lsa ma3`iartahash ya ahmed bas nawi a3melha fel 3boor
عرض للطباعة
lsa ma3`iartahash ya ahmed bas nawi a3melha fel 3boor
الاخوه الاعزاء
معايا ميجان 2000 و مصادفنيش موضوع الكويلات دي
اللي غيرته كان حساس السرعه بس
و غير كده تيل الفرامل بعد 50 الف كم و المساعدين بعد 80 الف كم
العربيه محترمه جدا ماشاء الله
أخوكم - حسن الرافعي - اسكندريه
لو يطارية الميجان ضعيفة تعرف أزاى ؟؟؟؟ ( من غير ما تكشف عند حد يعنى )
وأنت بتدور العربية تحس أن الموتور بيلقط على مراحل وبالتالى بياخد وقت اكتر فى الدوران
أنا كنت مرة بعمل صيانة و كان الموضوع ده بيحصل عندى قالولى دى البطارية
رحت عند واحد بتاع بطاريات وخليته يقيس شحنها و قالى كويسة مفيهاش حاجة
لما لقيت الموضوع ابتدى يزيد كنت برضه رايح أعمل الصيانة المجانية فى الميكانيكيون العرب و سألتهم وقالولى نفس الكلام
غيرت البطارية وفعلاً الموضوع ده أختفى تماماً
شكرا على المعلومة يا أحمد
العفو يا باشا
شكرا يا باشا بس هية كانت عندك نوعها اية ؟
احنا الى عندنا فارتا هل فيها نفس المشكلة دية ؟
ماتقلقش يا فهد أحمد عامل بالعربية تقريبا 80 الف كم و كان غير البطارية الأصلية و تقريبا دى التانية
على فكرة البطارية الأصلية كانت بتنزل تركى و ما بتقعدش كتير فكانت بتتغير فى أول سنة على حساب الضمان بفارتا
حضرتك غيرت البطارية فين ؟؟ وهل لازم تغييرها فى التوكيل أو مركز معتمد لرينو .. ولا عند أى حد زى أى عربية ؟
لأن فى واحد صاحبى لسة مغير بطارية سينيك فى التوكيل بـ 950 جنيه
أعتقد مافيش فرق هى بردوا تقريبا سبعين أمبير
فى التوكيل قالولى غيرها برة عشان هنا غالية :-)))
بس أهم حاجة حذرونى منها
1- القطب السالب فى البطارية الجديدة يكون مكان القطب السالب فى القديمة وكذلك بالنسبة للموجب
2- عدم اللعب فى أسلاك البطارية ( تطويلهم أو تقصيرهم )
بس وتم التغيير بره التوكيل
بس بعد التغيير بتحتاج تدخل كود الكاسيت وتعمل حاجة زى reset للزجاج الكهرباء بأنك تنزله كله لتحت وهتلاقيه بينزل بصورم متقطعة وبعدين تطلعه تانى ( برضه بيطلع بصورة متقطعة ) وبعد لما يطلع كله تفضل دايس على الزراير كأنك بترفع الأزاز لمدة حوالى 5 ثوانى وبعد كده الأزاز هيطلع وينزل عادى