محتاج مساعدة الأوكتافييـــــن اللي بيفهموا و بيجيبوا من الأخر

**islamaboelnaga** · 29-01-2010 07:51 PM

بص ياباشا من الاخر فى حاجات كتير فى الجيتا احسن من الاوكتافيا بس فى عيب خطير فى الجيتا انها واطيه جدا بس غير كدا هيا كاخامات مفيش فرق كبير او الجيتا احسن شويه بس كراسى الجيتا و عفشتها اريح كتيير و عزلها اعلى و امانها اعلى (10 ايرباج ) سحبها احسن ( خصوصا بالفتيس الجديد )
على فكره انا كنت هاجيب اوكتافيا لاخر لحظه علشان واحد قريبى كان معاه اوكتافيا من 2007 و باركبها على طوول و سوقتها كتيير و لسه بايعها ماشاء الله عامله 100000 كم وماشاء الله معملش فيها اى حاجه غير انه غير بوجيهات مره و ربط عفشه مره فقط و كانت زى الفل بس هيا الاوكتافيا عموما فيها عيب خطير ميعرفوش الا اللى ركبها فتره كبيره و هو ان الابواب و الشنطه لاااااازم بيعملو صووت بعد فتره (تحس ان هيا سايبه او بتلوق كدا ) و دا اكبر سبب خلانى اسيبها و اجيب الجيتا و انا كنت قبل ما اجيب خدت الجيتا فتره و الاوكتافيا فتره و حسيت بالفروق دى ( حتى صاحب الاوكتافيا قالى على مشكله الابواب و الشنطه دى ) هو صوت بيظهر بعد فتره و بسيط بس لو قافل الازاز هاتسمعه و هيستفزك جدا

**Eng_Mostafa_89** · 29-01-2010 08:28 PM

المشاركة الأصلية كتبت بواسطة islamaboelnaga

بص ياباشا من الاخر فى حاجات كتير فى الجيتا احسن من الاوكتافيا بس فى عيب خطير فى الجيتا انها واطيه جدا بس غير كدا هيا كاخامات مفيش فرق كبير او الجيتا احسن شويه بس كراسى الجيتا و عفشتها اريح كتيير و عزلها اعلى و امانها اعلى (10 ايرباج ) سحبها احسن ( خصوصا بالفتيس الجديد )
على فكره انا كنت هاجيب اوكتافيا لاخر لحظه علشان واحد قريبى كان معاه اوكتافيا من 2007 و باركبها على طوول و سوقتها كتيير و لسه بايعها ماشاء الله عامله 100000 كم وماشاء الله معملش فيها اى حاجه غير انه غير بوجيهات مره و ربط عفشه مره فقط و كانت زى الفل بس هيا الاوكتافيا عموما فيها عيب خطير ميعرفوش الا اللى ركبها فتره كبيره و هو ان الابواب و الشنطه لاااااازم بيعملو صووت بعد فتره (تحس ان هيا سايبه او بتلوق كدا ) و دا اكبر سبب خلانى اسيبها و اجيب الجيتا و انا كنت قبل ما اجيب خدت الجيتا فتره و الاوكتافيا فتره و حسيت بالفروق دى ( حتى صاحب الاوكتافيا قالى على مشكله الابواب و الشنطه دى ) هو صوت بيظهر بعد فتره و بسيط بس لو قافل الازاز هاتسمعه و هيستفزك جدا

طيب وهل مثلا لو رحت التوكيل مش هيظبطهم؟ ويربطهم؟

**islamaboelnaga** · 29-01-2010 08:29 PM

لأ بيروشوا عليهم wd40 و الصوت يروح شويه و بعدين يرجع تانى (دا عيب مزمن فى الاوكتافيا من ايام ال a4 )

**marawansabry** · 29-01-2010 08:44 PM

هما العربيتين لحد كبير اعتقد انهم واحد ومفيش فرق كبير وهي الحقيقة ان المكونات كلها شبه واحدة وكلها الماني الاسكودا بتتقفل في التشيك والجيتا بتتقفل في البرازيل ، شكل الجيتا اظرف وافخم شوية ، بس الفانتازيا اعلى وعفشتها انسب للطرق المصرية بس نشفة شوية ، الفانتازيا اتنين اير باج والجيتا 6 اير باج ،
وفي افضلية نسبية في توكيل اسكودا عن توكيل فوولكس اللي معظم الناس بتقول انه سئ للغاية (طبعا توكيل اسكودا ميش ملايكة) بس هو افضل شوية وممكن تراجع استطلاع راي الاعضاء في التوكيلات بالمنتدى العام (ودا عامل مهم لاول سنتين فقط من عمر السيارة اللي هما بتوع الضمان)
انا شخصيا باستريح للفانتازيا اكتر وهي عربية ماشاء الله ممتازة
هي المقارنة صعبة جدا ومحيرة .. ولسة كنت بتناقش مع واحد زميلي عندة نفس الحيرة بالظبط
ركز على نوع واستخير علية واتكل على الله واللي فية الخير ربنا ييسرهولك

**islamaboelnaga** · 29-01-2010 08:52 PM

الجيتا بتتقفل فى المكسيك مش البرازيل و 10 ايرباج مش 6 (الخليجى )

**shiko85** · 29-01-2010 09:09 PM

معلش انا عارف ان حضرتك بتقارن بين الفانتزيا والجيتا و الاثنين ممتازين بس انا حبيت الفت نظر حضرتك ان اسكودا هتنزل عربيه جديده الـــــ Superbو كان مكتوب فالمنتدى هنا انها ب 200,000 ال 7 سرعات cc 1400 (حسب ما ذكر هنا بالمنتدى) و بجد العربيه من صورها على النت تحفه حجمها زى الباسات كده و طبعا موتور و اوبشنز ووووووو مش محتاجه كلام و مفيش خلاف عليها
انا رأى ياريت حضرتك تشفها الأول

**islamaboelnaga** · 29-01-2010 09:31 PM

اللى اعرفه ان السوبيرب هتنزل مانيوال و 1400 cc لازم بنزين 95

**shiko85** · 29-01-2010 09:48 PM

المشاركة الأصلية كتبت بواسطة islamaboelnaga

اللى اعرفه ان السوبيرب هتنزل مانيوال و 1400 cc لازم بنزين 95

مش متأكد من ال 95 بس هتبقى زى الجيتا و الباسات و الشروكو يعنى نشوف دول الأول لازم 95 ولا 92
بس مانيوال !!! أكيد ؟؟؟

حرام بجد يبقى معنى كده الأوتوماتيك فالـــــــــ 1800 cc بس اللى ب 450,000 ؟؟

**islamaboelnaga** · 29-01-2010 10:13 PM

الموتور ال TSI 1400 cc دا فيه سوبر تشارجر و لازم 95 دا مش زى موتور الجيتا و لا الاوكتافيا ( بينزل جيتا tsi 1400 بس قليل المعظم mpi 1600 )

**shiko85** · 29-01-2010 10:28 PM

المشاركة الأصلية كتبت بواسطة islamaboelnaga

الموتور ال TSI 1400 cc دا فيه سوبر تشارجر و لازم 95 دا مش زى موتور الجيتا و لا الاوكتافيا ( بينزل جيتا tsi 1400 بس قليل المعظم mpi 1600 )

انا عارف ان ال TSI 1400 cc فيه سوبر تشارجر و تربو تشارجر كمان
انا اقصد جيتا و باسات الـــ TSI 1400 cc وحاليا فى جيتا كتير منها موجود الأعلانات بتعتها فى كل الجرائد

الموضوع: محتاج مساعدة الأوكتافييـــــن اللي بيفهموا و بيجيبوا من الأخر

LinkBack

أدوات الموضوع

عرض

-

-

-

-

المواضيع المتشابهه

ياريت مساعده من اللي معاهم كروز أو اللي بيفهموا ميكانيكا كويس

نداء عاجل لكل اللي بيفهموا في الشكمانات

محتاج مساعدة من شباب بورسعيد - محتاج صنايعى فاهم ميكونش غالى

بيجيبوا البيانات دى ازاى

محتاج مساعدة من الاخوة اللي في قطر

الكلمات الدلالية لهذا الموضوع

المفضلات

المفضلات

ضوابط المشاركة