إلى السادة المتحيزين إلى سياراتهم الشخصية : أبوس إيديكو إرحمونا!
السلام عليكم و رحمة الله و بركاته ..
أنا هنا بتكلم عشان الموضوع ماينفعش يتسكت عليه أكتر من كده ...
متحيزين إلى السيارات الشخصية بإسلوب مستفز ...
زودوها جدا ... خصوصا مع الشتيمة و التقليل من شأن بقية السيارات الأخرى مع وصف سيارات الأخرين بأنها حاجة " زبالة" ...
و كمان لما حد يسأل عن سيارة تلاقى إن دول بيدخل يشتم بإسلوب غريب و يضلل المشترين .. دا الواحد لما يسمع عن حد حصلتله مشكلة فى عربية هو كان بيفكر يشترى زيها نلاقيه خاف و دور فى حته تانية!!! ..
و شخص أخر عنده عقدة الأوروبى ... و بقيت العربيات زبالة (و يقصد كمان إللى راكبينها من غير ما يقول بتبان فى الكلام) ....
الناس دى طبعا عندها عقدة نقص .... و عندها عقده دفينه إنها نفسها تبقى هى الأحسن و واو و حاجة رهيبة و إحنا بقية الشعب .... نركب كورى و يابانى!!! يعععععععععععععععع
شئ غريب بجد !!! يا جماعة إتعلموا من برنامج توب جير و إزاى الناس بتقارن بين العربيات و الموديلات مش بين الماركات .... مع طبعا مراعاه إن ماركات معينه بتقدم لفئة سعرية معينة فأكيد إنت بتأخد مميزات زيادة مقابل إللى بتأخدة .... صح؟؟؟ .... لكن مانهملش إن المنتجات حسب إمكانيتها و ماينفعش نقول دى أحسن من دى عشان دى اوروبى و دى موزمبيقى!!! ..
فى عقل نفكر بيه و نناقش كويس إللى بنقوله .. بدون تحيز .. ممكن يكونو العربيات زى بعد .. بس الفرق دى أعلى فى السعر بس عشان فيها أوبشن زيادة ... لكن غير كده لأ ...
و فى عقدة تانية بتعصبنى إن لو حد عربيته موتورها ألمانى يقولك دى ألمانى يعنى برقبة عربيتك حتى لو كنت جايب إنفينتى .... لو بالمبدا ده ... يبقى الصينى كله دى يابانى!! إرحمونى
عقدة الألمانى و عقدة اليابانى إللى عند بعض الناس دى لازم تختفى ... عشان يبقى منتدانا الأقوى على الإطلاق لازم تكون الناس هنا بتناقش بمنتهى الأمانة و الموضوعية و الفكر ...
مش عيب تقول معرفش ... لكن متقولش معلومات مغلوطة ....
بطالب أى حد يشوف مشاركة هدامة .. يبعت فى تقارير للإدارة .... عشان الناس إللى متحيزة تفهم و تبدأ تتبع النظام ... لكن ماتبعش النظام ... معذرة ... مالكش مكان بيننا هنا فى نايل موتورز.
و شكرا جزيلا ....
قارن بالسيارة .. و ليس الماركة..و ارضي ضميرك قيل الاتنين
كثير من اهم المشاكل بالمنتدي الكريم نتيجة اراء ناس في سيارة معينة , ماركة معينة أو دولة معينة
الي هؤلاء أقول :
للمقارنــــــــــــة أصــــــــــول
* يجب اولا ان تقارن سيارتين لا يزيد اختلاف السعر عن 5 %
* يجب ان تقارن السيارة بعينها .. و تنسي تماما ماركتها و بلده
* يجب ان تكون قمت بقيادة السيارة بنفسك و لا تعتمد علي كلام الناس
* يجب ان ترضي ضميرك و تعلم ان الله مطلع علي ما تقول
فليست لأن مرسيدس مثلا افضل من هيونداي انك عندما تكون في اوربا و معك 15 الف يورو ستكون المرسيدس B-Class أفضل من الهيونداي Azera ( نفس الفئة السعرية )
و ليس لأن بي ام دبليو شركة أعلي من فولكس فاجن ان تكون ال 116 أفضل من الجولف ( نفس كل حاجة ) و الجولف فيها كل حاجة و ال 116 فقفيرة امامها
و ليست لأن هناك شركات صينية تصنع أي شيء بنائا علي طلب المستورد .. ان كل السيارات الصينية أي كلام
و كلنا نعلم شركات عريقة عندها موديلات تعيسة و طلعت من الشركة Out
و العكس صحيح لشركة تعيسة تقتات من موديل بعينة لأنه ناجح ىجدا في فئته
كلمة أخيرة .......... ليس بتحيزك لسيارتك علي طول الخط ستزيد من سوقها .. و ليس بهجومك علي الأخرين ستقلل من المنافسة ليها
و اتمني لكم كل توفيق
فكرتني بصاحب الشاهين في منتدي؟؟؟؟
اولا شكرا علي الموضوع ودي فعلا حاجه بقت ملوحظه جدا وفكرتني بواحد بدون ذكر اسماء في منتدي مماثل لمنتدانا الجميل هذا العضو عنده شاهين اقسم بالله لو قولتله الشاهين ولا الكورولا ولا البي ام ولا حتي الفراري هايقعد يطلع في عيوب فيهم لحد مايوصلك لان الشاهين احسن بمراحل وعجبي:biggrin2: