في حاجه بتضحكني هنا في مصر. بعض الوكلاء لتفادي خفض سعر الموديل القديم عند نزول الجديد بيلجأ لحركات ولا حركات الحاوي. اكبر مثال الهيونداي من سنة 1998 لحد 2006 ظلت الاكسنت تنزل مصر بالشكل القديم و الحقيقة في نظري ان غبور اشترى كل لوط الاكسنت القديم بسعر رخيص جدا نظرا لتوقف موديله من 2001 و زود سعرها من 35 الف في 98ل و 99 الى 60 الف في 2006 و لما حب ينزل موديل 2003 و 2004 راح مسميها فيرنا و اعتبرها فئه مختلفة و نزلها ب 73 الف و هي تمنها اساسا 60 الف بس رفع السعر جدا علشان تظهر انها فئه مختلفة و كمان علشان يجذب الناس تشتري الشكل القديم علشان مكسبو في عالي و كمان يخلص من البواقي اللي فاضله عنده و اهو اللي عاوز الموديل الجديد (فيرنا) يشتري بالغالي و اهو برضه الغالي للغالي و المكسب معدي ال 15 الف و ماله. و لما نزل موديل 2005 و 2006 راح ملقاش اسم جديد ليها فاخترع اسم للشكل القديم قالك ديكها كانت اسمها فيرنا فيفا بس احنا نسينا كلمة فيفا من زمان انما الجديده دي بقى تبقى الفيرنا الاصلي و طبعا فضل ينزل الفيفا لحد 2009 مع انها انتهت من 2004!!!! بس مصر عامله زي مزبلة العالم بدل ميرموا الموديلات القديمة او يعيدواتصنيعها غبور بيشتريها برخص التراب و يبيعها بسعرها كأنها موديل السنه!!!!!! و دلوقتي موديل الاكسنت الجديد نزل راح مسميها نيو اكسنت و الحدوته بتعيد نفسها من جديد و انا و انتو اهو حتشوفو بعد سنه او اتنين لما الاكسنت حتنزل شكل جديد حيسميها اكسنت سبورت او نيو فيرنا او اكسنت فيرنا و حيرجع النيواكسنت لسعرها الاصلي ب 60 او 65 الف و حيبيع الجديده ب 15 الف زياده وبلاش نعيد الاسطوانه
المفضلات