من مصادر موثوقة اللينيا موديل ٢٠١٠ هيغلى والكلام ده أكيد لكن الله أعلم هتعلى قد إيه:khd:
عرض للطباعة
من مصادر موثوقة اللينيا موديل ٢٠١٠ هيغلى والكلام ده أكيد لكن الله أعلم هتعلى قد إيه:khd:
جاتهم غلوة في دماغهم و ي دماغ كل مسئول عن الأسعار و الجمارك و الضرائب
حسبي الله و نعم الوكيل
على فكره مش بمزاجهم لإني عارف هما بيبعوها بخساره قد إيه حاليا وده عشان العربيه تبتدي تنتشر
لما ينزلو تمن العربيه من ميه حاجة وعشرين لميه ومكسبهم فيها بعد ما زودوا سعرها ألفين جنيه لا يتعدى الألفين جنيه يبقى بيخسروا فيها في مقابل إن عربيات تانيه مكسبها لا يقل عن ال١٠ ألاف بعد أجمد العروض
ولما يبقى الناس جيه بتسأل على العربيه والتوكيل خلص الستوك بتاعة ومش باقي عنده غير كام لون يبقى فعلا إبتدت تنتشر مقارنه بإنها مكانتش بتتباع في أول السنه ولا حد يعرفها وهي مش هتغلى كتير ولا هتوصل للسعر القديم بس أنا قلت للناس الي عرفته عشان فيه ناس كانت مستنيه موديل ٢٠١٠ على إنه بنفس السعر
ومش عارف حضرتك داخل فيا شمال ليه وكإني أنا الي شغال في التوكيل ولا بحط الفلوس في جيبي أنا عميل زي زي أي حد
يا أستاذ yoko أنا مش داخل شمال ولا حاجة
ده أنا محاسب على كلامي عالاخر وبقول اسف وحضرتك :D
يا سيدي متزعلش وأنا من الناس اللي عجبها العربية بسببك أصلا وفعلا بفكر فيها بس الواحد زهق من طمع تجار السوق
أنا بتكلم من وجهة نظري المتواضعة وشايف أن مكسبهم أكتر من ألفين جنيه والستوك أصلا قليل
معلش بس للأسف حاسس إن الناس كتير بقت تخش فيا شمال عشان بقول الفيات حلوه وكإني أذنبت في حقهم وأنا متأكد من الحكايه بتاعت المكسب دي لإني عرفتها من أكتر من واحد في التوكيل وهما مش عملوا كده بمزجهم لكن عشان العربيه كان سعرها عالي قوي ومبتتبعش :khd: لكن والله لو حضرتك ركبتها وسقتها هتعرف إنها تستحق أكتر من كده وشوف سعرها كام في ألمانيا أو في أي بلد تانيه وإنت تعرف إنهم مكسبهم يكاد يكون صفر
المشكله انهم فى الأول سعروها غلط وكانت اعلى فئه ب 135 الف وفى اخر يوم فى معرض اوتوماك 2009 نزلت الى 130 الف وبعدين نزلت حتى 110 الف وفعلا بالسعر ده كانت تحت التكلفه او زى ما اعلنوا ان بدل الدعايه رخصوا السياره وكلنا توقعنا ان السعر لازم يزيد
اتمنى لك النجاح يا أحمد من كل قلبى وربنا يوفقك
صح كده يا بشمهندس لإن مش معقول التوكيل بيكسب حوالي ٢٥٪ من تمن العربيه أو أكتر
وإدعولي جامد لإني عكيت جامد النهارده