتبت بواسطة osama.shihata

احمد على باشا وحشنى والله عيزين نتقابل تانى بقى قريب ان شاء الله
بالنسبة لاستفسارك عن التنك هو 50 لتر بالفعل وليس 40 لتر بص يا احمد:
انا كنت راجع مرة من شغلى فى العاشر من رمضان ومروح على القاهرة مخدتش بالى ان اللمبة منورة الا وانا فى الشروق وواضح انها كانت منورة بعد مطلعت من الشغل علطول وانا من الارهاق محطتش فى دماغى ومبسطتش المهم دخلت بعد الشروق على طريق مصر السويس مفيهوش بنزينة واحدة لغاية موصلت مدينة نصر ودى مسافة كبيرة حوالى 60 كيلو وطبعا العداد مصفر من بدرى بفضل الله رحت البنزينة وفولت تخيل عملت 50.14 لتر انا اتوهمت فعلا ومكنش مصدق ده انا كنت على الاخر فعلا المهم الحمد لله انها طلعت اصيلة معايا وراعت انى كنت مرهق وطلعت بنت حلال وتنكها 50 لتر مش 40 لتر زى مظلمتوها .

حبيب قلبي انشاء الله نتقابل قريب

طيب لو التانك 50 ليه بتنور عند 35 لتر اكيد العوامه فيها حاجه غلط

يا جماعة كتالوج العربية بيقول 50 لتر ...........
بس فيما يبدوا أنها بتعمل التحذير لما يكون فاضل مثلا حوالي 10 لتر .
حاجة كمان .......... زور التانك ضيق ........... و بالتالي ممكن تلاقي الخرطوم بتاع التموين بتاع البنزين يفصل ....... بس لو صبرت عليه شوية و كملت هاتلاقي التانك قابل للزيادة .
أنا بقى مشيت زيادة 70 كم و العداد كان بيعمل التحذير و رحت مونت و أخدت 40 لتر تقريبا ...........
الظروف دي كانت أيام العاصفة الترابية و كنت على طريق سفر ....و كنت مشغل التكييف لأن الجو كان حار جدا جدا ...... بس سرعتي ما زادتش عن 70 كم في الساعة علشان كمان مكنتش شايف كويس في الطريق .....

ده معناه أن العربية بتعمل التحذير بدري ......... و الموضوع في كل عربيات الجين 2 و معناه أن التصميم كدا .


حاجة كمان ........لما المؤشر بيكون عند النصف بالظبط ....... دائما تأخد 25 لتر بنزين و ده معناه أن النصف اللي فاضل هو 25 فعلا .و كدا يكون الأجمالي هو 50 لتر .

المشاركة الأصلية كتبت بواسطة tutankhamoun

يا جماعة كتالوج العربية بيقول 50 لتر ...........
بس فيما يبدوا أنها بتعمل التحذير لما يكون فاضل مثلا حوالي 10 لتر .
حاجة كمان .......... زور التانك ضيق ........... و بالتالي ممكن تلاقي الخرطوم بتاع التموين بتاع البنزين يفصل ....... بس لو صبرت عليه شوية و كملت هاتلاقي التانك قابل للزيادة .
أنا بقى مشيت زيادة 70 كم و العداد كان بيعمل التحذير و رحت مونت و أخدت 40 لتر تقريبا ...........
الظروف دي كانت أيام العاصفة الترابية و كنت على طريق سفر ....و كنت مشغل التكييف لأن الجو كان حار جدا جدا ...... بس سرعتي ما زادتش عن 70 كم في الساعة علشان كمان مكنتش شايف كويس في الطريق .....

ده معناه أن العربية بتعمل التحذير بدري ......... و الموضوع في كل عربيات الجين 2 و معناه أن التصميم كدا .


حاجة كمان ........لما المؤشر بيكون عند النصف بالظبط ....... دائما تأخد 25 لتر بنزين و ده معناه أن النصف اللي فاضل هو 25 فعلا .و كدا يكون الأجمالي هو 50 لتر .

توت باشا انا بمون لحد ما التانك يدلق بنزين و ببقي واقف علي ايد العامل
اللبمه بتنور بعد 35 لتر يعني الاحتياطي كدا 15 لتر و دا كتير
طبعا ان الاحتياطي كبير مش حاجه وحشه انما الواحد كان عاوز يتأكد بس

المشاركة الأصلية كتبت بواسطة tutankhamoun

حاجة كمان ........لما المؤشر بيكون عند النصف بالظبط ....... دائما تأخد 25 لتر بنزين و ده معناه أن النصف اللي فاضل هو 25 فعلا .و كدا يكون الأجمالي هو 50 لتر .

حلوة الحتة دى اوى

مش لازم نفضى التانك للاخر علشان نعرف.....نحسب من عند النص واكيد هوه ده الصح