فعلا العربيه نادره اوى وبسمع انها جمده جدا وياريت الناس تفيدنا ليه العربيه نادره رغم انها سمعتها كويسه ومحدش فعلن بيشنكى منها
طب هل فى مشكله فى قطع غيارها يعنى مش متوفره او غاليه ؟؟
ياريت اعرف تعليق اصحاب العربيه عاليها
عرض للطباعة
فعلا العربيه نادره اوى وبسمع انها جمده جدا وياريت الناس تفيدنا ليه العربيه نادره رغم انها سمعتها كويسه ومحدش فعلن بيشنكى منها
طب هل فى مشكله فى قطع غيارها يعنى مش متوفره او غاليه ؟؟
ياريت اعرف تعليق اصحاب العربيه عاليها
علي مااعتقد ياجماعة موتور العربيه دي هوه نفس الي في الفيرنا والجيتز .. متهيقلي انا قريت المعلومة دي في موضوع هنا في المنتدى وياريت حد يقولنا
واسعارها كام بالظبط برضه بالنسبة لموديلاتها وتكون الاوتوماتيك
انا برضه عجبانى العربيه و بفكر اجيبها بس ايه اخبار الثبات و الفرامل للموديل ده ؟
يعنى الفرامل تديها كام من 10 و الثبات تديله كام من 10
و شكرا:36_1_1[1]:
انا ركبت مع واحد صاحبى، الثبات ما شاء الله العربية طوبة على الارض..
بس للاسف عربيته مانيوال، نفسى اجرب الاوتوماتيك بتاعها قبل ما اشترى..
ربنا يخليك يا باشا و شكرا لذوقك.. يعنى لما بتدوس وانت واقف فى مكانك العربية بتلقط على طول و لا فى سنة بطء؟
ماشاء الله 320 كيلو فى الصفيحة دا هايل، و تانكها بيعمل كام جوه البلد و طوالى؟ تانكها كام لتر صحيح؟
انا عندي ألنترا الشكل القديم هي موديل 2004 و أول أستعمال ليها في أول 2005 و علي فكرة لسه عامل صيانة ال 120 ألف كيلو أمس.
ثبات السيارة أكثر من رائع و في السفر خصوصا مريحة جدا جدا
الأعطال ببساطة زيرو يعني و لا مرة كسفتني طوال السنوات السابقة وده يمكن علشان أنا بأعمل كل الصيانات في ميعادها و علي أكمل وجه ممكن.
الأنطلاق من الثبات زي الصاروخ و تقارن جدا بالسيارات الياباني (سيارتي أوتوماتيك)
السرعة القصوي حوالي 180 الي 185
أستهلاك البنزين رائع
الصالون واسع للغاية و كذلك الشنطة واسعة جدا
أسعار قطع الغيار معقولة جدا لأن جميع قطع غيار الموتور هي نفسها للماتريكس و الفرنا 1600 و الجيتز 1600 و الكوبيه 1600 و مثال لذلك سير الكاتينة 150 جنيه فلتر الهواء 28 جنيه سير الدينامو 35 جنيه سير التكييف 65 جنيه و علي فكرة دي أسعار غبور أبو رواش بفاتورة أنا دفعتها يوم الخميس الماضي. يعني أسعار حقيقية 100%
بالنسبة لعيوب السيارة هي الأتي:
حجم السيارة كبير و أركانها مش واضحة اثناء القيادة لذا أنا ركبت فيها حساس ركن زي أللي بيجي في موديل 2005 و 2006
الفرامل مش بالقوة المطلوبة يعني مش زي الشكل اجديد بس عموما ده راجع لحجم ووزن السيارة الكبير و مع الوقت أتعودت عليها و كله تمام
نصيحة مني لكل من يريد شراء هذا الموديل أن يتوكل علي ألله بس أهم حاجة حالة السيارة و الكشف عليها جيدا
و علي فكرة هي سيارة عائلية جدا و مش شبابي خالص لذا في الأغلب بتكون حالتها نظيفة علشان أللي بيركبها راجل كبير و يستطيع الأنفاق عليها في حالة أي مشكلة فيها.
شكرا جدا يا تيتو على المعلومات الهايله انت كنت فين من زمان ياراجل
بس انا نفسى اعرف هى تقفيل كورى ولا مصرى
الف شكر علي التقرير
الف شكر علي مشاركتك ياتيتو والكلام الوافي