انا كل الى غيرتة من 2006 حتى 5/2008 هو الكلاكس بس
عرض للطباعة
انا كل الى غيرتة من 2006 حتى 5/2008 هو الكلاكس بس
معايا ميجان 2006 عاملة 58000 ك مش ناوى اعمل صيانة غير تغيير الزيت وها شوف النتيجة
انا فعلا مش ناوى اعمل صيانة ال60000 او على الاقل هخليها على ال70000 ومتاكد انه مش هيحصل حاجة ان قبل كده كان معايا ماتريكس ولحد 90000 لم اذهب الى التوكيل او اعمل صيانة غير الزيت فقط
بص يا باشا
مش كل العربيات زى بعض
غير كده أنت ضمان الفتيس عندك لحد 100 ألف صح ؟
لو مروحتش أى صيانة حتى اللى كل 5000 بتخرج من الضمان
أنصحك بلاش تأجل وروح أعمل الصيانة فى معادها
شكرا يااحمد على النصيحة ويا ترى صيانة ال60000 فى اى مركز خدمة ولا لازم المقطم حيث اننى من بورسعيد وياترى لازم حجز وبتاخد اد ايه وقت
ممكن فى المقطم أو العبور أو أى مركز معتمد زى الميكانيكيون العرب
بص يا باشا أنا فى الصيانات العادية كنت بتعامل مع الميكانيكيون العرب بس فى صيانة ال 60 بالذات روحت المقطم
ولو حتروح المقطم أو العبور ( أقرب واحد ليك وانت جاى من بورسعيد ) يبقى لازم حجز
بتاخد وقت من ساعتين الى 3 حسب الزحمة
تغيير البطارية بدون فقدان كود الكاسيت
من يومين العربية لم تدور وكان واضح انها البطارية لان الكلاكس ونور التابلوه كان ضعيف جدا واثناء تغيير البطارية عند كهربائى فى بورسعيد قبل ما يفك البطارية وصل ببطارية تانية فضل موصل الكابلات اثناء االتركيبب يعنى لم يفصل الكهربة خالص وفعلا لم احتاج ادخال كود الكاسيت اواى شىء بعد تغيير البطارية
الحركه دى عشان تعيد برمجه وحدات الرفع مع السنتر وبرمجه فتح او غلق الزجاج بلمسه واحده
عندنا فى الفكترا كده واعتقد الميجان نفس الحوار :)
هى فكره مش وحشه
بس انا عان نفسى بحب افصل البطاريه خالص واعيد تركيبها
عشان كمبيوتر العربيه نفسه بيعمل ريسيت لحاجات كتير وبيظبط العربيه من اول وجديد
لو فى حاجة مش متظبطه بترجع تظبط نفسها تانى وده اكيد احسن
بصراحة مش عارف بس اللى أعرفه عن ال A4 أن مفيهاش أغلاق للزجاج بضغطة واحدة
وكل اللى أعرفهم معاهم A4 مغيرين الكاسيت.....بس الأوبل كانت كده
يعنى تقريبا الأوكتافيا A4 مافيهاش الأوبشن دا
و اسف لو كنت تدخلت يارجاله رينو
عندى صوت زنة اول ما انقل على ال دى وبعد ذلك مع الحركة لااسمع شىء ولكن اول ما اقف اسمع الصوت تانى ولما ارجع على ال ان او ال بى الصوت يقل
هل الزنة دى عادية ولا لازم اروح التوكيل
دا صوت طبيعى و موجود فى كل الميجان
الف الف شكر يااستاذ شاركى
طب ده صوت ايه وازاى طبيعي ؟
بتبقى زنة بسيطة عاملة زى زنة طرمبة البنزين كده......بس مش عارف دى أيه بالظبط
سى دى اتحشرت فى الكاسيت ومش عاوزه تخرج مهما ضغطت على ايجيكت
انا معايا ميجان 2007 و غيرت الحاجات دي :
تيل فرامل امامي بعد 6000 كم
كمبروسر التكييف بعد 20000 كم
ماكينة الزجاج الامامي يمين
طلمبة البنزين بعد ما عطلت مني في الشارع
علبة الدركسيون
البطارية
و منتظر اغير عمود الدركسيون و اربة مياه المساحات و الموتور بتاعها و لكن هعملهم مع صيانة ال 45000 ان شاء الله
ممكن حد يقولي ايه اللى بيحصل في الحاجات دي مع العلم اني بحب العربية جدا و باحافظ عليها جدا جدا و هل هيستمر الوضع كدة بعد الضمان لاني لو غيرت الحاجات دي مثلا بعد الضمان هدفع فلوس كتير جدا
ياااااه ليه غيرت كومبريسور التكييف ؟ ده كده يبقى بدرى جدا !!
:120146bغيرت الكومبريسورعشلن قفش و كل ما اشغله الموتور يبطل و علي فكرة انا نسيت ان الجير بوكس اتغير فيه اربة و كولر برضه في الضمان
دا إنت حظك وحش قوى فى السيارة
ماسمعناش إن فيه حد غير كل الحاجات دى فى ميجان !!!
:fdsa::Copy of majd(4):انا فعلا حظي وحش ده حتي اليومين دول انا سامع صوت زنة اول ما ادور و تيجي و تروح اثناء المشي و سمعتها لواحد صاحبي قاللي ان الدفيوزر عايز يتغير و كمان فيه صوت رجه لما تجيب ال R تقريبا قاعدة فتيس
واضح إن عربيتك بيسموها بره
Friday car
:ma::E_braces[1]:انا مشتريها يوم اربعاء
العربيه معايا بقالها 10000 كيلو عامله 49500
وغيرت الاتى:
1-حساس الفتيس
2_علبة وعمود الدركسيون
3-تيل خلفى
4-مساعدين امامى وبعد مغيرتهم طلعوا مش بايظين
5-شريط الايرباج
6-جوز كوتش
وعندى فتحة السقف بتزن
ممكن تقولنا يا باشا على اعراض تلف حساس الفتيس
بالنسبة لزنة فتحة السقف دا نتيجة للتراب
نضفها و رش عليها سبراى W40 و حتبقى زى الفل
شكرا لردك السريع يا استاذ شاركى
هى اعراض سوليون الفتيس انى كنت كل مااسافر واطفى العربيه وادورها تانى يوم وامشى شويه الاقى ظهرت كلمة service وكلمة check gear box وتفضل على نفس الغيار اوتنزل انما متغيرش للاعلى وبعد كده تطفى العربيه وتدورها تانى تختفى كل حاجه ولما رحت صيانة ال 45000 قلتلهم عليها فى العبور وقالواى مفيهوش حاجه واحنا عملنالك ريست للفتيس وكلوا تمام وبعد ماخدتها سافرت وحصل نفس الكلام فلما رحت صيانة ال 50000 قلتلهم قالولى مفيهاش حاجة برضوا رحت وانا بستلم العربيه قلت للمهندس طب هجربها قالى اتفضل
وسبحان الله حرقة على الغيار الاول راحت ظهرت علطول الكلمه رحت وريتها للمهندس راح خدها وجالى قلى عايزه سوليون فتيس وانا بصراحه لسه مسافرتش لحد دلوقتى بس خلال اسبوع هسافر وهبقى اطمنك على اللى حصل
وبالنسبه لفتحت السقف انا برضوا استاذ احمد عبد المقصود قالى نفس الكلام بس هما قالولى فى التوكيل دى عايزه قواعد فتحة السقف بس ان شاء الله هجربوا لانى كده كده مش هغير القواعد حرام اللى اتصرف عليها
ونسيت اققول انوا فيه تعريقة زيت جنب الماتور والمهندس قالى دى كوعه ومش موجوده عندنا
وطبعا الجنط اتشرخ وغيرت المساحات برضوا
ترشيح الزيت اللى من الجنب بيبقى من جوان الكوعة تحديداً......فى التوكيل بيغيروا الكوعة بالجوان بحوالى 800 أو 900
ونظراً لأنى مكنش عندى وقت فروحت للميكانيكيون العرب ولقيتهم بيغيروا الجوان بس :S_thum1[1]: بتوكلت على الله وعملتها طبعاً.......بس الجوان بيتكلف 430 جم
لسه عاملها السبت اللى فات.
وبالنسبة للفتحة جرب السبراى الأول مش هتخسر حاجة.
شكرا جدا جدا ياباشا
وبالنسبه للتسريب خلاص مفيش تسريب ولا ايه و430 شامل كل حاجه
وموضوع الفتحه انا كان نفسى حضرتك لو لقيت اى حد النهارده فى المقابله عندوا فتحة سقف تشوفهاا وهيا مفتوحه بتتهز ولا ماسكه جامد لانوا هوا ده السبب اللى شخص بيه المهندس المشكله اللى هوا فتحها ولاقها بتتهز راح قالى عايزه تغيير قواعد
العفو يا باشا
التسريب لحد دلوقتى مرجعش تانى بس أنا مستنى شوية و أشوفه تانى لأن ممكن التسريب يكون بيجيى مع الوقت.
الحاجة اللى مش ظريفة فى موضوع الترشيح أن مكان الترشيح بيكون فوق حساس السرعة و ممكن مع الوقت الوقت يبوظ الحساس و بدل ما تدفع تمن الكوعة بالجوان أو الجوان بس يبقى معاهم حساس سرعة كمان.
بالنسبة لموضوع الفتحة.....ما تشرفنا النهاردة و تشوف بنفسك ؟؟ :F_eyeb1[1]:
عموماً انا بصراحة مش فاكر مين اللى عنده فتحة بس أن شاء الله هشوفهالك.
سوءال
حصلت معايا مرتين اليوم عند الضغط على startاسمع صوت زنة فقط والعربية لاتدور وفى ثانى اوثالث محاولة تدور عادى ياترى حد عنده فكرة ممكن يكون ايه مع العلم ان البطارية جديدة