المشاركة الأصلية كتبت بواسطة mmamdouh
زمن القرائة بيبقى الزمن اللى بيفتح فيه الكونترول الرشاشات و بيتحدد حسب سرعة لفات المكنة و كمية الهوا ووضع البوابة و قراءة حساس الشكمان الخ الخ... المهم فى القصة دى ان الزمن دة بيبقى واحد للرشاشات كلها... يعنى لو جبت رشاش بتاع مكنة 2000 حطيتة وسط 3 رشاشات بتوع 1600 حتلاقى زمن الفتح قل سنة عن الطبيعى بس انت برضة حتبقى شايف زمن فتح واحد فقط
انا قصدى من اللخبطة و العك اللى قولتة فوق ان لو فيه رشاش واحد فقط سواء بيسيل او مسدود سنة حياثر على نعومة السلانسية و فى نفس الوقت ممكن تلاقى زمن الفتح مناسب... دة لان الكونترول بيحسب حسبتة على متوسط اداء البساتم الاربعة مش كل بستم لوحدة بالتالى دة اللى بيسبب البرجلة لما مكون يبقى مش مضبوط
فى الوضع الطبيعى حيبقى الاربع رشاشات بيرشوا بنزين زى بعض تمام بالتالى حسبة "المتوسط" حتبقى دقيقة... لو فيه رشاش بيرش زيادة مثلا الكونترول حياخد برضة المتوسط و الوضع النهائى حيبقى ان الرشاش دة بيرش بنزين زيادة عن اللازم حاجة بسيطة و الرشاشات التلاتة بترش بنزين اقل من اللازم حاجة بسيطة بس مجموع الاربعة على بعض بيحقق نسبة الهوا و البنزين الصح اللى هى 1:14.7
طبعا الموضوع بيبقى اسواء لو كل الرشاشات مخرفة... حتلاقى كل بستم حريقة مختلف... واحد غنى وواحد فقير وواحد ملوش مزتج يحرق و البرجلة حتبقى للركب و زمن الفتح عجيب... لكن مع رشاش واحد حتلاقى الفرق بسيط جدا ممكن يبان انه طبيعى
mmamdouh