العربيات اللينيا المتوافرة

**kikooooo** · 11-02-2010 12:20 AM

وتوجد لينيا عادة باكدج1 مستعملة فى فرع يوسف عباس (العربية ماشية 8000 كيلو وبحالتها

هى العربية دى لسه موجودة ولا اتباعت ؟
وهى تربو باكدج 1 ولا موتور عادى..ولونها ايه؟؟
وياريت يا استاذ damasry لو فى لسه عربيات لينيا جديدة موجودة تقول..اصل الواحد هيندم اووى لو اشترى اى عربية غير اللينيا فى الفترة دى :(

**damasry** · 11-02-2010 12:31 AM

المشاركة الأصلية كتبت بواسطة kikooooo

هى العربية دى لسه موجودة ولا اتباعت ؟
وهى تربو باكدج 1 ولا موتور عادى..ولونها ايه؟؟
وياريت يا استاذ damasry لو فى لسه عربيات لينيا جديدة موجودة تقول..اصل الواحد هيندم اووى لو اشترى اى عربية غير اللينيا فى الفترة دى :(

العربية لسه موجودة وهى باكدج 1 عادة مش تربو

ولسه فيه واحدة بسسسس لينيا باكدج 2 تربو سماوى

**damasry** · 11-02-2010 02:40 AM

المشاركة الأصلية كتبت بواسطة mmffor

انامش عارف ليه فيات محسسانا اننا في اوكازيون عمر افندى و قرب قرب يا جدع يا تلحقنا يا متلحقناش تصفيات المجموعه الشتوي و تيجي تسأل البياع يقولك لأ المقاش ده خلص و المقاس دا معندناش اللون دا منوا و مش عارف ايه. دا مفيش توكيل في الدنيا محترم او مش محترم يعمل في مريديه كده. قله ادب و عدم احترام و استهتار! ازاي موديلات 2010 منزلتش لحد دلوقتي وهي المفروض بتنزل من اول يوليو 2009!!! هواحنا في سنة كام دلوقتي؟! و يعني ايه موديل مش موجود و لون مش موجود و مقاس مش موجود! و لا تعليق و أنا ااسف لكل محبي فيات الجديد

براحة بس شوية حضرتك من غير غلط فى حد

مين قال ان مافيش موديلات 2010؟؟؟؟؟ سيادتك التوكيل نزل موديلات 2010 من كل الموديلات ماعدا اللينيا وكلها خلصت وفيه دفعات تانية تم التعاقد عليها عشان الدفعات اللى كانت موجودة كلها خلصت قبل الميعاد المتوقع ليها.

براحة كده شوية وبلاش الاسلوب الهجومى ده من غير دليل على كلامك.

على فكرة فيات التوكيل الوحيد اللى نزل ال2010 بنفس سعر ال2009 مش زى باقى التوكيلات

**ahmad--ezzat** · 11-02-2010 02:51 AM

المشاركة الأصلية كتبت بواسطة damasry

براحة كده شوية وبلاش الاسلوب الهجومى ده من غير دليل على كلامك.

على فكرة فيات التوكيل الوحيد اللى نزل ال2010 بنفس سعر ال2009 مش زى باقى التوكيلات

مش هجومى ولا حاجه ياباشا...هو الموضوع كله اننا بنزعل على العربيات دى انها مش واخده حقها....
وحضرتك تفتكر سعر ال 2010 نفس سعر 2009 ليه...مهو عشان لو رفعوا السعر محدش هيشترى فيات اصلا اكتر ما الناس سايباها...مش جدعنه من الوكيل ولا غيره

**damasry** · 11-02-2010 03:02 AM

المشاركة الأصلية كتبت بواسطة ahmed20_08nubira

+111111111111111
كلام مظبوط 100 فى 100
انا كنت هشترى فيات جديده ودوخت السبع دوخات على لون نبيتى للسينا قلك مفيش وهيجى كمان 5 شهور...كنت هجيب فيات باليو 2008 قالو مش موجود واصبر شويه...تعبت وزهقت من الماركه وقلت والله منا جايب فيات...

الطريقه اللى بيتعاملو بيها فعلا بتخلى العملاء تزهق وتبعد عن الماركه...عشان كده اللينيا مش منتشره انتشار السيراتو والالنترا....ياريت فعلا التوكيل يهتم شويه وينزل عربيات بجد وكفايا بقا زهقنا من الهيونداى والشيفوليه والدايو....انهرده الواحد بينزل شرين كار ياعالم هتلاقى اللى انته عايزه من ماركه فيات ولا لا...يارب الامور تبقى افضل

والله يا باشا انا شايف فى كلامك غيرة وحب للماركة دى، زى الاب اللى ممكن يقسى على ابنه عشان بيحبه لكن المشاركة اللي فاتت حسيت فيها كره للتوكيل بدون اسباب.

باشا التوكيل مش معقولة مرة واحدة ينزل عربيات كتيرة وهو ماكنش بيبيع عربيات كتير، بس بعد سياسة التسعير الجديدة من التوكيل العربيات ابتدت تنتشر جامد لدرجة ان كل العربيات خلصت من كل فروع التوكيل وفيه عربيات جديدة تم التعاقد عليها وسيتم وصولها فى شهر مارس (ماتنساش كيا والتسليم بعد 5 شهور)

تجربتك مع التوكيل فى 2008 مختلغة عن الوضع دلوقتى عشان التوكيل اتغير والطلب على العربيات زاد.

**damasry** · 11-02-2010 03:05 AM

المشاركة الأصلية كتبت بواسطة ahmed20_08nubira

مش هجومى ولا حاجه ياباشا...هو الموضوع كله اننا بنزعل على العربيات دى انها مش واخده حقها....
وحضرتك تفتكر سعر ال 2010 نفس سعر 2009 ليه...مهو عشان لو رفعوا السعر محدش هيشترى فيات اصلا اكتر ما الناس سايباها...مش جدعنه من الوكيل ولا غيره

مين قالك ان العربيات ماحدش بيشتريها؟؟؟ اومال خلصت ازاى دفعات 2010؟؟؟ وعلى فكرة فيه دلوقتى الجراند والبونتو الدفعة التانية من ال2010

ان التوكيل يبيع 2010 بسعر 2009 ده ذكاء تسويقى وبصراحة ماشفتش توكيل بيقلل سعر عربيتاته بالشكل ده، سواء عربيات بتبيع او لا، غير فيات.