فهمك والله :vctry:
وعندك حق وإبتديت ألاحظها للأسف وأكيد ده بان في مشاركاتي!!!
عرض للطباعة
والله صاحب الموضوع لو ماكنش يهمه رأى الناس ماكنش ها يعمل المقارنة واعتقد انى لو من مكانه ها اسأل ليه انت بتقول كذا افضل، يا اقتنع يا اما مش اقتنع واشكرك.
اما الناس معاك ممكن تزعل وتتضايق لو انا مصمم ان العربية افضل من عربية تانية العقل والمنطق بيقول انها افضل من جميع النواحى، لكن لما افرد الحقيقة فقط واقول مميزات السيارة دى اللى شايفها تتميز بيها عن لاسيارة التانية الناس المفروض مش تتضايق.
ارجو ان يكون وصلك معنى كلامى.
اكيد متفق معاك بدليل
بس انا ممكن مثلا اقول ان اللينيا تتميز فى استهلاك الوقود وفى نفس الوقت جرااااية (ممكن الميزة دى تعجب صاحب الموضوع ولو مش عجبته انا مش ضريته فى حاجة ولا قللت من الباسات والجيتا ولا عليت من شأن اللينيا)
لأ هنا فى حاجه غلط
أنك مخدتش زى ما بنقول الـ customer quality
أقصد طيب السزوكى ماروتى أوفر فى البنزين من الباسات هل أرشحهاله
بالتأكيد لأ
القاعده أن مفيش عربيه كامله
من 128 للبوجاتى فيرون
كل عربيه ليها عيب وميزه
الفكره بقى مش أن لأنى بحب فيات أنى أشوف الميزه الى فيها
أو بتتميز فى أيه عن الباسات وأفردها للى محتاج المقارنه
أنا هنا شتته بعيد عن مراده
راكب الباسات فى فئه تانيه عن راكب اللينيا
كذلك الميرسيدس مش زى الى راكب باسات و هكذا
من الاخر يمكن تفهمنى بالمثال ده
أنت عاشق لفيات و الينيا على وجه التحديد
تصور فى مقارنه بين اللينيا و السيراتو يا سيدى
أنت مقتنع أن الينيا أفضل من السيراتو فى كل شىء صح
أعمل أنا أيه بقى
أصطاد الميزه الى فى السيراتو مش فى اللينيا
أدخل اقول للراجل شكل السيراتو أحدث و ثورى و فخم و و و
وأتجاهل باقى المميزات الى بتتفوق فيها اللينيا على السيراتو
أنا كدا و بكل وضوح ضللت الراجل و أذيته
نفس الكلام
هل يعقل أقحم اللينيا مع الباسات بحجه أنها موفره أكثر فى البنزين!!
بردو انت ظلمتنى فى حاجة، انا قولت مع احترامى الشديد للسيارة الموجودة بالمقارنة وعدم العيب فيها، فقط ذكر مميزات السيارة اللى حابب اعرضها بدون الذم فى السيارة المنافسة وطبعا عدم قلب الحقائق بخصوص سيارة ممتازة فقط عشان اثبت ان عربيتى افضل، ومعاك ان مش ينفع احط اللينا او اعرضها على شخص معين بيقارن مابين حاجتين تانين خالص، انا كان كلامى عام وليس عن موضوع محدد.
على فكرة انا من عاشقى البرافو بوجه التحديد يا باشا :)
تقبل احترامى لمناقشتك المثمرة وحبك لماركة فيات وغيرتك على اسمها بين اعضاء المنتدى