اتأكد انك ديس فرامل كويس
عرض للطباعة
اتأكد انك ديس فرامل كويس
دوسة الفرامل عادةً لازم تكون لأخر الدواسة.....ساعات بتبقى أنت مريح رجلك بس على الفرامل و العربية مترضاش تدور.......
جرب و قولنا أيه الأخبار
انا جربت كتيروبتدور عادى بس اما بدوس على الفرامل مهما كانت الدوسة خفيفة بتدور عادى برضة ومابيحصلش الى حصل قبل كده الى هو صوت زنة والعربية ماتدورش
ومن دلوقت هتاكد انى دايس جامد فى جميع الحالات وان حصلت تانى هقول لكم
حصلت معايا مرة تانية وسالت 16202 قال احتمال محتاج صيانة مارش
بتحدف شمال::fdsa:
انا يا جماعه اشتريت الميجان عامله 4000كم يعني تقريبا زيرو وبعد حوالي عشر ايام ابتديت احس فيها برغبه في الدركسيون انه يميل شمال وخاصة في الطرق الوعره او المطبات.عملت كل حاجه من تغيير مكان الكاوتش الي الزوايا والتربيط والكشف علي ضغط العجل والعفشه.لكن مافيش فايده. في التوكيل طبعا عباقرة عملوا ايه؟:36_1_37[1]:نفخوا العجله الشمال علي34واليمين28 شفتوا بقى الحلول الجهنميه!!
العربيه مشت اسبوع تمام ولما ضغط الكاوتش اتغير رجعت الحدفه تاني.
واحد صاحبي عنده خبره في الرينو قاللي ان الشوارع عندنا معظمها مايل شمال والعربيه دي الاسكاتره بتاعتها حساسه والباور خفيف جدا فلازم تحس باي ميل في
الطريق.
انا ركبت ياباني كتير لكن عمري ماحسيت بكده والحكايه دي مجنناني وحتخليني اكره العربيه
علي فكره ان لقيت اخ في المنتدي عنده نفس المشكله يا تري لها حل ولا لأ افيدونا افادكم الله
لأ لسه ما حلتهاش...
هى بصراحة بتبان على السرعات المنخفضة
لو ماشى على ال 150 مثلا مش هتحس بيها
هى طبعا علشان العربية كلها مظبوطة فأنت بتحس بأقل حاجة غلط فيها...
و فعلا فى شوارع مش باحس فيها بالموضوع ده و بأكون مستغرب
و جربت أملأ الكاوتش نيتروجين لكن مالوش علاقة
لو حليت المسألة دى..أوعدك إنى هأقولك
شكرا يا اخ هاني وانا رايح التوكيل تاني يوم الاحد لو ظهر جديد حاقولك وحاجرب اتقل الرجلاش بتاع الاسكتره سنه صغيره......يمكن
باشا
موضوع أن العربية حساسة جداً للميل بتاع الشارع ده مظبوط
زى ما هى حساسة لأقل حركة فى الدركسيون.
عموماً أنت روح التوكيل بتاع المقطم لو تعرف و أسأل على وائل ذكى وقوله أنك من المنتدى و ربنا يكرم أن شاء الله.
انا كان عندي نفس المشكله لما اشتريت العربيه
روحت اظبط زوايا فقاللي العربيه كانت واخده مطب جامد لوح المساعد الامامي
غيرت المساعدين و الموضوع بقي تمام الحمد لله
ممكن برضه يكون في عندك جنط معووج ممكن يعمل الحتفه دي