شوف حضرتك...أنا مرة كنت بأعمل صيانة فى التوكيل فرع العبور و كان بجوارى واحد معاه scenic بيعملها صيانة 65000 كيلو و كان بيشتكى من أعراض ال dephasor و مهندسة الاتسقبال قالت له لو طلع هو العيب هيتغير فى الضمان..بالرغم من إنه تجاوز فترة الضمان...
عرض للطباعة
شوف حضرتك...أنا مرة كنت بأعمل صيانة فى التوكيل فرع العبور و كان بجوارى واحد معاه scenic بيعملها صيانة 65000 كيلو و كان بيشتكى من أعراض ال dephasor و مهندسة الاتسقبال قالت له لو طلع هو العيب هيتغير فى الضمان..بالرغم من إنه تجاوز فترة الضمان...
طيب انا في واحد قالي ان الديفزور ده بيقلل من عزم العربية الكلام ده صح ولا غلط (ده الراجل اللي روحتله و غيرلي الكويل)
موضوع جامد جدا وهيفيد ناس كتير قوى :) بجد اجمد قسم دخلتوا بالتقريب الناس فيه تحس انها واحد :)
مساء الخير يا جماعه
عاوز حد يفيدني فل الاتي:
من يومين وانا مروح بالليل كنت باجري علي 120-130 والطريق فاضى وبعدين اتفاجأت بمطب محترم بعرض الشارع طبعا ما قدرتش الم العربيه علي السرعه دي واكلت المطب زي الباشا . تاني يوم روحت لواحد بتاع عفشه في محطه موبيل في اسكندريه كشف علي العربيه وكان عندي العجله الشمال عاوزه تترصص فرصصهالي بالمره وقاللي ان كله تمام المقصات و المساعدين.كله زي الفل .بس انا من ساعتها حاسس ان العربيه بتهبد في المطبات وحاسس بخشانة الطريق وكل تفاصيله زي ما يكون العجل منفوخ هوا زياده .الحقيقه ان بصيت علي المساعدين مالقيتش فيهم زيت مرشح او اي حاجه.انا باقول ان اليومين دول الجو حرر وممكن الكاوتش عاوز يقل في الضغط بتاعه شويه.ولا انا بيتهيألي
تاني حاجه ان الدركسيون بقي بيرجرج بعد ال100 وكأني ما رصصتش .دي ماكانتش بتترجرج خالص قبل الترصيص بس انا قولت ارصص لاني غيرت الكاوتش الشمال من
حوالي شهرين علشان اتقطع(نتيجة النعومه بتاعة الطرق و الاصلاحات عندنا في اسكندريه!!!!) ممكن يكون الترصيص مش مظبوط ولا ايه؟
اخر حاجه بقي غريبه جدا وانا ما سمعتهاش من حد عنده ميجان. احيانا الاقي العربيه انوارها كلها بتترعش جامد والفوانيس نورها بيقوي ويضعف والباور زي ما يكون بيقطع و لما ابطل واسيبها شويه تشتغل عادي الموضوع ده حصل معايا تلات مرات من ساعه ما جبت العربيه بس انا خايف تكون حاجه مهمه .علي فكره العربيه عامله 8000 كم فقط يعني زيرو.
حاجه عاوز اقولهالكم ممكن تفيد اخوانا اصحاب الميجان.انا غيرت البوجيهات ببوجيهات Ngk ياباني والاداء بتاع العربيه اختلف تماما.السحب بقي قوي جدا والموتور صوته ناعم قويزوالنتشات الطبيعيه بتاعه الفتيس تقريبا اختفت .بوجيه جميل جدا يا جماعه
أنا جايز مش هأفتى فى إللى ماليش فيه لكن سؤال يطرح نفسه
عربية عاملة 8000 كيلو...مغير لها بوجيهات لييييييييييه ؟؟؟؟....و كمان بره التوكيل ليه ؟؟؟؟؟...و كمان بنوع أى نعم على العين و الرأس لكن البوجيهات بتاعتها أكيد أضمن و أسلم و البوجيهات من الأمور الحساسة ...
بالمناسبة البوجيهات بتعاعتها بحاجة و ثمانين جنيه...مش ثروة مكلفة
ممكن يكون فى جنوط اتعوجت و هى إللى مسببة الرجرجة بعد ال 100 ....لو الرجرجة عند الفرامل يبقى الطنابير هى إللى سطحها غير مستو و لا أعتقد ده بسبب المطب لكن بيحصل لو الدنيا بتمطر و إنت ماشى بسرعة و الطنابير سخنة من الاستعمال المتكرر للفرامل و بعدين دخلت فى شوية مياه على الأرض....الاختلاف الكبير بين درجات الحرارة التى تعرضت لها الطنابير بشكل مفاجىء بيخلى المعدن المتمدد بالحرارة ينكمش سريعا بفعل برودة المياه فيحدث اعوجاج الطنابير
ظبط الهواء بيكون على 32 فى الأمام و 29 فى الخلف...صيفا و شتاءا....
الكاوتش اتقطع على 8000 كيلو عشان خشونة فى الطريق ؟؟؟!!! مش غريبة ديه !!! بس المهم جبتة نفس النوع والنقشة ولا ركبت الأستبن ولا عملت إيه ... موضوع الرجرجة ده ممكن يكون حاجة فى العفشة وممكن تكون علبة الدركسيون وممكن يكون فيه مشكلة فى الجنط او الكاوتش اللى انتة لسه مرصصة ... موضوع النور فمتهيقلى ممكن ترجع للتوكيل وتعرف المشاكل ديه كلها من إيه إحتمال تكون البطارية لو الكلام ده بيحصل وانتة واقف بس .. موضوع البوجيهات ديه انتة غيرتها ليه وإزاى لما العربية لسة مكملتش 10000 تلاف حتى ؟؟؟
مساء الخير يا جماعه
موضوع البوجيهات ده مش علشان عيب في العربيه ولا حاجه ده مجرد اني حاولت احسن اداء العربيه فقلت اجرب وبالفعل لقيت اداء العربيه بقي رائع والتجميع مبهر و بعدين انا غيرت بره التوكيل علشان انا عندي واحد صاحبي مهندس متخصص رينو بس للاسف مش شغال في مجال السيارات حاليا هوه اللي قام بعمليه التغيير. لكن انا مش حابب كل شويه ازعجه بالمشاكل اللي بتحصل معايا
وكمان بالمناسبه الكاسيت باظ كنت برش w40 واظاهر دخل جوه الكاسيت ومش عاوز يقرا cd وبيقول خطأ فى ادريان قالولى العدسه باظت وعاوزه تتغير ب 400 جنيه اعمل ايهer
إيه الحاجة إللى كنت بترشها بال Wd40 وقريبة من الكاسيت لدرجة إنه يدخل ؟!!!!
دخل جوه وحصل كده ايه الحل
try to clean the lens first
أحسن حاجة ممكن تنضف بيها العدسة هتلاقيها عند راديوشاك.....بس هتكون غالية شوية و أنصحك متسترخصش فى الموضوع ده.
يا حوش انا لازم اكون صريح مع حبى الشديد جدا جدا جدا للميجان و لكن انا مقدرش اخبى حاجة طبعا و لازم اكون صريح 100 %
من كام يوم والدى كان ماشى بالعربية و لسة طالع من التوكيل و بعدين لقى نتشة جامدة جدا جدا جدا بيقولى اكنة خبط فى حاجة من تحت و مكتوب Check gearbox فا طبعا الوالد قام راجعلهم و طلعت المشكلة من سينسور فى الفتيس و تم التغيير فى الضمان و كله تمام الحمد لله
و طبعا الموضوع دة مأثرش خالص خالص على حبى للميجان لأن دة عادى وارد يحصل لأى عربية
شوف الأمور بتتم بسلاسة إزاى....لو توكيل تانى كان الموضوع بقى شغلانة تانية...و فى الآخر كل العربيات بتبوظ فيها حاجات لإنها آلة من صنع الإنسان..
يا جماعة أنا حصل برضه معايا خبطه جامدة فى الgear Box و بعدين ظهر على الشاشة Check Gear Box و ده مشكلة Solenoid واصل بالgear Box و المشكلة دى رينو فرنسا مبلغه بيها الوكلاء و العيب ده موجود فى بعض السيارات المعروفة من رقم الشاسيه لأن أول ما حصل الوضوع ده أنا إتصلت بالتوكيل و سألنى عن رقم شاسيه العربية علشان يعرف أنا جوه الbatch المعيب و لا لأ.
يا جماعة بالنسبة للديفازر و دى تصنيع شركة Delphi الأمريكية و يوجد بها عيب فى التصنيع وارد به Memo من رينو فرنسا, أعتقد تم تلافى العيب إلى حد كبير فى موديلات 2009.
أعراض الديفازر خبطه جامده مع الدوران (كأنه صوت تكسير تروس فى المارش) و سعات تبطيل أول م السيارة تقوم فلازم تدوس بنزين على طول علشان متبطلش منك.
الديفازر أصلا عبارة عن حلقة بتدور بدخول الزيت جواها , علشان كده من أهم الأسباب اللى بتعجل بعطله هو عدم تغيير الزيت بإنتظام, إستخدام زيوت غير تخليقية (معدنية) عدم إستخدام السيارة بإنتظام (إستخدام بسيط) التدوير الكثير و المشاوير البسيطة (داخل المدينة).
الأخبار المفرحة إنه نزل منشور من رينو فرنسا بتغيير الديفازر تحت الضمان حتى لو السيارة خارج الضمان ( قمة الإحترام ).
صوت فى الابواب مع المطبات بتحس انوا العربيه مفكوكه
ده فى ال 2005
وهل الموضوع ده موجود فى ال 2007
و ده عطل برضه يابوحميد ؟؟؟
أستعمل STP Silicon Spray من بنزينة أمارات مصر + و أنت فى الصيانة خليهم يربطوا الأقفال بتاعة الأبواب.
على فكرة....الموضوع ده بيحصل فى معظم الأوروبى.....بى أم قديم و أوبل 97 و أوكتافيا 2004.......الكلام ده من فترات كبيرة شوية مش لسه حاصل دلوقتى يعنى.
هوا فعلا مش عطل بس مشكلة بس انا حبيت اكتب المشاركه للتنبيه فقط
وانا سالت مهندس كار بويز وقالى دى مش هتختفى (بتختفى وترجع)........وانوا هوا حاول فيها فى عربيتوا مع زميلوا شغال فى رينو
وان شاء الله فى الصيانه الجايه هعملها
شكرا يا احمد باشا
العفو يا باشا
هى فعلاً بتختفى و ترجع عشان السبب اللى قولتهولك.......و السبب نفسه ملهوش حل :)
الحل تعمل زى أسراب الطيور بتاعت Planet Earth ....هجرة...بس علشان تبقى متميز عن الطيور ماتخليهاش موسمية :120105~352:
المشكلة فى التراب ....
و دى حاجة مستديمة....مهما هتنضف و تحط Silicon Spray برضه هترجع نفس المشكلة
سبب المشكلة ( التراب ) مالهوش حل غير الحل بتاع الهجرة...يعنى الواحد ياخد عربيته و يطفش من البلد أو على الأقل القاهرة ...
إنت شكلك لسه ما شفتش الفيلم بتاع Earth إللى كنت بتسأل عليه امبارح :majd(4):
انا حطيت نقطة زيت في الكوالين بتاعت الابواب و الصوت راح في الحال والموضوع دة من 6 اشهر فاتوا والصوت مجاش تاني
والله يا جماعة مع اني عضو جديد بس أنا جربت الميجان دي مع 3 عربيات والتلاتة هاتش باك وكمان خليجي
موديلات 2004.2005.2006
ولسه بايع ال 2005 من حوالي كام شهر كده
تجربتي مع العربيات بصراحة العربية اللي هيا موديل 2004 كانت أسوأهم ال 2005 مظهرش فيها مشاكل كتير غير ان انا غيرت كوتشين ادام كونتيننتال زي اللي كانوا جايين معاها ب 870 جنيه الفرده وكان فيها مشكلة في المساعدين الخلفي وديته لعفشجي عادي طلعه ونظفه ورجعه وقعدت معايا سنه قبل ما ابيعها مفيهاش حاجة وطبعا المشكلة بتاعت المساعد كانت من الركنة بتاعتها في جراج في بلد أرياف لمدة شهرين ونصف لحد ما خلصت امتحاناتي ورحت رخصتها
غير كده في صيانة ال 40000 غيرت تيل فرامل امامي ومساحات امامية برده وعلى كده محصلش فيها حاجة لحد ما بيعتها
2006 لم يظهر بها عيوب حتى الآن
2004 وهيا مع والدي ف السعودية وهيا دي بصراحة اللي كرهتني في كل الميجان وخلتني عايز أبيع الاتنين اللي باقيين
أول عيب ظهر فيها كان الحوار بتاع حساس الكامة ده ده طبعا كان بعد ركنتها 3 شهور (أجازة والدي كان في مصر والعربية مركونة ف جراج مفتوح ف السعودية) وكان ف الفترة دي عواصف ترابية التوكيل هناك قالوا لوالدي ان المشكلة من كده
تاني عطل فيها هوا مواتير الزجاج غيرنا ال 4 مواتير
بعد كده طلع حوار الكويل وغيرنا اتنين حتى الآن
مع العلم ان الرسالة بتاعت Check Gear Box طلعت وكان العيب ف الكويل مش ف الجير بوكس
وبعد كده غيرنا 2 مساعد خلفي.
وبس والعربية ماشية تمام بس انا ملاحظ حاجة غريبة فيها ان البور بتاعها أتقل من العربيتين التانيين مع العلم انها طاسة مش جنط
والاتنين التانيين جنوط
أغلب الأعطال تم تغييرها ف الضمان ماعدا 2 ماكينة زجاج الكويلز البطارية
معنا الكلام دة يوحوش إن العيوب كنت أغلبها في موديلات ٢٠٠٤ إلهيا أصلاً مش موجودة كتير فمصر و بعض ٢٠٠٥
لأ وعلى فكرة انا عمي كان معاه الرينو السيدان مش الهاتش باك واول عطل طلع له ان لما كان بيشغل العربية اتحرق منه الفيوز بتاع التشغيل فغيروهوله ف الضمان بس العربية هنا مطلعه عينه أكتر من ال2004 بتاعتنا بمراحل وهي 2005
ممكن علشان تجميعها تركي
عندك فالسعودية بردو؟
بسم الله ما شاء الله عائلة ميجانية...... :)
مش ملاحظ يا عمور أن مالكى الميجان فى السعودية زادو 3 أو 4 أفراد فى يومين ;)
اديهم إسبوعين كمان وحيحتلو الموقع
:shine[1]:
لأ عمي ده هنا ف مصر وجايبها من مصر
انا متهيألي السيدان ف السعودية أسباني مش تركي
السيدان فى العالم كله تركى
و الهاتش فرنساوى
انا لسة شاري 2009 بعد ما اطمنت من زملاء لي في الشغل معاهم 2005 و 2008 و 2007 بس لما قريت رسائل الزملاء هنا بدات اخاف عموما ربنا يستر , انا ملاحظ اني لما باجيب r علشان ارجع للخلف صوت خشونة بيحصل او يعني الصوت بيختلف عن الd وال p بس العربية ماشية عادي , ياتري ايه النظام يااخواننا انا قلقان
وضح أكتر
حضرتك من طبيعية فتيس الميجان ان فيه زنة خفيفة لما تجيب على الـ p و الـ r فهل حضرتك قصدك عليها و لا حاجة تانية ؟