قصده الشمبر يعني
وانا عندي قاعده في حياتي بتاع الكاوتش اللي معندوش مكواه يبقي مش صنايعي نهائي
ولو اتزنقت في لحام من بره بخلي اي حد يعمل اللحام السريع
انا اصلا بعمل مكوه لكن الخابور ده لو علي جثتي ولا احطه في الفرده ابداااااااااااااا
عرض للطباعة
انا سالت في الموضوع دا كتير
كنت بلاقي مسمار محترم برمه داخل في الكاوتش عافيه ودماغه مش موجوده ممسوحه نجيب مفك مافيش نقعد نلفه بالبنسه لغاية لما يطلع
المهم فبقول لبتاع الكاوتشات هو مش الخابور بيبهدل الفردة
قالي شوف يا هندسة المسمار عمل اللي خرم الفردة وفرق السلك عن بعضه
قالي واحد بقا خلاص هنحط الخابور عادي هنلحم برضو عادي واحد
لان المسمار خرم الفردة احنا هنشيل المسمار ونحط مكانه الخابور
بس
اللحام افضل بس بتاع الكاوتش يستسهل ويعمل خابور
الخابور بيضطر الصنايعي لتوسيع الخرم لأن مقاس الخابور لازم يكون أوسع من الخرم و بالتالي بيبهدل شبكة السلك أكتر
الخابور أفضل للصنايعي لأنه مبياخدش وقت و مفيهوش صنعه و كمان انت لو زبون و هو ضميره نايم شوية ، بعد كام خابور الفردة حتستوي و الزبون حيشتري من الضمير النائم فردة جديدة
الكمرة الداخلية هو النظام ما قبل التيوبلس (تيوبلس يعني بدون كمرة) و هي عوامة سوداء داخل فردة الكاوتش و ليها بلف و لا يوجد بلف في فردة الكاوتش في هذه الحالة و هي المسئولة عن الحفاظ علي ضغط الغاز و ليس الكاوتش، ميزتها عند الضرورة إنك مش حتضطر تحط خابور في الفردة و تمشي بيها لغاية صنايعي محترم و يشيلها و يرجع الفردة تيوبلس تاني و حتدفع اضافي حوالي 5 جم ثمن بلف جديد و تحافظ علي الفردة بأقل خسائر
في مواضيع كتير عن النصب في صنايعية الكاوتش ، دور في المنتدي و حتلاقي العجب و كلها مبنية علي استخدام الخابور
عجبنى اووى رأى الأخ اللى بيقول على جثتى انه يدب خابور فى الكاوتش
بصراحة لازم احنا اللى نوجه الصناعيى فى الشغل ده علشان مش هو اللى راكب هو عاوز يقلب الكاوتش اللى عنده وعاوز مش يتعب
انا بصراحة خوضت موقف فى طريق اسكندرية الصحراوى الكيلو 100 تقريبا والكاوتش عملها معايا ربنا ما يوريها لحد
فعلا موقف بمليون جنيه وخصوصا لما يكون معاك الاسرة فداك انت واسرتك اى حاجة
بس بما حضرتك طالع مصيف ومش عامل حسابك الا على مصاريف البنزين مثلا ومش واخد خوان ان الاستبن ممكن يكون مش ولابد فعلا فحص الكاوتش اهم شئ فى السيارة قبل السفر لأنه مبنى عليه اشياء كتير اووى وربنا يسترها
اوعى تتعامل مع اى كاوتش على الصحراوى
ده معلومة وعن تجربة
فعلا سفحاين ومش عندهم ضمير
الكاوتش الجديد رخيص
فعلا فردة كاوتش بــ 300 جنيه تساوى حياه أسرة
والله العظيم فعلا السفر متعة بالسيارة بس انا بعد كده مش هاخد العربية بسبب رعب الصحراوى من نقل وميكروباص فى اليومين دوول .. الترمادول والمخدرات مخلية الناس طايرة على طول الطريق وربنا يسترها واللى عاوز يسافر ياخد الصحراوى الفجر والله المستعان
وانشاء الله تكونوا فى اتم صحة واحسن حال