ارجو المساعده محتاج سلك فرامل يد سكينه لجولف 2

**elbroksh** · 31-01-2010 09:17 PM

السلام عليكم
ارجو من خبراء الجولف لو حد يقدر يدلنى على حد بتاع قطع غيار اجيب منه سلك فرامل يد سكينه لجولف 2 موديل 85
مع العلم انا دورت عليه فى الحرفيين وفى ناس قالتلى سلك السكينه ده نادر وهو موجود فى الجولف 2 موديل 85 و 87

**romeo_6887** · 31-01-2010 11:27 PM

لو حضرتك تقدر تيجي بورسعيد
و تروح علي الشونه هتتلاقاه
ان شاء الله

**iBiZa** · 01-02-2010 09:23 AM

جرب بتاع الGolf III و موجود جديد فى حدود 250 جنية و انا مركبة على الIbiza بتاعتى بس احتاج تظبيط خفيف.

**elbroksh** · 01-02-2010 11:18 PM

شكرا على الرد بس مسالة بورسعيد دى صعبه شوية وانا لفيت على بتوع قطع غيار الالمانى ملقتوش خالص لو كان عندهم لاى موديل تانى كانو قالولى ياريت لو تعرف يا Ibiza حد معين فى القاهرة تقولى عليه وفيه واحد ميكانيكى فى الحرفيين قالى يعرف حد ممكن يفصلو وهيكلفك فى حدود 110

**iBiZa** · 02-02-2010 10:28 AM

المشاركة الأصلية كتبت بواسطة elbroksh

ياريت لو تعرف يا ibiza حد معين فى القاهرة تقولى عليه

فية الشيخ حسن فى الحرفيين و بعدية بناصية الكوثر طالع بسلالم لفوق, غالبا هتلاقى عند حد فيهم.

**elbroksh** · 03-02-2010 10:04 PM

المشاركة الأصلية كتبت بواسطة ibiza

فية الشيخ حسن فى الحرفيين و بعدية بناصية الكوثر طالع بسلالم لفوق, غالبا هتلاقى عند حد فيهم.

للاسف ما عندهمش عشان انا كنت عند رضا الميكانيكى كنت بغير سير كاتينه وسالت عندهم وما لقيتش بس رضا الميكانيكى قالى يعرف واحد ممكن يفصل السلك بس انا كنت افضل اشتريه احسن

**iBiZa** · 04-02-2010 11:39 AM

لأ مش عارف مين تانى فى الحرفيين ممكن يكون عندة, طيب ما تجرب تسال علية استيراد.

**elbroksh** · 30-03-2010 10:22 PM

يا جماعة انا خلاص زهقت حاسس انى بدور على الزيبق الاحمر مش لاقى سلك فرامل اليد كله عمال يقولى موجود بتاع موديل 90 واقصر من السلك بتاعى يا ريت لو حد يعرف مستورد كبير او بتاع قطع غيار الاقيه عنده انا خلاص يئست مش عارف اعمل ايه اسافر المانيا يعنى :)

**saba** · 02-04-2010 10:49 AM

يا ريت والله تسافر المانيا و بتمن عربيتك تشترى اجدع جولف 4 هاى لاين وتعيش لمدة شهر بباقى الفلوس وما تنساش تاخدنا معاك من فضلك اتفرج و اتعقد http://www.autoscout24.eu/List.aspx?vis=1&make=74&model=2084&fuel=B&fregfrom =1998&fregto=1&pricefrom=1000&cy=D&page=1&maxresul ts=500&results=20&ustate=N,U&um=True&sort=price&zi pc=D&mmvco=1&mmvmk0=74&mmvmd0=2084