الموضوع: اكبر مقلب اخدته في حياتي ( طويل شويه بس هتضحك من قلبك )

المشاركة الأصلية كتبت بواسطة smsmxxxxxx

بالنسبة لموضوع البنت مخطوبة ولا لاء ولا دا سين علشان تخلع
كل دا مش مهم

انا اللى متدايق علشانه
ازاى تسيب صديق بقالك معاه 10 سنين

اكيد هو كويس علشان كده صاحبته كل المدة دى

حاول تتكلم معاه وتشوف ايه الموضوع بالظبط
لان يمكن البنت تكون مخطوبة فعلا بس فى مشاكل مع خطيبها وهتسيبه
وصاحبك شايف انك احسن منه وشايف ان ممكن تتوفقوا مع بعض
واكيد عارف ان زوقق عالي علشان كدة مختارهالك حلوة جدا

---------------
محمد سالم

كلام زي الفل بس يعني سي وائل مش عارفه انها مخطوبه و لا لأ ؟ بالعقل اكيد عارف
طب ايه لزومه اللي عمله

المشاركة الأصلية كتبت بواسطة أحمد كمال

لا اخلاق و لا دين توافقك على كلامك

ايه الكلام الغريب ده

لا يجوز شرعا ان يخطب المسلم على خطبة أخيه

يعني لحااااااااااد ما تتفركش الخطبة انت و لا تفتح بقك و لا هي تشوف عريس تاني و لا نيلة

و يعني ايه شايفه احسن فبيظبطه معاها عشان تسيب خطيبها

تقبل انت تبقى خاطب و يتعمل فيك كده؟



لا اله الا الله ......... انا بجد مش عايز اقول كلام يزعل الناس مني

يا باشا انا معرفش انها مخطوبه اصلا و متزعلش نفسك بس

المشاركة الأصلية كتبت بواسطة shnory

وائل !
فرح !
مخطوبه !
شريف خطيبي !
خيشت بالعربيه !!!!!!

طبعا مع احترامي الكامل للشخصيات اللي كانت موجوده
بس انا حقول رايي بصراحه
بغض النظر عن وائل واللي عمله فالراجل كان قصده خير والله اعلم خير ازاي و هو عارف انها مخطوبه و ده اكيد يعني
نيجي بقي للهانم بنت خاله خطيبته المصون
واللي طبعا بما انه جايبلها عريس فده يدلنا علي انه مشافش دبله في اديها
ولما انت بنت خالتها هي كمان متعرفش انها مخطوبه اذن فهي مرتبطه او مخطوبه في السر لا لا اكيد صاحبه سي وائل عارفه و هما ناس محترمين
وبما انها طلعت تتكلم ورجعت تقول دا شريف خطيبي اذن فهي جريئه زياده عن اللزوم
وبنت زي دي متنفعش لخطوبه دا اولا بلاش تظلمها بس الله اعلم بالنفوس
ثانيا بقي انت عمال تحلم باليوم ولما اتصمت صدمت عربيتك
دا علي اساس ايه ؟؟؟؟؟؟؟؟؟؟؟؟
انك كنت عايش معاها قصه حب مثلا واتصدمت لما خانتك ؟؟؟ ههههههههههههههههههههههه
ولا كانت بنوته روشه وعامله الحبتين بتوعها وزعلان انك متعرفتش عليها؟؟؟؟ لا خالص لا ده و لا ده
يا راجل انا اعرف ناس بتخسر حب عمرها ومش بتعمل اللي انت عامله ده هو انا عملت ايه بس ؟ دي حادثه حصلت عشان دمي كان محروق من اللي حصل
عموما في الاول والاخر
انت لقيت انها بنت جميله متتسابش ربما
وهي لقت ان شريف احسن منك ربما
ولو مكانش شريف احسن منك اكيد كانت حتسيبك بعد كده لشريق تالت احسن منكم انتم الاتنين
والنوعيه دي انا محترمش وجودها ولا تفكيرها قولنا بلاش تظلمها بس و الله اعلم بقلوب العباد
لانها بتبقي دايما متطلعه للاحسن ومش بتحترم الراجل اللي معاها لا تعليق
انت بس فوق لنفسك علشان مش كل واحده تطلع مخطوبه تخبط بعربيتك بعدها
امال لو مسكت ايدها كنت حتعمل ايه ؟؟؟؟ هههههههههه
حتقلب بالعربيه ؟؟؟؟ ليه يعني ؟ علي فكره حضرتك كده ظالمني جدا و انا كتبت قبل كده اني تقيييييييييل جدا لدرجه ان في ناس بتفتكرني بتنك عليهم
ربنا يوفقك للاحسن بس راجع نفسك وغير اسلوب اختيارك


هي بقت ماشيه كده دلوقتي؟؟؟؟؟
والحجز بيشتغل قبلها بمده ؟؟؟؟؟
طيب فرضا مشاكلها مع خطيبها اتحلت ؟؟
حتصاحب واحد وتفضل في عصمه التاني ؟؟؟
ولا حتعمل ايه ؟؟؟
ولا هو شريف بتاعنا احسن واحد في الكون ومفيش امل انها تلاقي حد احسن منه بعد ما تسيب خطيبها الاول وتتخطب لشريف الثاني؟؟؟؟
هو حصل ايه في الدنيا يا رجاله الحسابات اختلفت ليه ؟؟؟؟؟؟؟؟
والنخوه راحت فين
الواحد يعجب بواحده مخطوبه وتعجب بيه دا كلام زي الفل وبيحصل كتير
بس مش علشان النهايه انها تكون حتصون بيته
انا بصراحه مشعاوز اتكلم علشان محدش يزعل مني
بس الكلام ده الي بيتقال
علي صحوبيه ودلع يبقي زي الفل
ونعيش العيشه الفل
انما علي جواز واستقرار فانا شايف ان الردود غير مناسبه للموضوع والحوار اخد اكتر من حقه

يا معالي الباشا بس متزعلش نفسك و بجد انا استمتعت بقرايه تعليقك

المشاركة الأصلية كتبت بواسطة shiko85

يا رب


لا كده غلط هو كان عايز يخدمك و اكيد كان قصده خير و اكيد هو شايف و عارف انك انسان كويس و هو ده السبب انه عمل كده بس مفيش نصيب و مفيش سبب علشان متردش عليه لان هو معملش فيك مقلب و انت مش ضعيف او عامل عمله علشان متردش عليه و هو معملش حاجه علشان متردش عليه رد و اسمع هيقولك ايه (مش ممكن يكون شريف فسخ الخطوبه)
و بجد لو زى ما بتقول انه هاريك تيليفونات يبقى رد عليه او كلمه علشان كده غلط فحقك
(انا طبعا مليش حق انى اقولك تعمل ايه و متعملش ايه بس انا بقولك اللى كنت هقوله لأخويا بالظبط )

يا باشا طبعا احنا اخوات و انا مش برد عليه عشان محروق دمي بس

بص انت الوحيد اللى تقدر تحكم على صحبك ده يعنى اكيد سهل عليك تعرف ازاى كان عايز يخدمك و لا بيعمل فيك مقلب بس فى اعتقادى الشخصى انه مش هيعمل فيك مقلب فى حاجه زى دى خصوصا يوم خطوبته (يعنى هو مش فاضى و مش فايق قوى علشان يعمل فيك مقلب) هو كل اللى حصل انه كان عايز يخدمك بس فى الأخر الموضوع مش بيده و دا نصيب
وان شاء الله ربنا يكرمك بواحده احسن منها و الله لو هى نصيبك مش هتروح لحد غيرك

علي فكره كانت خطوبه اخوه و انا مش زعلان من حاجه اصلا

المشاركة الأصلية كتبت بواسطة kangaro

تقريبا مفعول ال "بلاك اكس" ما جابش نتيجة

ههههههههههههههههههههههههه هههههههههههههههههههه يظهر كده بس طول عمر البرفان ده بيجيب نتايج هايله مش عارف ايه اللي حصل المره دي يمكن الواحد كبر و عجز حبتين

المشاركة الأصلية كتبت بواسطة shiko85

:s_thum1[1]:




جزاك الله خيـــــــــــــــــــــــ ـــــــــــــــــــــر



تمـــــــــــــــــــــــ ــــام كده



انا مختلف مع حضرتك فالجزء بتاع البنت (بلاش نظلم حد و نظن فيه بدون دليل) منكم تكون بتدور على ابن الحلال مش عيب و مش معنى انها قامت تتكلم فالتيليفون تبقى جريئه زياده عن اللزوم و متنفعش للخطوبه, لكن انا معاك 100 % فالباقى بس ليا تحفظ برده على جزء صغير هو احساسى ان صاحب الموضوع مش زعلان على البنت علشان روشه (مش دا اسلوب تفكير واحد عايز يرتبط و ربنا يكرمه و يتزوج)(ولو هو ده تفكيره يبقى غلطان و هيفضل اختياره محصور على الشكل فقط و ليس الأخلاق و الدين و المستوى الفكرى و الأجتماعى) بس انا شايف انه فعلا عايز يرتبط و شكله كده مستعجل و شكله كده حس انها مناسبه و فيها الموصفات المطلوبه, اى حد مكانه (يعنى بيدور على بنت الحلال و واحد يقوله عندى ليك بنت كويسه و يروح و يلاقيها مناسبه (الأنطباع الأول هو الأساس) و يحس كده انها هانت و ربنا كرمه, فجأه مش بس يضيع منه كل ده لا اسلوب الرفض كان صعب شويه و اى واحد مش بيتقبل فكرة انه ممكن يترفض مهما كان مستوى تفكيره بيفضل جزء الكرامه بيأثر عليه) و بالنسبه للبنات اللى بتسيب واحد علشان و احد تانى احسن فا دول كتير قوى (طبقا لأن الزواج اصبح مشروع و بيع و شراء و اللى هيدفع اكتر يشيل) و خد بالك المره الجايه بقى علشان ربنا يسترها معاك و متعملش حادثه (لا قدر الله) و كل شئ بيد الله سبحانه و تعالى, يا ريت تفكر ان مش كل حاجه الواحد يشوفها كويسه ليه تكون فعلا كويسه ربنا كتير بيمنع عنا حاجات ظاهرها خير بس فالأخر بنقول الحمد لله دا لو كان الموضوع ده حصل كان ممكن يحصل كذا و كذا, صح ولا انا غلطان ؟؟
كلام في الجون الصرحه بس انا مش ناوي اتجوز ( ظروف نفسيه هههههههه ) و لا بحب حد يعرفني علي بنت حتي لو كانت بنت و الحمد لله اني مبزعلش عشان حد بينتقدني او عشان اترفضت عشان انا ثقتي بالله و بنفسي كبيره جدا

تمام كده, هتيجى النخوه منين فى وجود الصحوبيه ؟؟!!
و لو الواحد هيعجب بوحده مخطوبه يبقى المره الجايه واحده متزوجه و ...............
محدش قال على صحوبيه ودلع و يبقي زي الفل ونعيش العيشه الفل بالعكس كلنا بنتكلم هنا على الزواج و الأرتباط مش حاجه تانيه و محدش هيزعل من حضرتك لو قلت كده علشان اللى حضرتك بتقوله ده الصح و لو حضرتك قلت ان ده غلط واحنا قولنا لا يبقى احنا على باطل بس احنا شايفين مشكله و سوء فهم بين صديقين بقلهم 10 سنين و عايزين نصلح بنهم (اكيد باين فالردور) و كمان نصيحه لوجه الله لصاحب الموضوع للتروى فأختيار شريكة الحياه
حاجه اخيره الردود كانت على الموقف فقط, هو مكنش بيقول عايز اتزوج واحنا قلنا لا جواز ايه يا عم مش مهم صاحب اسهلك, لا احنا قلنا وجهة نظرنا فالموضوع و الموقف فقط و طلبنا من صاحب الموضوع التروى و عدم الاستعجال ولو حضرتك معترض على اللى اتقال على الزواج فهو فى مشاركه واحده فقط
يا باشا كلامك صحيح
بعد اذنك يا ابو عبد الله اسمحلى ارد بالنيابه عندك
المشاركه دى كانت محاوله من الأخ الفاضل ابو عبد الله للتخفيف على صاحب الموضوع و لم تخلوا ايضا من النصيحه

معنى الكلام كله بأذن الله و توفيقه

فالنهايه ارجوا انى محدش يزعل منى انا اخوكم الصغير

لا طبعا محدش بيزعل من حد عشان كلنا اخوات

المشاركة الأصلية كتبت بواسطة m.osman

مش لازم يكون كويس ولا حاجة...ساعات الواحد بيكون اختياره للصحاب مهبب! و بيقعدوا اكتر من 10 سنين كمان

علي رأيك و الله

و يا جماعه انا كتبت الموقف ده من باب اني اضحكوا شويه و من باب المناقشه برضه
لاني بحس ان طريقه كتابتي كويسه و مسليه و ساخره في بعض الاحيان