يا جماعة بمناسبة نزول الساجا و العدد الكبير الي بيشتري دلوقتي ( الحمد لله ) يا ريت كل واحد يخش يقول كان احساسه ايه و هو بيشتري ( مقلق - زعلان - فرحان - مش فارقة معاه - ......)
و اه هو احساسه دلوقتي و ياريت لو كلمة لاي حد عايز يشتري و خايف ..........
عرض للطباعة
يا جماعة بمناسبة نزول الساجا و العدد الكبير الي بيشتري دلوقتي ( الحمد لله ) يا ريت كل واحد يخش يقول كان احساسه ايه و هو بيشتري ( مقلق - زعلان - فرحان - مش فارقة معاه - ......)
و اه هو احساسه دلوقتي و ياريت لو كلمة لاي حد عايز يشتري و خايف ..........
انا عن نفسي لما اشتريت كنت مستغرب جدا لاني نازل من بيتنا استلم لانسر استلمت جين 2 و مشيت ؟؟؟؟؟؟؟؟!!!!!!!!!
انا كنت حاجز لانسر و المفروض انزل استلمها ولما اتاخرت لايت الجين كانت موجوده قدام المعرض ( جين 2008 سوده اوتو ) و الغريب جدا اني عمري ما حطتها في حساباتي مع اني بحبها جدا و مع اني كمان عملت جرد لكل العربيات من رنج 80 - 100 الف و هي الوحيدة تقريبا الي تاهت عن بالي مش عارف ليه ؟؟؟؟؟؟ المهم اللانسر اتاخرتلظروف معينه .... قولتله انا مش عايزها انا هاخد دي ( الجين ) طبعا بابايا واقف مزهول وبيقول الواد دا مجنون ولا اه المهم اتفقنا واخدناها و الحمد لله العربية ممتازه جدا جدا جدا و مخيبتش املي فيها و دلوقتي طبعا اي حد يسال بابايا على العربية ينصحه انه يجيبها طبعا و بثقة كمان
احساس غير عادي يا محمد
تخيل بقالك 3 سنين يتدور على عربيه ووالدك كل اما تقوله (ها مش هنجيب العربيه ؟؟ يقولك كل حاجه في وقتها وهنجيبها بس استنى شويه)
تخيل 3 سنين بتدور وبتتعلم وبتقرأ معلومات جديده وبتتكلم على عربيه (وقت طويل مش كدا)
وفي 3 ايام بتحجز وبتستلم وبعدها بكام يوم بترخص وبيبقى معاك عربيه
تعب سنين تفكير وبحث وكلام واحداث راح في كام
وكمان كان في ناس واقفه جمبك بتساعدك
فعلا كل حاجه في وقتها والصبر مفتاح الفرج زي ما بيقولو
وربنا سبحانه وتعالى مرتب كل حاجه
الحمد لله كان مكتوب ليا طريق صحيح وخطوات سليمه 100%100
واخيرا شكرا لكل اللي ساعدوني
وبحمد ربنا على تحقيق اللي انا عاوزه
انا كنت حاجز العربية من شهر 4 اللي فات واستلمتها في شهر 9
طبعا كنت خلاص مخنوق من المعرض ومن عز العرب:khd: بس بعد ماشفتها واستلمتها نسيت كل حاجة:36_1_50[1]:
شكرا يا استاذ محمد على الموضوع الجميل دة وابتدى بقى
وانا بستلم كنت مستنى العربية تيجى من القرية الزكية وهى (برسونا اوتو ميتال جراى) واول ما استاذ محسن قالى عربيتك جت اهة وهى داخلة كدة كان اجمل احساس فى الدنيا العرية اللى حلمت بيها من سنتين اهة قدامى ويا سلام واللة جريت عليها واخدت المفتاح وقعت فيها حسيت انى دخلت قصرى وياااااا على اول طلعة كان يوم تحفة ولما جربتها بقى طول ما انا ماشى اقول ياااا الحمد للة الواحد مش عايز اكتر من كدة وكمان بقول الناس اللى بتتكلم دى على البروتون دى ناس ملهاش غير فى البطيخ بصراحة ولو فكرت اغير فى يوم من الايام حجيب بروتون بردة
وانا بنصح اى حد عايز يشترى ومقلق لا يخش بقلب جامد ويتوكل على اللة لانة مش حيندم لا دة حيحس انة ممكن يقارن عربيتة باى عربية جامدة زى الباسات والتيوتا وغيرة بل افضل وموضوع التقفيل دة موضوع نسبى ونادر ولو حصل بيتحل بسرعة وربنا يوفق الجميع
ودة كان انطباعى واللّة على ما اقول شهيد :ask::B4_007:
فعلا انا لما ركبت الجين 2 من زميلى ارتحت نفسيا لوسعها وخاماتها الداخلية والاوبشن والحركات اللى فى التابلوة هى مش الجديدة هى كانت موديل قديم ولسة كان شاريها ومنزلها من بلدها اشتراها من هناك ودفع جمارك قلى دا بتمن العربية منهم لله انا حسيت ان العربية محتويانى سبحان الله انا اشك ان اللى بيصمموا بروتون هم دكاترة نفسيين نيهههههههههههههههههه
انا لسه منضم للعائله امبارح فقط و ممكن اقول لكم علي حاجه غريبه جدا جدا
انا عمري ما كنت بفكر اجيب عربيه زيرو ولا كنت بفكر اني اجيب عربيه في الفتره دي
بس حصل معايا موقف غريب جدا جدا
شوفت الاعلان في الاهرام في شهر 12 الي فات
استغرب من العربيه (الساجا) و بعدين صادفت ان يعديها بكام يوم كنت في الداون تاون قلت اشوف ايه العربيه دي المهم دخلت المعرض
شوفت العربيه قلت ايه العربيه ده (صغيره - شكلها فيه حاجه غريبه)
كنت همشي من غير ما اركب العربيه ركب العربيه و ده نادر لما يحصلي حسيت براحه و اقتنعت بالعربيه قلت خلاص هجبها وبعد كام يوم حجزه و استنين و حصل كام موقف كده و كنت هلغي الحجز بس لاقيت نفسي مش قادر اروح الغي الحجز مش عارف ليه و الحمد لله استلمت العربيه
(فرحان - مبسوط - مستغرب - مش عارف ليه)
موضوع جميل اوى يا محمد
أنا من كتر ما قعدت أفكر فيها كتير قبل ما اشتريها.....لما روحت استلمها ، حصل الاتى :-
جين : أتأخرت كده ليه
أنا : متأخرتش ولا حاجة
جين : أنا مستنياك من بدرى أوى
أنا : معلش كنت متردد وقلقان وخايف
جين :ليه بس ، ده انا حلوة خالص
أنا : مانا عارف ن بس انتى عارفة الناس بتتكلم كتير اوى
جين :عموما خلاص...احنا هانبقى مع بعض على طول من اول دلوقتى
أنا : أنا مبسوط اوى انك معايا .....يالله بينا......فوووووووووو
_______________
هاااااا......حد فهم حاجة..... :C_laugh[1]:
أنا كنت عامل زيك يا محمد باشا
كنت بدور على نيسان
وروحت جبت الجين2
أول مرة أركب العربية .. كانت يوم ما أستلمتها
بعد ما دفعت الفلوس .. وخلصت الأوراق وواخدها من التوكيل ومروح على البيت
دى كانت أول مرة
طبعا كنت مبسوط جدا .. والحمد لله
شكرا يا جماعة على كل الردود و بجد دي تجارب مهمة جدا و كل واحد و هو بيشتري كان تفكيره مختلف عن التاني خالص و احساسه كمان بس اهم حاجة اننا كلنا دلوقتي احساسنا واحد و هو اننا فرحانين بالجين جدا شكرا لكل الي شاركه و شكرا لمصفى على المشاركة المميزه كالعاده
موضوع جامد كالعادة يا محمد
أنا بصراحة لما استلمت حسيت إنى كنت بحلم
ما شاء الله عمرى ما فكرت إنى هجيب عربية بالجمال و الإمكانيات و السعر ده لأ و كاش كمان (على فكرة السعر ده ما أقصدش الرخص أقصد إنى أصلا ميزانيتى كانت آخرها فى الستينات و تقسيط كمان)
بس عارف إيه أجمل حاجة فيها إنى لسه عايش الحلم ده لحد دلوقتى بعد 6 شهور كاملة من شراها و إن شاء الله أفضل عايشه كده علطول
انا حجزن يوه 7/12 واستلمت يوه 31/12 وكان يوم غير عادي
بدء اليوم بي السفر الي السويس وكان معايا اخو مراتي واخدت واحد صاحبي معايا لانه من العيله (معاه جين2 2009)
وكان معايا كبير البروتوناوين علي التليفون اول باول
ولما رحت لمحسن كانت الساعه 1.45 المهم رحت هناك محسن قالي اتاخرت ليخ العروسه مستنياك
ساعتها انا ماكنتش اعرف اي حاجه عن معني التركيز
المهم وقفت كاني مش موجود مضيت علي الورق بتاع التسليم :3_3_102[1]:وفجاه لقيت العروسه داخله عليا ومنوره بسم الله ماشاء الله ايه الجمال ده ولقيتها مغسوله ومتروقه المهم معرفش انا كنت في عالم غير العالم وكاني انا مش صاحب العربيه احساس غريب قلت لاخوا مراتي وصاحبي استلموا العربيه قعدوا يقلبوا فيها يمين شمال وانا عمال اتفرج وقلت لخوا مراتي شوف الراجل
المهم اداله الي فيه النصيب وانا مش موجود خالص
قلت لصاحبي خد المفتاح وروح فوول العلابيه قالي طيب ماتروح انتا قلتله لاء انا نسيت السواقه ( انا بسوق من اكتر من 13 سنه) قالي طب تعاي معايا قلتله لاء
المهم مشي بي العربيه وانا عمال اتفرج عليها وعيني عليها لغايه ما جات المهم كنت في دنيا تاني لدرجه اني نسيت الورق بتاع العربيه في عربيه صاحبي المهم ربنا يباركلي فيها
جاااااااااااااااااااااااا اااااااااااامداقتباس:
المشاركة الأصلية كتبت بواسطة مصطفى_صديق