اللهم صل على محمد وعلى آله وصحبه أجمعين
العربية تويوتا كورولا 1984
والله النهاردة منذ نصف ساعة
نزلت انا واخويا شغلنا العربية على السلانسيه
المرة دى انتظرنا مدة لحد مالحرارة بدأت ترتفع والمروحة اشتغلت فى معدلها الطبيعى
انتظرنا مدة اطول والعربية على السلانسيه
الحرارة ارتفعت تانى والمروحة اشتغلت فى معدلها الطبيعى
كده الى حد ما اطمأنيت على أن المروحة شغالة بشكل معقول
يعنى لما مؤشر الحرارة يوصل الى الربع تقريبا تبدأ المروحة تشتغل
بطلت العربية
بصيت تحتها
المفاجأة
وجدت ماء تحت العجلة اليمين
اخويا الله يكرمه
جاب الدواسة
ونام تحت العربية
وبعد بحث
وجد الكاوتشة اللى راكبة فى الموتور بتنقط مياه
قال لى : هات مفك لما نربط "الافيز" كويس ... ولا اقولك انا عندى طقم لقم هاستخدمه احسن
وفعلا ربط الافيز "اجمد" مع انه كان مربوط كويس
لكن الربط "باللقمة" اقوى من الربط بالمفك
المهم بطلت تنقط مياه
قال لى: ربنا يستر ان شاء الله
وبكره نجرب فى مشوار
لو بطلت المياه تنقص خلاص .. الحرارة هاتكون عادية وموش هاتسقف ولا حاجة ان شاء الله
هى فعلا فى الصباح بتمشى عادى
مافيش تسقيف ولا حاجة
ربنا ييسر الاحوال
النهارده الصبح مشيت بها على الدائرى عشان كنت حاسس ان موضوع الحرارة ده خانق العربية
وما شاء الله ولا حول ولا قوة الا بالله
ممتازة جدا وناعمة وكله تمام
لكن موضوع المياه ده
لازم اطمئن عليه الاول
قبل اى حاجة
بكره او بعده اجرب كده واخرج مشوار
واشوف النتيجة ايه
يا مسهل
دعواتكم معانا
على فكرة خرطوم "القربة" كان سالك
نفخنا فيه وكان سالك
الغريبة ان الراديتير المفروض لما ينقص يسحب من القربة
ولا ايه
فى انتظار تواصلكم
مع اطيب التمنيات
اخوكم حسين غزالة
المفضلات