فيم عربيتك وركب زينون وعلق اللى عايزه فى المراية ولو حد كلمك قوله .. روح أقرأ القانون

السلام عليكم ورحمة الله وبركاته

أنا هتكلم بهدوء شديد .. أحتمال أكون على خطأ .. وأحتمال أكون على صواب
وأرجو .. إذا كنت مخطأ .. أن يتم الرد على مشاركتى بالمنطق والإثبات
وياريت لو فى حد من الأعضاء محامى .. يقولنا رأيه فى الكلام ده

أنا بقول أن الفاميه .. الستائر .. الزينون .. تعليق أى شئ فى مراية السيارة .. وتركيب أى جهاز على تابلوه السيارة من الداخل
غير مخالف بالمرة !!

ولو حد وقفك وعايز يعطيك مخالفة .. ترد عليه وتقوله :
حضرتك ، اللى بتعمله ده غير قانوني .. ومخالف لقانون المرور

يمكن البعض مستغرب من كلامى

لكن .. فى قانون المرور بالكامل .. من أوله لأخره .. لا يوجد ذكر لشئ بخصوص أن هذه الأمور مخالفة

المادة 74 بند 10 بتقول

اقتباس:

---

لا يجوز إضافة ملصقات أو معلقات أو وضع أى كتابة أو رسم أو أية رموز أو أية بيانات أخرى غير تلك الواجبة بحكم القانون واللوائح على جسم المركبة أو أى جزء من أجزائها أو لوحاتها المعدنية .

---

تفسير المادة بيقول

جسم السيارة من الخارج .. وليس الداخل
أى حاجة تعملها داخل سيارتك .. أنت حر فيها
وأحنا بنركب الفاميه على الزجاج من الداخل .. وليس من الخارج .. فلما يقولك ده ملصقات .. قوله ده من داخل العربية حضرتك

ونفس الكلام على الستائر .. والسبحة .. والمعطر .. إلخ وأى شئ بيتم تعليقه فى المراية

أى شئ داخل السيارة .. ظابط المرور ملوش دعوة بيه .. إلا لما يكون ظابط مباحث معاه إذن تفتيش لسيارتك .. والإذن يكون مكتوب فيه أسمك ومحدد فيه الفترة الزمنية كمان

وده ملوش علاقة باللى أحنا بنتكلم فيه

بالنسبة للزينون

القانون بيقول فى المادة 69

اقتباس:

---

لا يجوز تركيب أجهزة تنبيه أو مصابيح بالمركبة بالمخالفة لأحكام هذا القانون أو القرارات المنفذة له ، كما لا يجوز تركيب سيرينة هوائية أو ما يماثلها من أجهزة وإلا جاز فى جميع هذه الأحوال ضبطها والحكم بمصادرتها

---

مادة 72 مكرر : البند ب رقم 2

اقتباس:

---

إستعمال الأنوار العالية المبهرة للبصر والمصابيح الكاشفة على وجه مخالف للمقرر فى شأن إستعمالها

---

تفسير المادة بيقول

المقصود بالمصابيح فى المادة 69 .. تركيب مصابيح (كشافات) بخلاف المصابيح الأساسية للسيارة
ودى بنشوفها فى سيارات النقل الثقيل .. وكمان بعض السيارات بتركب كشاف من الخلف ينور جامد لما يدوس فرامل .. وبعض الناس بتركب مصابيح شبورة وسيارتهم ليست مجهزة أساساً بتلك المصابيح .. ألخ

يعنى الكلام ملوش علاقة باللمض اللى بنركبها .. ولا بالجهاز

ولكن بيكون لها علاقة بالزينون أمتى؟

لما نستخدمه فى غير محله
يعنى ماشى فى وسط مدينة .. ومشغل الزينون .. ساعتها هتكون مخالف

لكن لو مسافر على طريق .. من حقك تشغله عادى
(مع تحفظى على الزينون .. مش بحبه خالص)

معلش طولت عليكم .. لكن هقولكم على موقفين

واحد منهم حصل معايا .. وكنت حكيته فى رد على أحد الأخوة الأعضاء فى توبيك فى قسم الكماليات

اقتباس:

---

المشاركة الأصلية كتبت بواسطة dr_emad

على فكرة الستاير معلهاش مخالفة والدليل

أولا مش مذكور حاجة عنها فى القانون
ثانيا كان فى لقاء بمدير أمن القاهرة فى برنامج البيت بيتك .. وكان فى سؤال عنها وقال .. ليست مخالفة
ثالثا .. انا كنت مركب ستائر على البابين الخلفيين والبربريز الخلفى .. ودخلت على لجنة مرورية .. وأمين الشرطة طلب الرخص .. وقالى أركن على جنب
ركنت ونزلت للظابط .. قالى الستاير .. رديت وقلت له الستائر غير مخالفة وغير مذكورة بالقانون
رد عليا .. وقالى أصل فى ناس بتستخدمها أستخدام خاطئ .. قلت له .. انا مليش دعوة بالناس
أعطانى الرخص من غير أى مخالفات .. ومشيت

---

الموقف التاني حصل مع صديق لى .. وأنا كنت راكب جنبه

ظابط وقفنا فى لجنة مرورية .. ودار الحوار التالى :

الظابط : الرخص لو سمحت
صديقى : أتفضل
الظابط : مخالفة معلقات
صديقى : معلقات إيه حضرتك ؟
الظابط : السبحة اللى أنت معلقها فى المراية
صديقى : المعلقات الموجودة فى القانون تقصد المعلقة من خارج السيارة وليس داخلها
الظابط : لأ .. دى تعتبر معلقات .. وهعمل مخالفة
صديقى : أعمل مخالفتك .. بس أنا عايز أروح القسم .. علشان ده مش قانونى

الظابط بص لنا شوية .. وقالنا : طيب .. أتفضلوا الرخص .. ومخدناش أى مخالفات

والله الموقفين حصلوا

يا رات اي حد عنده خبره قانونيه يفسر.....

هما بتكلموا في الفاميه و الستاير ليه ؟
عشان محدش يستخبي في العربيه
زي مثلا حد هارب من وجه العداله
او بنت من اياهم
ده رأيي في تدقيقهم علي الفاميه و الستاير
اما الزينون بتكلموا فيه عشان بيعمي الناس
و ممكن تحصل حوادث بسببه
عشان كده بيدققوا فيه

متابع بإهتمام

ابسط حاجه
هيقولك ادفع واشتكي

مكتوب فى كلامك اللى انت مقتبسه , استعمال الانوار العالية المبهرة مش ده الزينون برده !!

تفسير المادة عن كلمة المصابيح انما الانوار العالية مش محتاجة تفسير علشان كدا مش مكتوب ..

اقتباس:

---

المشاركة الأصلية كتبت بواسطة romeo_6887

هما بتكلموا في الفاميه و الستاير ليه ؟
عشان محدش يستخبي في العربيه
زي مثلا حد هارب من وجه العداله
او بنت من اياهم
ده رأيي في تدقيقهم علي الفاميه و الستاير
اما الزينون بتكلموا فيه عشان بيعمي الناس
و ممكن تحصل حوادث بسببه
عشان كده بيدققوا فيه

---

أنا مع حضرتك فى كل اللى بتقوله
لكن أرجع وأسأل تانى .. هل هو قانونى ؟

اقتباس:

---

المشاركة الأصلية كتبت بواسطة hema_lancer

ابسط حاجه
هيقولك ادفع واشتكي

---

ما هو لو طلع أن الحاجات دى قانونية
مش هدفع
أولا هخليه ياخد الرخص
ثانيا هطلع على أقرب قسم وأعمل محضر فى الظابط .. بأنه عمل معايا حاجة غير قانونية
ثالثا هروح لوكيل النيابة .. وأخليه يطبق القانون

اقتباس:

---

المشاركة الأصلية كتبت بواسطة terrible_darsh

مكتوب فى كلامك اللى انت مقتبسه , استعمال الانوار العالية المبهرة مش ده الزينون برده !!

تفسير المادة عن كلمة المصابيح انما الانوار العالية مش محتاجة تفسير علشان كدا مش مكتوب ..

---

تمام
بس كمل الجملة بقى

اقتباس:

---

على وجه مخالف للمقرر فى شأن إستعمالها

---

كده يبقى فى وجه غير مخالف لاستعمالها .. صح ؟

اقتباس:

---

المشاركة الأصلية كتبت بواسطة dr_emad

تمام
بس كمل الجملة بقى

كده يبقى فى وجه غير مخالف لاستعمالها .. صح ؟

---

حضرتك مش واخد بالك ..

هو هنا يقصد النور العالى بتاع العربية مش الزينون , يعنى استخدام النور العالى بتاع العربية فى الاوقات اللازمة لانه بياذى اى حد ..

اقتباس:

---

المشاركة الأصلية كتبت بواسطة terrible_darsh

حضرتك مش واخد بالك ..

هو هنا يقصد النور العالى بتاع العربية مش الزينون , يعنى استخدام النور العالى بتاع العربية فى الاوقات اللازمة لانه بياذى اى حد ..

---

على فكرة .. انا مش بعترض لمجرد الإعتراض
أنا كل الحكاية عايز أفهم

بفرض أنه يقصد فى المادة .. نور العربية العالى .. او يقصد نور جهاز الزينون
هو بيقول .. متستخدمش النور المبهر فى غير محله
يبقى أكيد ممكن أستخدمه فى محل آخر !!

أنا سؤالى : هل تركيب الزينون قانونى .. ولا لأ .. ولو مش قانونى .. إيه الإثبات ؟

تحياتى لحضرتك ولكل الأخوة الكرام

إيه دا انا اول مرة اعرف انهم بيوقفوا لو معلق حاجة فى المراية !!
طب انا معلق سبحة دى إيه ضررها إن شاء الله فى نظرهم ؟!

ولو شارع الإضاءة فيه خافتة ومشغل انوار الضباب بدل النور العالى عشان اهدا من النور العالى شوية كدا ممكن اتاخد مخالفة ؟

وشكرا يا دكتور على التوضيح :)

موضوع جميل ومتابع باهتمام بس اظن فى الاول والاخر التفييم اتحل مشكلتة بالستائر الكبس والزينون باللمض الهالوجين كرالى مثلا الاهم بقى يطبقوا القانون على اللى مبيربطش حزام واللى فوانيس عربية مش شغالة واللى مشغل الزينون يعمى الناس واللى ماشى عامل العربية ملاهى ومعلى الصوت على الاخر واللى حاطط نمر مخالفة زى ملاكى الزهور ويثرب واللى عربية ماشية زى المرجيحة وبايظة وطالع عينها وكثيرة العطلة كل الحجات دة لازم يكون ليها رادع والاهم من دة كلة تطبيق القانون على الكل مش اللى ممعهوش واسطة او سلطة

اقتباس:

---

المشاركة الأصلية كتبت بواسطة dr_emad

على فكرة .. انا مش بعترض لمجرد الإعتراض
أنا كل الحكاية عايز أفهم

بفرض أنه يقصد فى المادة .. نور العربية العالى .. او يقصد نور جهاز الزينون
هو بيقول .. متستخدمش النور المبهر فى غير محله
يبقى أكيد ممكن أستخدمه فى محل آخر !!

أنا سؤالى : هل تركيب الزينون قانونى .. ولا لأ .. ولو مش قانونى .. إيه الإثبات ؟

تحياتى لحضرتك ولكل الأخوة الكرام

---

اللى يقصده , انك متستعملش انوار مبهرة زائدة عن العربية + انك لما تستعمل النور العالى بتاع العربية اصلا يبقي فى الاوقات اللازمة فقط لانه كما قلت مأذى جدا .

يعنى لو انت حتى مركب نور الفريكة ، بس مشغل العالى جوة البلد، حقه يخدك مخالفة

يبقى المشكلة مش فى الزينون كا زينون، المشكلة فى انك مولع النور العالى جوة البلد ولا لأ

صح ولا انا فاهم غلط؟

متابع بأهتمام

اقتباس:

---

المشاركة الأصلية كتبت بواسطة mohamed.mostafa

موضوع جميل ومتابع باهتمام بس اظن فى الاول والاخر التفييم اتحل مشكلتة بالستائر الكبس والزينون باللمض الهالوجين كرالى مثلا الاهم بقى يطبقوا القانون على اللى مبيربطش حزام واللى فوانيس عربية مش شغالة واللى مشغل الزينون يعمى الناس واللى ماشى عامل العربية ملاهى ومعلى الصوت على الاخر واللى حاطط نمر مخالفة زى ملاكى الزهور ويثرب واللى عربية ماشية زى المرجيحة وبايظة وطالع عينها وكثيرة العطلة كل الحجات دة لازم يكون ليها رادع والاهم من دة كلة تطبيق القانون على الكل مش اللى ممعهوش واسطة او سلطة

---

+111111111111111111

الل أعرفه انه طالما مش مثبت فى الرخصه يبقى مخالف
الفاميه لو العربيه نازله بيه بيتثبت فى الرخصه ومحدش يقدر يكلمك
الزينون برضو نفس الموضوع ( بس الزينون الل بيكون نازل فى العربيه بيكون على لينس -عدسه- علشان ميشتتش الضوء وميأذيش الل جاى قدامك )
لو داخل اللجنه ومفيم وقايد الزينون وقالك هعملك مخالفه وانته قلتله ده مش قانون وانا هشتكي هيقولك اشتكي وهيخليك تعمل فحص كمان
فبلاش احسن

متابع باهتمام موضوع مهم جدا

للأسف كلامك صح وفعلا اللي بيحصل غير قانوني

احنا محتاجين حد يكون دارس قانون ويكون ملم بقوانين المرور ويفصلنا حته حته فيه علشان نعرف فين راسنا من رجلينا في البلد دي
وبالنسبه لحكايه الفاميه
من وجهه نظري الشخصيه انو المفروض لو اللون خفيف يعني مثلا 01 او الفلم العازل المفروض يكون مفيش فيه مشكله لانه لا يحجب الرؤيه وبيقلل من الاشعه الضاره ودرجه الحراره وبالنسبه للفاميه الغامق فا دا معيق للرؤيه ازاي الي مركبه هيشوف بليل دا لو شاف كويس الصبح اساسا؟؟

اقتباس:

---

المشاركة الأصلية كتبت بواسطة dr_emad

المادة 74 بند 10 بتقول
تفسير المادة بيقول

جسم السيارة من الخارج .. وليس الداخل
أى حاجة تعملها داخل سيارتك .. أنت حر فيها
وأحنا بنركب الفاميه على الزجاج من الداخل .. وليس من الخارج .. فلما يقولك ده ملصقات .. قوله ده من داخل العربية حضرتك
ا

---

المادة بتقول واي جزء من أجزائها ومتهيالي دي تشمل داخل وخارج العربية يعني ممنوع تعلق حاجة على جسم العربية من الخارج او من الداخل لان اي جزء من اجزائها تشمل الداخل والخارج

حضرتك تحتاج تقع فى لجنة فيها ضابط قراي القانون كويس ومش ناوي يرخم

للاسف كل اللجان غرضها واحد وهو البزنزه.......
وليس تطبيق قانون .......زالقانون يمشي على الكل بس ده بيمشي ويطبق في بلاد الواك واك ......

اقتباس:

---

المشاركة الأصلية كتبت بواسطة د.محمود صلاح

حضرتك تحتاج تقع فى لجنة فيها ضابط قراي القانون كويس ومش ناوي يرخم

---

بالضبط
وبالنسبه للفاميه و الزينون انا شايف ان حتي لو دول مش بيخالفوا القانون إلا أنهم غلط

اقتباس:

---

المشاركة الأصلية كتبت بواسطة dr_emad

وياريت لو فى حد من الأعضاء محامى .. يقولنا رأيه فى الكلام ده

أنا بقول أن الفاميه .. الستائر .. الزينون .. تعليق أى شئ فى مراية السيارة .. وتركيب أى جهاز على تابلوه السيارة من الداخل
غير مخالف بالمرة !!

---

الموضوع ده البحث فيه انتهى من زمان وأنا محامى وبقولك على الصح عشان الناس متتسوحش وتصدق وتاخد مخالفات للصبح الفاميه والزينون طلما غير مثبتين في شهادة بيانات السيارة وهى زيرو (بمعنى تكون نزله بيهم من المصنع) تبقى مخالفة على طول وبعدين أنت على اى اساس فسرت مادة الملصقات على انها الجزء الخارجى فقط!! ومش على انها جميع اجزاء السيارة الداخلية والخارجية؟ ولو على كلامك انى حر في اى حاجه اعملها داخل سيارتي يبقى من المنطقي انى أولع وأشرب سيجارة حشيش أو أعمل فعل فاضح مع فتاة ولما الباشا يمسكني متلبس هقولة لالا طلما انا جو العربية ملكش حاجة عندى وأنا حر والقانون بيقول كذا طبعاً مع احترامي الكامل ليك الكلام ده غير منطقي بالمرة وعارى من الصحة تماماً، انما في حالة التجاوز من قبل الضابط وحب يفتش عربيتك وأصر على التفتيش من غير مايكون في حالة من التلبس بجريمة عقوبتها الحبس أو بدون اذن من النيابة العامة في الحالة دى أقدر أقولك انزل امسك فيه وتخانق معه وأنت مطمن وتطلب النجدة كمان وتعمل محضر إثبات حالة بالكلام ده أرجوا تكون الصورة وضحت ولو في عندك اى استفسار او نقاش انا معك تقبل تحياتي

للأسف كلامك صح وفعلا اللي بيحصل غير قانوني

اقتباس:

---

المشاركة الأصلية كتبت بواسطة m_nabil

الموضوع ده البحث فيه انتهى من زمان وأنا محامى وبقولك على الصح عشان الناس متتسوحش وتصدق وتاخد مخالفات للصبح الفاميه والزينون طلما غير مثبتين في شهادة بيانات السيارة وهى زيرو (بمعنى تكون نزله بيهم من المصنع) تبقى مخالفة على طول وبعدين أنت على اى اساس فسرت مادة الملصقات على انها الجزء الخارجى فقط!! ومش على انها جميع اجزاء السيارة الداخلية والخارجية؟ ولو على كلامك انى حر في اى حاجه اعملها داخل سيارتي يبقى من المنطقي انى أولع وأشرب سيجارة حشيش أو أعمل فعل فاضح مع فتاة ولما الباشا يمسكني متلبس هقولة لالا طلما انا جو العربية ملكش حاجة عندى وأنا حر والقانون بيقول كذا طبعاً مع احترامي الكامل ليك الكلام ده غير منطقي بالمرة وعارى من الصحة تماماً، انما في حالة التجاوز من قبل الضابط وحب يفتش عربيتك وأصر على التفتيش من غير مايكون في حالة من التلبس بجريمة عقوبتها الحبس أو بدون اذن من النيابة العامة في الحالة دى أقدر أقولك انزل امسك فيه وتخانق معه وأنت مطمن وتطلب النجدة كمان وتعمل محضر إثبات حالة بالكلام ده أرجوا تكون الصورة وضحت ولو في عندك اى استفسار او نقاش انا معك تقبل تحياتي

---

طب ممكن توضحلنا التجاوزات اللى بتحصل فى اى كمين
وكيفية الرد عليها قانونياً

:049: :049: جالك يوم يا مفترى :049: :049:

اقتباس:

---

المشاركة الأصلية كتبت بواسطة zaza_lanos

طب ممكن توضحلنا التجاوزات اللى بتحصل فى اى كمين

وكيفية الرد عليها قانونياً

---

ياريت بجد وهل البوس ممنوع:ma(36): ؟؟؟؟؟؟:C_laugh[1]::C_laugh[1]::ma::ma:

اقتباس:

---

المشاركة الأصلية كتبت بواسطة m_nabil

الموضوع ده البحث فيه انتهى من زمان وأنا محامى وبقولك على الصح عشان الناس متتسوحش وتصدق وتاخد مخالفات للصبح الفاميه والزينون طلما غير مثبتين في شهادة بيانات السيارة وهى زيرو (بمعنى تكون نزله بيهم من المصنع) تبقى مخالفة على طول وبعدين أنت على اى اساس فسرت مادة الملصقات على انها الجزء الخارجى فقط!! ومش على انها جميع اجزاء السيارة الداخلية والخارجية؟ ولو على كلامك انى حر في اى حاجه اعملها داخل سيارتي يبقى من المنطقي انى أولع وأشرب سيجارة حشيش أو أعمل فعل فاضح مع فتاة ولما الباشا يمسكني متلبس هقولة لالا طلما انا جو العربية ملكش حاجة عندى وأنا حر والقانون بيقول كذا طبعاً مع احترامي الكامل ليك الكلام ده غير منطقي بالمرة وعارى من الصحة تماماً، انما في حالة التجاوز من قبل الضابط وحب يفتش عربيتك وأصر على التفتيش من غير مايكون في حالة من التلبس بجريمة عقوبتها الحبس أو بدون اذن من النيابة العامة في الحالة دى أقدر أقولك انزل امسك فيه وتخانق معه وأنت مطمن وتطلب النجدة كمان وتعمل محضر إثبات حالة بالكلام ده أرجوا تكون الصورة وضحت ولو في عندك اى استفسار او نقاش انا معك تقبل تحياتي

---

معلش سؤال صغير كدة
يعنى الكماين الثابتة اللى بتبقى على مدخل المحافظات لما يجى يقولى اركن علشان التفتيش اسألة على اذن النيابة؟ ولا اية

متابع باهتمام بالغ

اقتباس:

---

المشاركة الأصلية كتبت بواسطة AirForces

إيه دا انا اول مرة اعرف انهم بيوقفوا لو معلق حاجة فى المراية !!
طب انا معلق سبحة دى إيه ضررها إن شاء الله فى نظرهم ؟!

ولو شارع الإضاءة فيه خافتة ومشغل انوار الضباب بدل النور العالى عشان اهدا من النور العالى شوية كدا ممكن اتاخد مخالفة ؟

وشكرا يا دكتور على التوضيح :)

---

..أنا في واحد قال لي إن السبحة والحاجات اللي ليها خلفية دينية دي ممكن تتاخد عليها مخالفة ..عشان لو في فتنة طائفية أو حاجة متبقاش العربية متعلمة..إن دي عربية تبع مسلم مثلا أو مسيحي وتتكسر وكده..
بنسبة للفوج لايت..بلاش يا جماعة لانه بيعمي وسخيف..مادام مفيش ضباب ليه تشغله..
يعني هو اسمه ضباب ..يعني يشتغل وقت الضباب..ده النور الواحد اللي بيبان ساعتها..تخيل لو إنت مشغله في قفا اللي أدامك..بجد حركة مش تمام يا AIR FORCES :dzey::Oc_sun1[1]::Oc_sun1[1]:

اقتباس:

---

المشاركة الأصلية كتبت بواسطة ahmedsamir79

بالضبط
وبالنسبه للفاميه و الزينون انا شايف ان حتي لو دول مش بيخالفوا القانون إلا أنهم غلط

---

بس الفامية فى الصيف بيبقى مهم برضوة .....
لكن مش السوبر دارك
انا قصدى على اخف درجة زيرو زيرو او زيرو واحد ....
وفى دول كتير حتى اوروبية بيسمحوا بالفامية للقزاز الخلفى فقط (اللى هو البابين اللى ورا والقزاز الخلفى)
لكن هنا لا امامى ولا خلفى ولا غيرة
فقط هيئة قضائية او وكيل نيابة او مجلس شعب او شورى

أنا بأتفق معاك يا دكتور عماد في أن هناك بعض المخالفات غير قانونية و لكن لي تعليق علي نقطتين في غايةالاهمية :

أولا .. بالنسبة للنور العالي داخل المدن :
عندما تكون الشوارع غير ممهدة , و الاضاءة منعدمة و الامثلة كثير (زهراء مدينة نصر - التجمع الاول و الخامس - ....) ففي هذه الحالة تجد نفسك مضطرا لاستخدام النور العالي لتفادي المطبات و الحفر و البلاعات و الاهم و الاخطر المشاة الذين يعبرون الطريق وسط هذا الظلام كي تراهم و لا تصطدم بهم

ثانيا .. الستائر و خاصة الخلفية :
طبعا انا ضد الستائر تماما و لكني مضطر لأستخدامها لسببين :
1- حماية السماعات الخلفية من أشعة الشمس
2- تقليل الضرر من النور العالي من السيارات التي بالخلف
و مع ذلك تحريت في الاختيار نوع من الستائر المتحركة و التي لاتحجب الرؤية بالكامل

من كلامي نخلص الي أنه لو ألتزمت الحكومة بالاهتمام بالطرق و المحافظة عليها سليمة من المطبات و الحفر و البلاعات و وفرت انارة جيدة داخل المدن و خارجها ووفرت كباري او انفاق للمشاة لما اصبح هناك داعي من أساسه لأستخدام النور العالي و لا الستائر كما ان هناك نقطة مهمة جدا ألا و هي , أننا بذلك سنوفر ملايين الجنيهات ننفقها علي الاكسسوارات مثل (الزينون - كتاوت التقوية - الستائر) عندما نهتم بالطرق علي النحو الذي ذكرته لكننا بالوضع الحالي ننفق أضعافا مضاعفة

و تقبلوا جميعا فائق أحترامي
م/ سمير الشهاوي

اقتباس:

---

المشاركة الأصلية كتبت بواسطة mnbahr

يعني هو اسمه ضباب ..يعني يشتغل وقت الضباب..ده النور الواحد اللي بيبان ساعتها..تخيل لو إنت مشغله في قفا اللي أدامك..بجد حركة مش تمام يا air forces :dzey::oc_sun1[1]::oc_sun1[1]:

---

لعلمك ولا بيعمل أى حاجة فى الضباب اسم وخلاص وكمان ده أنا مركبه عشان ماعميش اللى قدامى وامشى فى الشواع الداخلية براحتى وكمان هيعمى إزاى وهو تحت إمال ده لو يعمى يبقى الكبير الرئيسى ايه ويا فرحتى لما اقفل النور والبس بلاعة ولا حفرة ومفيش أكتر منهم أعمل ايه ساعتها

اقتباس:

---

المشاركة الأصلية كتبت بواسطة shouk_1987

لعلمك ولا بيعمل أى حاجة فى الضباب اسم وخلاص وكمان ده أنا مركبه عشان ماعميش اللى قدامى وامشى فى الشواع الداخلية براحتى وكمان هيعمى إزاى وهو تحت إمال ده لو يعمى يبقى الكبير الرئيسى ايه ويا فرحتى لما اقفل النور والبس بلاعة ولا حفرة ومفيش أكتر منهم أعمل ايه ساعتها

---

سيبك من حاجات اللي احنا بنركبها دي أنا بتكلم على بينزل فبريكة بجد بيعمي:stink[1]:

اقتباس:

---

المشاركة الأصلية كتبت بواسطة shouk_1987

لعلمك ولا بيعمل أى حاجة فى الضباب اسم وخلاص وكمان ده أنا مركبه عشان ماعميش اللى قدامى وامشى فى الشواع الداخلية براحتى وكمان هيعمى إزاى وهو تحت إمال ده لو يعمى يبقى الكبير الرئيسى ايه ويا فرحتى لما اقفل النور والبس بلاعة ولا حفرة ومفيش أكتر منهم أعمل ايه ساعتها

---

كلامك مظبوط

النور الشبورة دة ميسواش ربع النور الواطي او العالي بتاع الفوانيس الكبيرة وبحترم الي بيشغله خوف علي ايذاء المقابل في الطريق وبعدها يشغل العادي انا نفسي كنت بعمل كدة وعلي طرق سفر مظلمة
لان كدة كدة المقابل بينور الطريق فبكتفي بنور شبورة بس عشان يشوفني وبعد مااعديه بفتح النور الكبير تاني واكمل طريقي ....

اقتباس:

---

المشاركة الأصلية كتبت بواسطة MNBahr

سيبك من حاجات اللي احنا بنركبها دي أنا بتكلم على بينزل فبريكة بجد بيعمي:stink[1]:

---

لأ انا عندى مش عالى لدرجة العمى بقولك بشغله عشان اوطى من النور العالى بحيث انه ينور قدامى وميعميش لو حد جاى فى وشى وبشغله فى اسوء الظروف لو الشارع ضلمة
بس لو ممكن اتاخد مخالفة عليه خلاص بلاها وخلينا فى النور الواطى بس ما اتاخدش بقا مخالفة تعطيل طريق عشان ماشى بالراحة :dzey:
دا زى اللى انت قصدك عليه ؟
http://www.showketdesign.com/auto/ar...ghts%20006.jpg

انا اللى عندى زى كدا بس على اصفر
http://www.umnitza.com/albums/hidins...hid2.sized.jpg

كلام حضرتك ما شاء الله منظم جدا ومضبوط وانا شخصيا مقتنع بيه جدا جدا

اقتباس:

---

المشاركة الأصلية كتبت بواسطة AirForces

لأ انا عندى مش عالى لدرجة العمى بقولك بشغله عشان اوطى من النور العالى بحيث انه ينور قدامى وميعميش لو حد جاى فى وشى وبشغله فى اسوء الظروف لو الشارع ضلمة
بس لو ممكن اتاخد مخالفة عليه خلاص بلاها وخلينا فى النور الواطى بس ما اتاخدش بقا مخالفة تعطيل طريق عشان ماشى بالراحة :dzey:
دا زى اللى انت قصدك عليه ؟
http://www.showketdesign.com/auto/ar...ghts%20006.jpg

انا اللى عندى زى كدا بس على اصفر
http://www.umnitza.com/albums/hidins...hid2.sized.jpg

---

أيوه أنا قصدي على اللي في أول صورة ده بجد حرام :stink[1]:

اقتباس:

---

المشاركة الأصلية كتبت بواسطة zaza_lanos

طب ممكن توضحلنا التجاوزات اللى بتحصل فى اى كمين

وكيفية الرد عليها قانونياً

:049: :049: جالك يوم يا مفترى :049: :049:

---

طبعاً هيا كتير بس اشهرهم موضوع تفتيش العربية و في كمان لما تكون عامل مخالفة يجوز فيها التصالح الفورى و شديت مع الامين او الضابط يقولك لأ مافيش تصالح فورى ويسحب الرخص ويديك ايصال عشان يعسفك شوية وغير لو انت ماشى سليم وهو عاوز يغلس ويخترع ويختلق اى مخالفة وخلاص فلازم انت تكون مصحصح في الحاجات اللى زى دى وتعرف تتصرف بحكمة موضوع التفتيش انا قلت عليه في المشاركة السابقة و موضوع التلكيك ده تقوله انا مش عامل مخالفة وانت بتتعسف معايا ولو اصر على تحرير مخالفة ليك يبقى تهدده بأنك هتكتب فيه شكوى وتبعتها للوزارة عشان تشوف القصة دى بس مش تكون عامل مخالفة فعلاً وتقول كدة

اقتباس:

---

المشاركة الأصلية كتبت بواسطة bmw323

ياريت بجد وهل البوس ممنوع:ma(36): ؟؟؟؟؟؟:c_laugh[1]::c_laugh[1]::ma::ma:

---

لووول ماشى ياعم طبعاً ممنوع فعل فاضح في الطريق العام لو مكنش ممنوع كنت هتلقى أزمة الاسكان أتحلت من زمان ههههه ده نص المادة

مادة 72 :
" مع عدم الإخلال بأية عقوبة اشد فى أى قانون آخر ، يعاقب بالحبس مدة لا تزيد على ستة أشهر وبغرامة لا تقل عن ثلاثمائة جنيه ولا تزيد على ألف وخمسمائة جنيه أو بإحدى هاتين العقوبتين ، كل من ضبط مرتكبا فعلا مخالفا للآداب فى المركبة ، ويعاقب قائد المركبة بذات العقوبة إذا سمح بارتكاب هذا الفعل فى المركبة.

وفى حالة العود إلى الفعل ذاته خلال سنة من تاريخ ارتكابه ، تضاعف مدة العقوبة السالبة للحرية والغرامة المالية .

اقتباس:

---

المشاركة الأصلية كتبت بواسطة eng_mostafa_89

معلش سؤال صغير كدة
يعنى الكماين الثابتة اللى بتبقى على مدخل المحافظات لما يجى يقولى اركن علشان التفتيش اسألة على اذن النيابة؟ ولا اية

---

+111
بالضبط كده انا قولت وبقول ثاني لايجوز تفتيش السيارات الملاكى غير فى حالتين فقط
1- لو تم ضبطك متلبس بجريمة عقوبتها الحبس
2- لو معهم اذن نيابة بتفتيشك