المشاركة الأصلية كتبت بواسطة tweety26980
تعقيبا على تعليقات الاخوه الاعضاء الكرام
مين اللي قال ان الجن2 خشنه
لأ طبعا العربيه مش خشنه ولكن مش بنعومة الياباني مثلا ولكن الحاجه دي مش تتحس كده لأي حد
لازم يكون من الناس اللي ركبت اكتر من نوع من انواع السيارات
عيب اللي بيشتري الجن2 زي ماتكرم احد الاخوه الاعضاء وقال من كام يوم كده
انه بيفتكر انه اشترى عربيه خارقه ب 18 مليون مثلا ولا كأنه اشتر اللامبورجيني مثلا
عاوزها تطير في السما ويهبد فيها في المطبات ويكسر وامريكاني وخمسات ومايعملش صيانات ولا يغير زيوت ولما يتقلب لاقدر الله بيها على 190 كم مايجرالوش ولا يجرالها حاجه
ببساطه ياجماعه
انت دفعت كاااااام واخدت مميزات كام وبالفلوس دي هتركب عربيه نزعها ايه واكيد اكيد هتكون اقل من الجن 2
الجن 2 عربيه محترمه والله
ولكن يعيبها مثلا ان مراياتها الجانبيه رؤيتها مش اوي
ولكن بتتعود عليها
مثلا يعيبها كمان ان خامات طابلوها لاترتقي الى الجلد الفاخر ولكن مش سيء
يعيبها بعض عيوب التفيل اللي بتتعالج ان شاء الله داخل ضمان السياره في التوكيل ان ظهرت
ولكن النتيجه الاجماليه
صفقه رابحه
انا من ملاك الجن 2 الهاي لاين اوتوماتيك 2008 والعربيه معايا ماشاء الله 70000 كم حتى الان في سنه ونصف وصيانات دوريه داخل التوكيل
وربنا يحافظلي عليها
ملحوظه انا لا اطيق اني اركب سياره اقل من الجن2 الااااااان
تحياتي للجميع وانا تحت امركم في استفسار
