اضراب الملاكي ضد استهتار النقل

**romeo_6887** · 27-01-2010 03:49 PM

لو افترضنا اننا حلينا مشاكل النقل و الميكروباصات
هنعمل ايه في مشاكل التكاتك و الموتوسيكلات و و و ؟

**amr mokhtar** · 27-01-2010 05:12 PM

المشاركة الأصلية كتبت بواسطة ashraf229

انا بأحس انه شيء خيالي ان السواق يمشي عاليمين حتى لو بسرعة و شيء خيالي أكتر ان المرور يقدر يكلمه

كأن النقل ماسك لكل المصريين ذله من حقه يعمل اللي عايزه و يقتل من الأبرياء ما يشاء و يشرب و يبرشم براحته.....احنا كلنا تحت أمر الأسطوات حبايبنا.......

انا برضه عندى نفس الإحساس
و بالذات لما أشوف عربجى ماشى عكس سير على الكورنيش او فى اى شارع رئيسى و محدش بيكلمه و تحس إن مفيش حد قادر يعمله حاجة و لا كأنه إشترى البلد باللى فيها

بجد إحنا أكتر فئة مظلومة فى البلد دى
العربجى واخد حقه بالأدب او بغير أدب و ماشى بمبدأ ضربوا الأعور على عينوا
و العالم اللى فوق عندهم سلطة تحميهم

إنما اللى فى النص هم الغلابة اللى عندهم حاجات خايفين عليها و فى نفس الوقت مفيش سلطة تحميهم

**Eng_Mostafa_89** · 27-01-2010 05:19 PM

ربنا يهديهم ويجازى اللى سايبهم

**د.محمود صلاح** · 27-01-2010 06:36 PM

سياسة الإضرابات هى اللى ماشية فى البلد , هو المطلوب تكثيف الحملات المرورية ضد المخالفين فى حارات السير وهكذا

**zakiali** · 31-01-2010 03:13 PM

دول عالم قادره وفاجره ,, الشرطه بتخاف منهم اساسا .. انا شفت بعيني وانا مسافر علي الطريق الصحراوي الغربي .. عند المزلقان اللي عند دهشور عربية نقل وهي بتعدي المزلقان رجعت لورا علي عربية اكسنت طبقتها ودمرتها وصاحبها طلع يجري من الرعب وكان فيه امين شرطه واقف عند المزلقان ولا عمل اي حاجه والراجل بتاع النقل طلع يجري بالعربية ومحدش قاله بتعمل ايه .. عالم مفتريه ..

**ahmedsamir79** · 31-01-2010 03:26 PM

المشاركة الأصلية كتبت بواسطة amr mokhtar

إنما اللى فى النص هم الغلابة اللى عندهم حاجات خايفين عليها و فى نفس الوقت مفيش سلطة تحميهم

مع الاسف عندك حق

**KSA2011** · 31-01-2010 03:40 PM

والله العظيم يا جماعه انه أحسن ناس على الطريق هم بتوع النقل والله العظيم من يومين شفت واحد بتاع نقل عاطى اشاره عشان يتفادى كارو على الطريق وانا شايفه وماشى ادامى ملاكى قام بتاع الملاكى دايس ومعديه من الشمال و التانى سابه و لحق نفسه فى اخر لحظه وكان هيتقلب ويعمل كارثه
وكان فيه حادثه مشهوره من فتره فى المنصوره عند تقاطع كوبرى الجامعه عربيه نقل جايه من طريق القاهره قام واحد بتاع ملاكى قاطع عليه الطريق قام تفاداه و العربيه طارت على جمب الطريق و اتقلبت وكان منظر بشع
بتبقى ماش بس بتديه كلاكس بيوسعلك تماما و بيشورلك عدى
انا مش معاكم
احنا بنجرى بالعربيات عشان ندلع ونهيص
وهم بيجروا طول النهار عشان ياكلوا عيش

**magdawy76** · 31-01-2010 05:50 PM

بصراحة أنا اتعلمت السواقة فى الامارات وليس لدى رخصة مصرية وعمرى ماتخيلت ان النقل ممكن يكون فى حارة تانية غير اليمين ومش عارف اما ارجع باذن الله هاعمل ايه

**shaddadfalcon1** · 31-01-2010 08:35 PM

انا قليل لما بشوف سواق نقل مش كويس
بس بيتحرق دمي لما الاقي نفسي بشد قصاد عربيه بمقطوره وهو ماشي 120 علي الزراعي
وساعات بشوف منهم اللي عمال يعمل غرز ولا كانه راكب موتوسكل

بس معظم الناس دي سواقين لمده لا تقل عن 10 سنوات وبيسوقو بال10 ساعات كل يوم يعني عمرنا ماهنبقي عندنا خبرتهم
وبالنسبه للمشي في اليمين خدو الزراعي مثلا وهاتو حته ينفع يمشي فيها يمين من غير ماكل شويه يلاقي عربيه واقفه ولا واحد بيبعه حاجه ولا احد طالع بحمار من الارض اللي جنب الطريق يعني مقداموش غير النص والشمال
هيروحو فيين؟

قبل مانقول لازم يمشو في اليمين فين الطريق الأول اللي يخليهم يمشو في اليمين من غير مايوقفو ويهدو كل شويه وخصوصا ان العربيات تقيله جدا ومتعبه

بنكلم علي الطرق بره طيب هو احنا عندنا طرق زي بره؟
هو احنا بنسوق زي بره؟

عايزنهم يلتزمو باليمين طيب هو الملاكي بيلتزم بالشمال؟؟؟؟؟؟؟
معظم الملاكي بتلاقيه واخد الطريق من اليمين للشمال علي كيفه
طب اززاااااااااااااااااااااي ؟