أخى الكريم المشكله كلها فى البوابه محتاجه تتنضف وتتزيت ويتعملها بيزك سيتنج وان شاء الله خير
وأذا مكنتش محافظ على الصيانه الدوريه للفلاتر ياريت تهتم بالموضوع ده
ودا جدول بسيط لو مشيت عليه هترتاح جدا
تغيير بوجيهات كل 15 ألف ولوتقدر تجيب البوجيهات ال ان جى كيه اللى بتتغير على 35000 كم يبقى احسن
فلتر الهواء كل 20000 أو حسب طبيعه وظروف المكان اللى انت عايش فيه من حيث الأتربه والغبار
فلتر بنزين كل 15000
فلتر زيت كل 10000
ولو تقدر تغير فلتر زيت وبنزين وبوجيهات كل 10000 هيبقى افضلك ومعاهم تنضف البوابه هتلاقى العربيه دايما ظابطه معاك
وعلى فكره كون الجهاز يقراء ان فى أيرور فى السينسور بتاع الأيدل أو الأر بى أم يبقى كدا فعلا فى مشكله بس مش هتبان ألا لما تعمل الصيانات اللى فوق ومعاهم تنظيف البوابه وبعد كده تدخل تانى عليها بالجهاز لأقيته مسجله أمسحها وأدخل شوف تانى راحت يبقى مفيش مشكله مراحتش يبقى لازم تغير الحساس ده
ربنا معاك
المفضلات