اقتباس:
1-انا مغير طقم دبرياج كامل من سنة ونص
الميكانيكي بيقول الاسطوانة والديسك كويسين بس محتاج بلي ولقيت زباين عنده شافوا الاسطوانة وبيقولوا انها محتاجة تتغير لان الموتور هيبقي(شديد) عليها مين الاصح؟
اسمع كلام الميكانيكى
اقتباس:
-بالنسبة لبلية الدرك سمعت ان فيه بلية تانية علي نفس محور دورانها لازم تتغير هي كمان
اسمها ايه البلية دي؟
متشغلش بالك بداخل الفتيس
أما لو عندك مشكله فى بلية الدريك ( اللى وراء الدبرياج ) وعلى أول مدخل الفتيس
فدى تغيرها عادى فقط
اقتباس:
-طلمبة الميه هل لازم تتغير علما ان الحرارة عندي لما توصل 90 المروحة بتشتغل وما بتزيدش عن كده(حاليا في الشتا)
خللى الميكانيكى يطمن على البلى بتاعها
ويشوفها عامله صوت ولا دورانها ناعم وكويس
لو طلعت تمام فى الدوران ( ركبها تانى عادى )
اقتباس:
4-موضوع المروحة اللي بتشتغل دايركت مع الموتور من غير ترموستات نصحني بيه الميكانيكي عشان الصيف والتليين هل اعملها ولا ليها تأثير سلبي(علي البطارية مثلا)؟
حقيقى أنا لست مع هذه الفكره
وليه أجهد موتور المروحه على طول طول ما المكنه دايره
اقتباس:
وهل لازم تتشال المروحة الموجودة حاليا؟
هو مش لازم يشيلها
هو بيديها كهرباء مباشر ويلغى الثرموثتاث
وده مش صح زى ما وضحتلك
اقتباس:
5-ازاي اتاكد من كفاءة طلمبة البنزين والزيت؟
بنفس طريقة أختبار طلمبة الميه
بتدوير عمود الطلمبه لسماع أى أصوات غريبه قد تصدر عن البلى
عموما فيه أختبارات ضغوط لخرج الطلمبات
بتكون موجوده فى المعامل الهندسيه
بس كبر مع الجزئيه دى
أحنا يهمنا كفاءة البلى ( لأن ده اللى فى أيدينا )
اقتباس:
-ممكن التكلفة التقريبية للميكانيكي تكون كام؟والخراطة هل المصنعية كده معقولة ولا مبالغ فيها؟
أعتقد الميكانيكى ممكن يطلب منك 300 ج
وكده كويس لأنها عمره شامله فعلا
والخراط معقول برضه
بس خليله نص المبلغ ( لحين التأكد من كفاءة شغله )
اقتباس:
7-الكربراتير بعافية حبتين ومحتاج طقم اصلاح حسب كلام الاخ الميكانيكي وبرضه الراي السائد في نايل موتورز ان الجديد افضل بس حاليا الماديات مش ولابد فهل اسيب الكربراتير علي حاله لغاية ما يتغير ولا اصلحه؟
سيبه ياباشا
على مانطمن على كفاءة حبك غرف الحريق
بعد الأعمال الدقيقه والخراطه اللى تمت معاك
وكده كده هو فى أيدينا بعد مانجرب ونلين
يعنى خد الأمور بالترتيب
علشان ماتدوش نفسك
وربنا يسهل
لأنك فتحت ....فتحه كبيره أوى
أهم شىء دلوقتى
أنك تستلم شغل مظبوط
لأنك عملت اللى متعملش مع البلوك ( بورنج وخراطة غرف )
ومع الكرنك نفس الوضع هو والكامه ( خراطه على زيرو 20 )
أنا بصراحه يهمنى
أعمال الخراطه تبقى صح من الآخر
لأنها الأساس اللى حتبنى عليه المكنه