رشحت مين فى إنتخابات رئيس جمهورية اسبرانزا العربية

**KiNgMaX** · 17-05-2007 01:40 AM

يا جماعة ده استفتاء بسيط مالوش اى دعوة بالسياسة او غيره وإنما هو حاجة ممكن من خلالها نعرف ايه السبب للى احنا فيه ؟؟؟؟؟؟

هل هو الشعب الأسبرانزاوى نفسه ولا هى الحكومة الاسبرانزية وتزويرها للانتخابات
لإننا هنا بنمثل جزء من هذا الشعب ( الأسبرانزاوى طبعأ )

:lol: :lol:

17-05-2007 12:34 PM

استاذ KiNgMaX--انا مش فاهم حضرتك كويس --تقصد اية بس يمكن والله اعلم انك تقصد الانتخابات الرئاسية الاخيرة والرئيس الحالى مبارك والمرشح اخر ايمن نور مثلا يعنى بجد مش فاهم يعنى مثلا ممكن تكون عاوز تتريق على حال الديمقراطية اللى فى مصر وانتهزت فرصة انتخابات الرابطة الاسبيرانزوية--ههههههههههههههههههه شكلى كدة ح اوديك فى داهية بالاسئلة بتاعتى دية --بس بجد قول انت مش عاجبك الديمقراطية بتاعتنا---طيب اية اللى مش عاجبك بالظبط --ههههههههههههه--لما تشرحللى بالظبط تقصد اية ح اشترك -

**sh_masry** · 17-05-2007 12:44 PM

واضح كده ان king max ..... عايز يبقى king mix زى جهينه .

mesh a7'ook وللا اعرفك
sherif

**Abdallah** · 17-05-2007 12:46 PM

طب ايه رايك بقة ان الاتخابات دى مزورة وانا بطالب باشراف القضاة اصدى المشرفين فى المنتدى.

17-05-2007 12:52 PM

كمان قضاة هى كدة كملت--ويبقى فعلا شكى فى محلة--معاكم ربنا يا شباب -ما اعرفكمش- :lol:

**KiNgMaX** · 17-05-2007 03:08 PM

أستاذ جنيدى ماشاء الله عليك فهمتها وهى طايرة بس انا ماليش دعوة يا عم انت اللى فهمتها كده بس والله مانرجع كلمتك يا راجل انت برضه يهمك الكلام ده :lol: :lol: :lol:
خلاص يا جماعة هنمشى الاستفتاء زى ما أستاذ جنيدى قال وخلاص
ياريت بقى كلنا نصوت عملنا إيه فى الإنتخابات السابقة

17-05-2007 03:45 PM

اعترف انك مميز وذهنك حاضر-ودية من شروط الانسان الذكى -خاصا ان اسلوبك كتاباتك مختلف لكن انت شايف ان كل دة ح يشفعلك لما ييجوا زوار الفجر يشربوا معاك حاجة -- :P

**Abdallah** · 17-05-2007 08:56 PM

متقلقش يا استاذ جنيدى دلوقتى وبعد قانون مكافحة الارهاب الفاشى هيجولك فى اى وقت مش الفجر بس يعنى ممكن يجوا يتغدوا كمان .

ملحوظة : المقصود بالفاشى هو الارهاب وليس القانون , انا عندى عيال يا عم

**hazem_khidr** · 17-05-2007 10:10 PM

القوانين كلها تمام و قانون الارهاب الفاشي(الارهاب طبعا مش القانون)فعلا الغرض منه حمايه المواطن و اصلاح حال المجتمع و لكي يعم الرخاء علي جميع ابناء الوطن الواحد و التعديلات الدستوريه الجديه تضع منهج و اسس للديموقراطيه الفعالخ للمجتمع و اعطاء ابناؤه الحريه الكامله في اختيار رئيسهم و انا من منبري هذا اؤيد الرئيس و اشجب كل محاوله فاشله للاخفاق به
و السلام عليكم و رحمه الله و بركاته
ملحوظه (انا مش معاكم انا معاهم) انتو حتودونا في داهيه :lol:

**KiNgMaX** · 18-05-2007 03:53 AM

يا جماعة كل اللى انتو قولتوه ده كويس
بس اللى حصل لغاية دلوقتى مش كويس
الموضوع شافه لحد دلوقتى 91 عضو
10 منهم بس اللى جاوبوا على الإستفتاء ياريت ياجماعة كلنا نقول عملنا ايه
انا شايف ان السؤال سهل
رشحت مين فى الإنتخابات الرئاسية السابقة لجمهورية مصر العربية
جرى ايه يا جماعة ماتخافوش البلد فيها ديقراطية
يارييييت كلنا نشارك :? :? :?