اوبشنز مش شغالة في سي دي النيو سيراتو

**ALSHARIEF** · 28-01-2010 01:15 AM

تسلم إيديكوا يا جماعة على توضيح المعلومة ..... يظهر فعلا إن سوء الفهم كان من عندى أنا , معلش سامحونى بس أنا بتعلم من حضراتكو فعلا و ياريت متعتبروهاش هجوم منى على العربية لأن ربنا وحده إللى يعلم أنا بحب العربية قد إيه و معلش أنا بدقق فى كل حاجة اليومين دول أنى على وشك شراء هذه التحفة الجديدة .......... جزاكم الله خيرا و أسف مرة أخرى على سوء الفهم

**yoko** · 28-01-2010 01:16 AM

هو بيبقى شغال ومش هتحس بيه وهو بيعلي الصوت يا نورمال بس الرقم الي إنت ظابط الصوت عليه زي ما هو يعني كأنه بيضرب في نسبه على حسب السرعة

**NoRmAl** · 28-01-2010 01:18 AM

المشاركة الأصلية كتبت بواسطة yoko

هو بيبقى شغال ومش هتحس بيه وهو بيعلي الصوت يا نورمال بس الرقم الي إنت ظابط الصوت عليه زي ما هو يعني كأنه بيضرب في نسبه على حسب السرعة

كلام سليم جدا
ودا الى كنت عايز أقوله بس مش عارف
تمام يا أحمد

**yoko** · 28-01-2010 01:22 AM

العفوا وده من بعض ما عندكم

**xShadow** · 29-01-2010 02:26 AM

أنا عندي نفس الموضوع بس أنا حاسس إن ال-SDVC دة مش شغال خالص، لأني مرة جربت أوطي الصوت أوي، و بعدين إتحركت و مشيت على سرعة عالية و مفيش أي حاجة اتغيرت فالصوت ولا فال-volume فاستغربت .. و الله أعلم

**sherif2net** · 29-01-2010 11:04 PM

بخصوص موضوع السكرولنج, لو افترضنا ان اسم الغنية مثلا "عمرو دياب - الليلا دي", بيظهر غلى الشاشة "عمرو ديا" و بعد كده ينط فجأة على "ب - الليلا دي", من غير سكرولنج يعني, وده مبيتغيرش لو انا شغلته او طفيته.

انا جربت طفيت السكرولينج لقيت أسم الاغنية الكبير بيلف زى المثال بالظبط بس مرة واحدة بس اول ما أغنية جديدة تبدأ.
ولكن لما السكرولينج بيكون on بيفضل أسم الأغنية يلف طول ما الأغنية شغالة.