لأ ؟؟ هو السؤال اللى بجد ... الماتور ._واسمحوا لى _اقول العفشة
صناعة مصري فعلا ... ولا ايـــــــــــه ؟
عرض للطباعة
لأ ؟؟ هو السؤال اللى بجد ... الماتور ._واسمحوا لى _اقول العفشة
صناعة مصري فعلا ... ولا ايـــــــــــه ؟
حتى فى الدعاية بتاعتها بيقولوا : (بديل التوكتوك).
انت اكيد بتهزر
:d:d
بصراحة مع أحترامى لأرأيكم أنا غير متفق معكم وأحمل وجهة نظر مختلفة.
أنا كنت فى معرض فورميلا الاهرام والعربية دية كان فى ناس كتير مهتمة بيها وبتسأل عن أمكانيتها ومنهم أنا , فى ناس كتير ممكن ظروفهم المادية صعبة وتعبوا جدا من بهدلة المواصلات وشايفين ان العربية دية ممكن ترضى طموحتهم.
أنا عارف أن العربية دية أمكانيتها ضعيفة بس على الاقل هى أحسن بكتير من التوك توك أذا صحت المقارنة ويكف نها مصرية الصنع ودة فى حد ذاتة أنجاز طيب , ومش عيب أبدا ان تكون البداية بهذا الشكل فلعل الموديلات القادمة تكون أفضل وأحسن ان شاء الله. وأرى ايضا ان العربية دية مناسبة جدا لمحافظات الصعيد -على فكرة أنا اصلا من محافظة قنا- بدل التوك توك اللى مالى الدنيا هناك على الاقل من ناحية الشكل.
لو عدنا الى الوراء قليلا عندما بدات الصناعة الكورية والماليزية للسيارات فى محاولة" أستعطاف" السوق الأمريكى القوى ودخول عربيتها كمنافس لسيارات السوق الامريكى كانت البداية سيئة للغاية , صاحب ابويا كان فى أمريكا فى الوقت دة وكان فاللى الناس هناك كانوا بيقولوا على العربيات دية انها مجرد "Cabriolet" يعنى عربيات "حنطور" , ولكن مع الوقت أصبحت السيارات الكورية والماليزية منافس قوى وجذاب للكثير من الناس وأستطاعت شركة قوية مثل هيونداى أن تغزو أسواق عالمية كثيرة وأن تصبح منافس شرس لشركات أخرى.
أخي العزيز
menocomp
أنا متفق معك في كثير مما ذهبت إليه وأختلف معك في هذا
1- الموتور بتاع العربية دي قوته ضعيفة جدا وما يلبيش الحد الأدنى من متطلبات أي عربية
أقل عربية دلوقتي بنتكلم في الخمسين حصان فما فوق لكن أنا مش عارف إزاي عربية تمشي وتشيل أربعة ومتورها حداشر حصان
وبعدين بيقولوا أقصى سرعة ستين كيلو في الساعة
طب ليه وإزاي
ده الكلام ده وهي شايله واحد فقط طبعا لكن لو كانت محملة أربعة كانت هتبقى أقصى سرعة كام ولو مشيت بالراحة مش أقصى سرعة هتبقى كام
ده على كده اللي هيروح مشوار وسط المدينة في الصعيد - وأنا على فكره من المنيا - محتاجله نصف ساعة علبال ما يوصل طيب ما يتمشى أفضل وأسهل وأرخص
2- إحنا ممكن نبدأ من الصفر لكن ليه نبدأ من تحت الصفر
ممكن نبدأ الصعود من أول الدرج لكن مش لازم نحفر لتحت قوي أوننزل البدروم وبعدين نبدأ نحسب الصعود بتاعنا وصلنا لفين
يعني أنا شايف إن دي مش إنجاز كبير وكان من الأسهل تركيب موتور أقوى يلبي أقل إمكانيات مطلوبة طبعا غير إنهم كانوا ممكن يعملوها أربعه عجلات علشان تبقى أكثر إتزانا وخصوصا إنها جر خلفي يعني إنهم يعملولها عجلتين قدام مش هيكون صعب قوي عليهم
ومصر والحمد لله عندها مصانع كثيره وممكن أي مصنع من مصانع التجميع يتبنى سيارة مصرية مائة في المائة ويستعين بخبرات مهندسيه في تصميمها وإنتاجها
عندنا في ملوي فيه ورش حدادة بتعمل كابينة السيارة الدبابة والصندوق الخلفي بالكامل في الورشة ومطابق للأصل فما بالك بمصانع طائرات ومصانع حربية وهيئة التصنيع العربية
دمتم بخير جميعا
كلام حضرتك صحيح
فعلا لو هنعتبرها محاولة من المصنع لحل كارثة التوكتوك يبقى فعلا محاولة كريمة وربنا يكرمهم عليها
و العزم بتاعها اد اية؟؟؟
فعلا افضل من التوكتوك الهندى اللى مكتسح سوق التكاتك
ما احترامى الشديد لهذا الرأي الا انا مختلف معاه تمام الناس البتقول اه ياعنى تالت عجلات ماهى احسن من التكوتوك يا اخوتى دى هتتعامل فى المرور على انها عربيه وصاحبها عيتعامل معاها على انه راكب عربيه وهى دى المشكله الكبرى لان هيتم ترخيصه قانونى والى هيسوق العربيه هيتعامل معاه على كده ومحدش يقدر يمنعه تخيل امامك العربيه دى ماشيه على الطرق السريعه او الدائرى وملافاته هتتقلب فى ثوانى وهتبهدل عربيات ناس كتير وهتعمل كوارث فى البشر والعربيات اقل ضرر منها هتعطل سيوله المرور الى مش ناقصه عطله اساسا وتخيل انت ماشى على سرعه 100 او حتى 80 وأدامك عربيتين او تلاته من دى اخر جهدها 60 وتخاف تعمل اى حركه معاهم وطبعا متقدرش تقنع صاحب العربيه ان مثلا يمشى اقصى اليمين وانتوا عرفين احنا بنسوق فى مصر ازاى يا جماعه فى حد ادنى للمواصفات عشان تمشى بعربيه على الطريق دى ارواح وفلوس ناس انا شايف ان العربيه دى مش انجاز خالص دى مش اكتر من الطريق الخلفى لترخيص التكوتك ان يطلع زى السلطان فى الشارع المصرى