ايه احساسك لما واحده ست او انسه تسوق قدامك بسرعه السلحفه وتكسر عليك

**walidtony** · 31-01-2010 11:49 AM

ايه احساسك لما واحده ست او انسه تسوق قدامك بسرعه السلحفه وتكسر عليك
انا يصراحه بتشل وبحس اني حتجنن لا عارف ازعق ولا اقولها ايه والهانم بتكسر عليك وعلى الشارع كلو ومش حاسه باي حاجه ويا سلام يا ليلك وسواد ليلك لو وحده خبطتلك عربيتك تلاقيها يعيني بتعيط ومخضوضه ومتعرفش تاخد منها حق ولا باطل انا بصراحه زهقت من سواقتهم

**MNBahr** · 31-01-2010 11:53 AM

إحساس غبي ..
يارب ابعد عنا كل واحدة راكبه ماتريكس وماشية تكسر عالخلق

**mina_ramsis** · 31-01-2010 11:58 AM

اخى الفاضل اعتذر اذا كان ردى هيزعلك
ممكن اسأل حضرتك سؤال : هو حضرتك كبرت لقيت نفسك بتعرف تسوق و لا اتعلمت السواقة بالتدريج ؟
حط نفسك مكانى انا دلوقتى ادعى انى بعرف اسوق كويس و حصلت ظروف طارقة خلتنى اعلم اختى السواقة و امشى معاها بالراحة و الصراحة بلاقى ناس محترمة كتير لما يعرفوا انها بتتعلم بيقفوا تماما و يخلوها تعدى و هما راضيين تماما و بيسلموا عليا كمان و فى ناس تانية تقعد تزعق و تحاول تتخانق معايا مع العلم انى بعلمها فى مطنقة هادية
يارييت تكون فهمت قصدى و مرة تانية ماتزعلش منى

**walidtony** · 31-01-2010 12:22 PM

بس انا مخنوق لان انا كنت ماشي على كوبري اكتوبر و في واحده ماشيه ورايا وكل ما ادوس فرامل احط ايدي على قلبي و طبعا بعد ما اطمنتلها الهانم بعد مانا وقفت خبطتني من ورا وهيا راكبا لادا
ليه لان ابنها اللي قاعد على الكنبه ورا بيعيط تقوم هيا تسيب العلابيه متشيه وتشوف الواد بيعيط ليه وانا عادي جدا عربيتي واطيه اوي ف اكصدام الهانم كسرلي الفانوسين الخلفيين وكمان الفوانيس ديه مش موجوده في مصر طب قولي اعملها ايه ولا اي حاجه الهانم بتعيط

**sherifahmed** · 31-01-2010 12:31 PM

يا جماعة القكرة اصلا ان الستات غير مهيأين للسواقة
الراجل و هو صغير و هو نفسه يسوق عشان دماغ الراجل مصممة انها تتعامل مع الالات كأنها امتداد للجسد بس الستات ببتعامل مع العربية كأداه غريبة
و الدليل ان الراجل ممكن يقضى ساعات عشان يلمع العربية بس
يعنى انا مثلا مش بفكر فى السواقة و انا بسوق
بسوق كأنى بتنفس كأنها حركات غير ارادية
لكن الست تفضل تفكر انا جايبة غيار ايه؟ انا لما ادوس فرامل لازم ادى دبرياج؟ كدا يعنى

**Survival** · 31-01-2010 12:32 PM

و ايه المشكلة انه يكون فى حد بيتعلم و يمشي بالراحة على اد امكانياته لحد ما يتعلم ازاى يمشي فى السيرك المصرى
وبعدين نلتمس الاعذار للناس سواء كانوا ستات او رجاله محديش يعرف ليه هو عمل كده
اللى بيتعلم مفروض يمشى على اليمين و بكده هيكره السواقة بسبب الاتوبيسات و الميكروباصات واللى عاوز يركن و اللى عاوز يطلع.
و لو مشى شمال هيعطل اللى عاوز يجرى ومستعجل وان حب ياخد سرعة يمكن يلاقى واحد واقف له فى يوترن ويمكن يخبطه لانه لسه بيتعلم.
لو مشي فى النص و هو لسه جديد بنسبة كبيرة هيخبط حد.
يبقى الحل ايه الحل ؟؟؟؟

**M.Mostafa80** · 31-01-2010 12:36 PM

هههههههههههههههههههههه
أنا ببعد خالص عنهم أو من وراهم متبعا أبعد عن الشر وغنيله بس دا ميمنعش ان فى ستات بتسوق احسن من الرجاله
انا بقى حصل معايا موقف كان ممكن يؤدى لكارسه
واحد بيه بيعلم الهانم وعلى مطلع كوبرى الجيزه عربيه وقفت قدامها طبيعى واحده بتتعلم تقف وراه لحد ما يمشى لأ كسرت عشان تطلع منو وانا ماشى موازى ليها كانت هتنزلنى من فوق الكوبرى لولا ستر ربنا وعدى الموقف بكلم البيه اللى بيعلمها مش عاجبو
بصراحه مقدرتش امسك نفسى شتمتو وشتمتها وسيبتهم ومشيت

**MNBahr** · 31-01-2010 12:37 PM

المشاركة الأصلية كتبت بواسطة mina_ramsis

اخى الفاضل اعتذر اذا كان ردى هيزعلك
ممكن اسأل حضرتك سؤال : هو حضرتك كبرت لقيت نفسك بتعرف تسوق و لا اتعلمت السواقة بالتدريج ؟
حط نفسك مكانى انا دلوقتى ادعى انى بعرف اسوق كويس و حصلت ظروف طارقة خلتنى اعلم اختى السواقة و امشى معاها بالراحة و الصراحة بلاقى ناس محترمة كتير لما يعرفوا انها بتتعلم بيقفوا تماما و يخلوها تعدى و هما راضيين تماما و بيسلموا عليا كمان و فى ناس تانية تقعد تزعق و تحاول تتخانق معايا مع العلم انى بعلمها فى مطنقة هادية
يارييت تكون فهمت قصدى و مرة تانية ماتزعلش منى

حضرتك بتتكلم على إنك بتعلم أختك في حتى هدية..احنا هنا بنتكلم علي سايبين الستات في ال شوارع الزحمة يمشوا يخبطوا في الناس !!!!

**dolly13** · 31-01-2010 12:51 PM

اعزائى الرجال
انا واحدة ست وباسوق من 3 سنين واقدر اقول من حالة عربيتى ومن حالة عربيات كل اللى بيمشوا جانبى ويعدوا بعربياتهم فلة زى ماهى انى بقيت باسوق كويس
لكن تعالى بقى وشوف لو انا ماشية بسرعة على الشمال ايه اللى ممكن يحصل من السادة الافاضل الرجال
منهم المنفسنين
ازاى واحدة ست تعدى وتسبق وتسوق بسرعة
ومنهم المؤذيين
يعنى اكتر من مرة الاقى رجالة بيحاولوا يلبسونى مصيبة ولو حد لسة جديد فى السواقة اكيد مش هايعرف يتصرف فى المواقف دى
وفى اللى سايق الهبل على الشيطنة
يعنى تبقى واخد طريقك وماشى وتلاقى واحد محترم كسر عليك بغباء واقل واجب انه يعتذر لكن هيهات ان راجل يعتذر لواحدة ست
وفيه اللى مابيعرفش يسوق زى اللى قابلنى النهاردة
طلع من ميكروباص على اليمين وجه فى وسط الشارع وقام مهدى على الاخر ولا كانه شارع باباه
سورى ياجماعة الموضوع مش راجل وست وده دماغه متظبطة مع العربيات ودى دماغها متظبطة مع حلل المحشى
اكـــــــــــــــــــــــ ـــــــــــيد لالالالا
الموضوع كله ممارسة واحتكاك بالشارع وعدد ساعات سواقة
ودى طبعا الراجل يتفوق فيها الى الان
لان الست لم تمارس السواقة بهذا الكم الرهيب غير من سنتين تحديدا
يعنى اوعدكم ان كمان سنتين هاتشوفوا الست بتسوق عادى خالص وهاتتخلص من مشاكل السائق الحديث
ارجو انى اكون وضحت وجهة نظرى بدون حساسية
انا عارفة ان فيه ستات كتير لسة بتعك جامد وكل الحكاية مسالة وقت
فصبرا جميل

**shouk_1987** · 31-01-2010 01:05 PM

المشاركة الأصلية كتبت بواسطة adelll13

اعزائى الرجال
انا واحدة ست وباسوق من 3 سنين واقدر اقول من حالة عربيتى ومن حالة عربيات كل اللى بيمشوا جانبى ويعدوا بعربياتهم فلة زى ماهى انى بقيت باسوق كويس
لكن تعالى بقى وشوف لو انا ماشية بسرعة على الشمال ايه اللى ممكن يحصل من السادة الافاضل الرجال
منهم المنفسنين
ازاى واحدة ست تعدى وتسبق وتسوق بسرعة
ومنهم المؤذيين
يعنى اكتر من مرة الاقى رجالة بيحاولوا يلبسونى مصيبة ولو حد لسة جديد فى السواقة اكيد مش هايعرف يتصرف فى المواقف دى
وفى اللى سايق الهبل على الشيطنة
يعنى تبقى واخد طريقك وماشى وتلاقى واحد محترم كسر عليك بغباء واقل واجب انه يعتذر لكن هيهات ان راجل يعتذر لواحدة ست
وفيه اللى مابيعرفش يسوق زى اللى قابلنى النهاردة
طلع من ميكروباص على اليمين وجه فى وسط الشارع وقام مهدى على الاخر ولا كانه شارع باباه
سورى ياجماعة الموضوع مش راجل وست وده دماغه متظبطة مع العربيات ودى دماغها متظبطة مع حلل المحشى
اكـــــــــــــــــــــــ ـــــــــــيد لالالالا
الموضوع كله ممارسة واحتكاك بالشارع وعدد ساعات سواقة
ودى طبعا الراجل يتفوق فيها الى الان
لان الست لم تمارس السواقة بهذا الكم الرهيب غير من سنتين تحديدا
يعنى اوعدكم ان كمان سنتين هاتشوفوا الست بتسوق عادى خالص وهاتتخلص من مشاكل السائق الحديث
ارجو انى اكون وضحت وجهة نظرى بدون حساسية
انا عارفة ان فيه ستات كتير لسة بتعك جامد وكل الحكاية مسالة وقت
فصبرا جميل

رد مقنع جدا بصراحة
بس أنا زعلان أوى على الراجل صاحب الموضوع اللى معاه شيروكو وفوانيسه طارت ولأ من لادا فده هيصبر لغاية امتى ؟؟؟

الموضوع: ايه احساسك لما واحده ست او انسه تسوق قدامك بسرعه السلحفه وتكسر عليك

LinkBack

أدوات الموضوع

عرض

-

-

-

-

-

-

المواضيع المتشابهه

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

كده يبقي البنزين ها يترفع بس واحده واحده

سؤال الى كل سيده او انسه

واحده مش عارفه تسوق فى بريطانيا

الكلمات الدلالية لهذا الموضوع

المفضلات

المفضلات

ضوابط المشاركة