مية الراديتير بتنقص ... وقربة المياه مليانة زى ماهى ... الحل ايه الله يكرمكم
بسم الله الرحمن الرحيم
الخلاصة: ازود الراديتير كل يوم مياه وبعد السير مسافة قصيرة 15 كيلوا مثلا
اجد ان المياه نقصت فى الراديتير "المياه على وش السربنتينة" وفى نفس الوقت قربة المياه زى ما هى "عمر المياه فيها ما نقصت" واعتقد انه مافيش تسريب
التفاصيل:
الصبح الراديتير بيكون مليان تمام التمام
والقربة مليانة موش على آخرها يعنى مليانة بنسبة 80 %
وبعد المشى حوالى 15 كليوا
والتوقف بالسيارة 30 دقيقة
ثم المشى مرة ثانية
اجد السيارة "بتسقف"
لكن فى الطوالى العربية تمشى ما شاء الله ولا حول ولا قوة إلا بالله
اروح البيت
افتح الراديتير
الاقى المياه ناقصة
علما:
طرمبة المياه "بتقلب المياه كويس جدا"
الراديتير "بتاع الراديتير نظفه وكشف عليه وقال لى مية مية"
القربة "موش بتنقص خالص"
اكن الراديتير عمره ما سحب منها اى مياه
برغم ان المياه فى الراديتير نقصت وكان سخن
وعداد الحرار طبعا كان يعلى لكن فى المشى السريع كان بنخفض والعربية تسحب عادى
مروحة السيارة: تعمل بكفاءة
والتجربة كانت النهاردة صباحا الساعة 8
يعنى يوم برد
طيب فى الصيف هانعمل ايه
بعد ما اخلص المشوار واقف بالعربية شوية
اسمع صوت المروحة شغال
وعداد الحرارة ينخفض
ما اعرفش المروحة بتشتغل واحنا ماشيين ولا لأ
فى انتظار تواصلكم
