اقتباس المشاركة الأصلية كتبت بواسطة محمد ابراهيم 1 مشاهدة المشاركة
الله يرحم صدام ويرحم الجميع
الله يرحمه تسبب فى مقتل مليون مسلم فى حربه مع ايران التى استمرت 8 سنوات بدون أى سبب
الله يرحمه تسبب فى إحتلال العراق وخرابها ودمارها
الله يرحمه قتل أزواج بناته ورماهم للكلاب فى الشارع
الله يرحمه كان بيضرب شعبه بالطائرات الحربيه
الله يرحمه كان قاتلا عديم الرحمه
الله يرحمه لم يحزن عليه فى العراق إلا قليلين
الله يرحمه كان طاغيه
الله يرحمه أخذ جزء من جزاءه (إلا إن كان قد تاب قبل مماته ) فعسى ربنا أن يرحمه
قال تعالى ( ولا يظلم ربك أحدا ) صدق الله العظيم
+ 10000000000000000000000000000000000000000000

مش معقول حد يترحم على واحد جاب لبلده خراب بالشكل ده ونهايته نهاية كل خدام للامريكان .. الراجل دخل فى حرب مع ايران
خدمة للامريكان مات فيها مليون .. مليون بنى ادم .. اكرر مليون انسان لهم اباء و امهات و اولاد و منهم مصريين كانوا عايشين هناك
و تم تجنيدهم بالاكراه ..و بعدين دخل بلد عربى الكويت بعد ما الامريكان اعطوه الامان ليضعوا ارجلهم فى منطقة النفط كلها و بعد السعودية
بقى ليهم قواعد عسكرية فى البحرين و قطر و اصبحوا حامى حمى المنطقة و الامريكان احسن ناس يتخلوا عن اعوانهم .. صدام حقق
للامريكان اللى ما كانوش يحلموا بيه ! طبعا غير الحكم الديكتاتورى القمعى اللى بيعدم واللى حظه حلو يخش السجن و يتعذب بس ..
و من سنه 90 حرب الكويت حتى الان راح حوالى نصف مليون عراقى غير المصابين و العاهات و التدمير وثروات العراق اللى راحت
و البلد اللى بيمتلك اكبر احتياطى نفطى فى العالم يعملولو مؤتمر دولى و يطلبوا من الدائنين يعفوم من ديونه !!ا
اما حكاية انه ما عيطش او صرخ و هو فى طريقة للمشنقة فمش شجاعة قد ما كان مش عايزهم يشمتوا فيه و عارف انه انه مهما طلب العفو
مفيش فايده .. العالم العربى منكوب بسبب حكامه اللى جابولله الكوارث و العنهم صدام اكتر زعيم عربى خدم امريكا و دمر بلده اللى
فى الطريق للتقسيم لثلاث دول .. شهيد !!!!! مش غريب العالم العربى ماشى من نكبه لكارثه لنكسه ل .... !
و هو الواحد يسبب الموت و الدمار لمليون و نصف بنى ادم و يجيب الدمار و الاحتلال و الخراب لبلده و للى حواليه و بعدين يقول
الشهاده و هو بيموت طمعان يخش الجنه يبقى خلاص ؟؟ اللى زيه لو ربنا عفى عنه و دخله الجنه هيحاول يولعها و يحاول ينصب نفسه
زعيم الامه العربية و حارس البوابة الشرقية لجنه رضوان ... !!