Dremel

**FunnyMickey** · 25-02-2010 02:48 AM

المشاركة الأصلية كتبت بواسطة thefoster

السلام عليكم ورحمه الله وبركاته

اولا احب اشكر الاخ Abdelrahman.Hassan والاخ funnymickey
لمجهودهم فى البحث عن ال مينى كرفت

واحب اقول ان الفضل لله ثم ليهم انى الاقى المينى كرفت لانى كنت دايخ عليه وما كنتش لاقيه وما كنتش عارف اسمه ايه اساسا

المهم انا انهارده نزلت ولفيت شارع الجمهوريه من اوله لآخره علشان الاقى احسن سعر للمينى كرفت
وطلعت بالتالى

1: ABT Crawn وده احسن سعر لقيته كان 240 جنيه

2:INGCO وده احسن سعر ليه كان 195 جنيه

3:muller وده بقى المانى بس اللى محيرنى ان سعره ارخص من الصينى مش عارف ازاى

المهم هو عامل 140 جنيه

4:فى بقى واحد تايوانى بس مش فاكر اسمه كان ب 185 جنيه بس عيبه على رأى اخونا عبد الرحمن حسن انه (هاف اوبشن) يهنى ممعهوش ولا بنطه واحده حتى

طبعا الاسعار دى ممكن تنزل لو احنا اتجمعنا ورحنا نشترى مع بعض لاننا فى الحاله دى ها ناخد بالسعر التجارى (جمله يعنى)

فياريت يا جماعه كل اللى عايز يشترى يقوللى علشان ننسق مع بعض ونتفق على الميعاد المناسب للكل

واى استفسار انا فى الخدمه
سلام

اول حاجه مفيش بيننا شكر ولا حاجه
احنا اخوات واكتر كمان

اول حاجه مستغربلها سعر الانكو
لاني المفروض اني جايبه من واحد حبيبي لشيكو بالسعر ده

والمفروض اني مش حلاقيه بره

فمعني انك جبت السعر ده يبقي الراجل ده بيشتغلني
وليلته سوده بكره ان شاء الله

ثانيا ابعد عن الموللر عشان ده ولا الماني ولا بتاع
الكرتونه مكتوب عليها كده بس
انما هوا صيني

اللي عجبني انا وشيكو في الانكو نضافته

غير ال abt خالص

وعالعموم يارجاله اسألوا مجرب
اهو شيكو معاه الميني كرافت الانكو بقاله ييجي اسبوعين واكتر
واستعمله وهوا بيعمل الرينجات
اسألوه مين احسن

وعالعموم انا مصورلكو علبه الabt والانكو من جوه

ولو عاوزين اصورهالكو تاني مفيش مشكله

بالنسبه لقطع الغيار
عاوز افهمكو ان قطع غيار الميني كرافت اللي هيا الصواني والسنفره والكلام ده بيتباع لوحده عندنا في الشارع كتير جدا

وفيه محلات مش شغاله غير في القطع والصواني دي
وانا شخصيا اشتريت صينيه منهم وشريف اشتري بردو

اللي مش موجود المسامير نفسها
اللي بتدخل في الميني كرافت ويتثبت فيها الجزء اللي حتشتغل بيه

ودي حلها لو باظت او اتكسرت لاا قدر الله

تتخرط عند خراط

وحتتعمل احسن من الاصليه كمان

وربنا يوفقكو واي حاجه في اسئله او استفسارات من شارع الجمهوريه انا تحت امركو